| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
राधब्राह्मणवत्थुकथावण्णना
Rādhabrāhmaṇavatthukathāvaṇṇanā
६९. राधब्राह्मणवत्थुस्मिं पाळियं उप्पण्डुप्पण्डुकजातोति सकलसरीरे सञ्जातपण्डुवण्णो। पण्डुवण्णस्स सकलसरीरे ब्यापितभावदस्सनत्थञ्हि विच्छावचनं कतं। अधिकारन्ति उपकारं। कतवेदिनोति अत्तनो कतं उपकारं पटिकिरियाय ञापका। उपसम्पदाकम्मवाचाय यं वत्तब्बं, तं परियोसाने वक्खाम। परिमण्डलेहीति परिपुण्णेहि।
69. Rādhabrāhmaṇavatthusmiṃ pāḷiyaṃ uppaṇḍuppaṇḍukajātoti sakalasarīre sañjātapaṇḍuvaṇṇo. Paṇḍuvaṇṇassa sakalasarīre byāpitabhāvadassanatthañhi vicchāvacanaṃ kataṃ. Adhikāranti upakāraṃ. Katavedinoti attano kataṃ upakāraṃ paṭikiriyāya ñāpakā. Upasampadākammavācāya yaṃ vattabbaṃ, taṃ pariyosāne vakkhāma. Parimaṇḍalehīti paripuṇṇehi.
७१-७३. पण्णत्तिवीतिक्कमन्ति सिक्खापदवीतिक्कमं। पाळियं पिण्डियालोपभोजनन्ति जङ्घपिण्डिमंसबलेन चरित्वा आलोपालोपवसेन परियिट्ठभोजनं। अतिरेकलाभोति भिक्खाहारतो अधिकलाभो। सङ्घभत्तादीनं विभागो सेनासनक्खन्धके आवि भविस्सति। विहारोति तिणकुटिकादिसहितो पाकारपरिच्छिन्नो सकलो सङ्घारामो। अड्ढयोगोति एकसालो दीघपासादो। हत्थिपिट्ठिगरुळसण्ठानो दीघपासादोतिपि वदन्ति। पासादोति चतुरस्सो उच्चो अनेकभूमकपासादो। हम्मियन्ति मुण्डच्छदनो चन्दिकङ्गणयुत्तो नातिउच्चो पासादो। गुहाति पब्बतगुहा। पूतिमुत्तन्ति गोमुत्तं।
71-73.Paṇṇattivītikkamanti sikkhāpadavītikkamaṃ. Pāḷiyaṃ piṇḍiyālopabhojananti jaṅghapiṇḍimaṃsabalena caritvā ālopālopavasena pariyiṭṭhabhojanaṃ. Atirekalābhoti bhikkhāhārato adhikalābho. Saṅghabhattādīnaṃ vibhāgo senāsanakkhandhake āvi bhavissati. Vihāroti tiṇakuṭikādisahito pākāraparicchinno sakalo saṅghārāmo. Aḍḍhayogoti ekasālo dīghapāsādo. Hatthipiṭṭhigaruḷasaṇṭhāno dīghapāsādotipi vadanti. Pāsādoti caturasso ucco anekabhūmakapāsādo. Hammiyanti muṇḍacchadano candikaṅgaṇayutto nātiucco pāsādo. Guhāti pabbataguhā. Pūtimuttanti gomuttaṃ.
राधब्राह्मणवत्थुकथावण्णना निट्ठिता।
Rādhabrāhmaṇavatthukathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi / १७. पणामितकथा • 17. Paṇāmitakathā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā / राधब्राह्मणवत्थुकथा • Rādhabrāhmaṇavatthukathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / राधब्राह्मणवत्थुकथावण्णना • Rādhabrāhmaṇavatthukathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / राधब्राह्मणवत्थुकथावण्णना • Rādhabrāhmaṇavatthukathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / राधब्राह्मणवत्थुकथा • Rādhabrāhmaṇavatthukathā
