| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
раад̇хаб̣раахман̣авад̇т̇угат̇ааван̣н̣анаа
Rādhabrāhmaṇavatthukathāvaṇṇanā
69. раад̇хаб̣раахман̣авад̇т̇умхи гисо ахосийд̇и каад̣̇ид̇ум̣ ваа бхун̃ж̇ид̇ум̣ ваа асаггонд̇о д̇ануго ахоси аббамам̣салохид̇о. уббан̣д̣уббан̣д̣угаж̇аад̇од̇и сан̃ж̇аад̇уббан̣д̣уббан̣д̣угабхааво бан̣д̣убалаасаббадибхааг̇о. д̇хаманисант̇ад̇аг̇ад̇д̇од̇и барияаад̣̇иннамам̣салохид̇ад̇д̇аа сирааж̇аалзнзва сант̇арид̇аг̇ад̇д̇о. ад̇хигааранд̇и ад̇хигирияам̣, саггааранд̇и вуд̇д̇ам̣ ход̇и. гад̇ам̣ ж̇аананд̇ийд̇и гад̇ан̃н̃уно, гад̇ам̣ баагадам̣ гад̇ваа ж̇аананд̇ийд̇и гад̇авзд̣̇ино. гим̣ бана т̇зро бхаг̇авад̇аа б̣аараан̣асияам̣ д̇ийхи саран̣аг̇аманзхи анун̃н̃аад̇ам̣ баб̣б̣аж̇ж̇ам̣ убасамбад̣̇ан̃жа на ж̇аанаад̇ийд̇и? но на ж̇аанаад̇и. яад̣̇и звам̣ ‘‘гат̇аахам̣, бханд̇з, д̇ам̣ б̣раахман̣ам̣ баб̣б̣ааж̇зми убасамбаад̣̇змий’’д̇и гасмаа аахаад̇и имам̣ ануяог̇ам̣ санд̇хааяааха ‘‘гин̃жааби ааяасмаа саарибуд̇д̇о’’д̇иаад̣̇и. бариман̣д̣алзхийд̇и барибун̣н̣зхи. ан̃н̃ат̇аа ваа вад̇д̇аб̣б̣ам̣ ан̃н̃ат̇аа вад̣̇ад̇ийд̇и ‘‘бханд̇з’’д̇и вад̇д̇аб̣б̣ам̣ ‘‘б̣анд̇хз’’д̇и вад̣̇ад̇и.
69. Rādhabrāhmaṇavatthumhi kiso ahosīti khādituṃ vā bhuñjituṃ vā asakkonto tanuko ahosi appamaṃsalohito. Uppaṇḍuppaṇḍukajātoti sañjātuppaṇḍuppaṇḍukabhāvo paṇḍupalāsappaṭibhāgo. Dhamanisanthatagattoti pariyādinnamaṃsalohitattā sirājāleneva santharitagatto. Adhikāranti adhikiriyaṃ, sakkāranti vuttaṃ hoti. Kataṃ jānantīti kataññuno, kataṃ pākaṭaṃ katvā jānantīti katavedino. Kiṃ pana thero bhagavatā bārāṇasiyaṃ tīhi saraṇagamanehi anuññātaṃ pabbajjaṃ upasampadañca na jānātīti? No na jānāti. Yadi evaṃ ‘‘kathāhaṃ, bhante, taṃ brāhmaṇaṃ pabbājemi upasampādemī’’ti kasmā āhāti imaṃ anuyogaṃ sandhāyāha ‘‘kiñcāpi āyasmā sāriputto’’tiādi. Parimaṇḍalehīti paripuṇṇehi. Aññathā vā vattabbaṃ aññathā vadatīti ‘‘bhante’’ti vattabbaṃ ‘‘bandhe’’ti vadati.
71-73. самананд̇араад̇и ананд̇арам̣. бан̣н̣ад̇д̇ивийд̇иггамам̣ гарод̇ийд̇и сигкаабад̣̇авийд̇иггамам̣ гарод̇и. ад̇д̇абхаавабарихаран̣ад̇т̇ам̣ ниссийяанд̇ийд̇и ниссаяаа, бин̣д̣ияаалобабхож̇анаад̣̇игаа жад̇д̇ааро бажжаяаа. д̇ад̇т̇а бин̣д̣ияаалобабхож̇ананд̇и ж̇ан̇гхабин̣д̣ияаб̣алзна жарид̇ваа аалобамад̇д̇ам̣ лад̣̇д̇хабхож̇анам̣. ад̇ирзгалаабход̇и ‘‘бин̣д̣ияаалобабхож̇анам̣ ниссааяаа’’д̇и звам̣ вуд̇д̇абхигкаахааралаабхад̇о ад̇хигалаабхо сан̇гхабхад̇д̇аад̣̇и. д̇ад̇т̇а сагаласса сан̇гхасса д̣̇аад̇аб̣б̣абхад̇д̇ам̣ сан̇гхабхад̇д̇ам̣. гад̇ибаяз бхигкуу уд̣̇д̣̇исид̇ваа д̣̇аад̇аб̣б̣абхад̇д̇ам̣ уд̣̇д̣̇зсабхад̇д̇ам̣. ниманд̇зд̇ваа д̣̇аад̇аб̣б̣абхад̇д̇ам̣ ниманд̇анам̣. салаагам̣ г̇аахаабзд̇ваа д̣̇аад̇аб̣б̣абхад̇д̇ам̣ салаагабхад̇д̇ам̣. згасмим̣ багкз згад̣̇ивасам̣ д̣̇аад̇аб̣б̣абхад̇д̇ам̣ багкигам̣. убосат̇з д̣̇аад̇аб̣б̣абхад̇д̇ам̣ убосат̇игам̣. баадибад̣̇ад̣̇ивасз д̣̇аад̇аб̣б̣абхад̇д̇ам̣ баадибад̣̇игам̣. вид̇т̇аарагат̇аа нзсам̣ сзнаасанагканд̇хагаван̣н̣анааяам̣ аави бхависсад̇и.
71-73.Samanantarāti anantaraṃ. Paṇṇattivītikkamaṃ karotīti sikkhāpadavītikkamaṃ karoti. Attabhāvapariharaṇatthaṃ nissīyantīti nissayā, piṇḍiyālopabhojanādikā cattāro paccayā. Tattha piṇḍiyālopabhojananti jaṅghapiṇḍiyabalena caritvā ālopamattaṃ laddhabhojanaṃ. Atirekalābhoti ‘‘piṇḍiyālopabhojanaṃ nissāyā’’ti evaṃ vuttabhikkhāhāralābhato adhikalābho saṅghabhattādi. Tattha sakalassa saṅghassa dātabbabhattaṃ saṅghabhattaṃ. Katipaye bhikkhū uddisitvā dātabbabhattaṃ uddesabhattaṃ. Nimantetvā dātabbabhattaṃ nimantanaṃ. Salākaṃ gāhāpetvā dātabbabhattaṃ salākabhattaṃ. Ekasmiṃ pakkhe ekadivasaṃ dātabbabhattaṃ pakkhikaṃ. Uposathe dātabbabhattaṃ uposathikaṃ. Pāṭipadadivase dātabbabhattaṃ pāṭipadikaṃ. Vitthārakathā nesaṃ senāsanakkhandhakavaṇṇanāyaṃ āvi bhavissati.
вихаарод̇и баагаарабарижчинно сагало ааваасо. ад̣дхаяог̇од̇и
Vihāroti pākāraparicchinno sakalo āvāso. Aḍḍhayogoti
д̣̇ийгхабаасаад̣̇о. г̇арул̣асан̣таанабаасаад̣̇од̇иби вад̣̇анд̇и. баасаад̣̇од̇и жад̇урассабаасаад̣̇о. хаммияанд̇и мун̣д̣ажчад̣̇анабаасаад̣̇о. абарз бана бхан̣анд̇и ‘‘вихааро наама д̣̇ийгхамукабаасаад̣̇о, ад̣дхаяог̇о згабассажчад̣̇анагасзнаасанам̣ , д̇асса гира згабассз бхид̇д̇и ужжад̇араа ход̇и, ид̇арабассз нийжаа, д̇зна д̇ам̣ згабассажчад̣̇анагам̣ ход̇и, баасаад̣̇о ааяад̇ажад̇урассабаасаад̣̇о, хаммияам̣ мун̣д̣ажчад̣̇анам̣ жанд̣̇иган̇г̇ан̣аяуд̇д̇а’’нд̇и. г̇ухаад̇и баб̣б̣ад̇аг̇ухаа. бууд̇имуд̇д̇анд̇и яам̣ гин̃жи муд̇д̇ам̣. яат̇аа суван̣н̣аван̣н̣оби гааяо ‘‘бууд̇игааяо’’д̇и вужжад̇и, звам̣ абхинавамби муд̇д̇ам̣ бууд̇имуд̇д̇амзва. сзсамзд̇т̇а уд̇д̇аанад̇т̇амзва.
Dīghapāsādo. Garuḷasaṇṭhānapāsādotipi vadanti. Pāsādoti caturassapāsādo. Hammiyanti muṇḍacchadanapāsādo. Apare pana bhaṇanti ‘‘vihāro nāma dīghamukhapāsādo, aḍḍhayogo ekapassacchadanakasenāsanaṃ , tassa kira ekapasse bhitti uccatarā hoti, itarapasse nīcā, tena taṃ ekapassacchadanakaṃ hoti, pāsādo āyatacaturassapāsādo, hammiyaṃ muṇḍacchadanaṃ candikaṅgaṇayutta’’nti. Guhāti pabbataguhā. Pūtimuttanti yaṃ kiñci muttaṃ. Yathā suvaṇṇavaṇṇopi kāyo ‘‘pūtikāyo’’ti vuccati, evaṃ abhinavampi muttaṃ pūtimuttameva. Sesamettha uttānatthameva.
раад̇хаб̣раахман̣авад̇т̇угат̇ааван̣н̣анаа нидтид̇аа.
Rādhabrāhmaṇavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 17. бан̣аамид̇агат̇аа • 17. Paṇāmitakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / раад̇хаб̣раахман̣авад̇т̇угат̇аа • Rādhabrāhmaṇavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / раад̇хаб̣раахман̣авад̇т̇угат̇ааван̣н̣анаа • Rādhabrāhmaṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / раад̇хаб̣раахман̣авад̇т̇угат̇ааван̣н̣анаа • Rādhabrāhmaṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / раад̇хаб̣раахман̣авад̇т̇угат̇аа • Rādhabrāhmaṇavatthukathā
