| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
ราธพฺราหฺมณวตฺถุกถาวณฺณนา
Rādhabrāhmaṇavatthukathāvaṇṇanā
๖๙. ราธพฺราหฺมณวตฺถุสฺมิํ ปาฬิยํ อุปฺปณฺฑุปฺปณฺฑุกชาโตติ สกลสรีเร สญฺชาตปณฺฑุวโณฺณฯ ปณฺฑุวณฺณสฺส สกลสรีเร พฺยาปิตภาวทสฺสนตฺถญฺหิ วิจฺฉาวจนํ กตํฯ อธิการนฺติ อุปการํฯ กตเวทิโนติ อตฺตโน กตํ อุปการํ ปฎิกิริยาย ญาปกาฯ อุปสมฺปทากมฺมวาจาย ยํ วตฺตพฺพํ, ตํ ปริโยสาเน วกฺขามฯ ปริมณฺฑเลหีติ ปริปุเณฺณหิฯ
69. Rādhabrāhmaṇavatthusmiṃ pāḷiyaṃ uppaṇḍuppaṇḍukajātoti sakalasarīre sañjātapaṇḍuvaṇṇo. Paṇḍuvaṇṇassa sakalasarīre byāpitabhāvadassanatthañhi vicchāvacanaṃ kataṃ. Adhikāranti upakāraṃ. Katavedinoti attano kataṃ upakāraṃ paṭikiriyāya ñāpakā. Upasampadākammavācāya yaṃ vattabbaṃ, taṃ pariyosāne vakkhāma. Parimaṇḍalehīti paripuṇṇehi.
๗๑-๗๓. ปณฺณตฺติวีติกฺกมนฺติ สิกฺขาปทวีติกฺกมํฯ ปาฬิยํ ปิณฺฑิยาโลปโภชนนฺติ ชงฺฆปิณฺฑิมํสพเลน จริตฺวา อาโลปาโลปวเสน ปริยิฎฺฐโภชนํฯ อติเรกลาโภติ ภิกฺขาหารโต อธิกลาโภฯ สงฺฆภตฺตาทีนํ วิภาโค เสนาสนกฺขนฺธเก อาวิ ภวิสฺสติฯ วิหาโรติ ติณกุฎิกาทิสหิโต ปาการปริจฺฉิโนฺน สกโล สงฺฆาราโมฯ อฑฺฒโยโคติ เอกสาโล ทีฆปาสาโทฯ หตฺถิปิฎฺฐิครุฬสณฺฐาโน ทีฆปาสาโทติปิ วทนฺติฯ ปาสาโทติ จตุรโสฺส อุโจฺจ อเนกภูมกปาสาโทฯ หมฺมิยนฺติ มุณฺฑจฺฉทโน จนฺทิกงฺคณยุโตฺต นาติอุโจฺจ ปาสาโทฯ คุหาติ ปพฺพตคุหาฯ ปูติมุตฺตนฺติ โคมุตฺตํฯ
71-73.Paṇṇattivītikkamanti sikkhāpadavītikkamaṃ. Pāḷiyaṃ piṇḍiyālopabhojananti jaṅghapiṇḍimaṃsabalena caritvā ālopālopavasena pariyiṭṭhabhojanaṃ. Atirekalābhoti bhikkhāhārato adhikalābho. Saṅghabhattādīnaṃ vibhāgo senāsanakkhandhake āvi bhavissati. Vihāroti tiṇakuṭikādisahito pākāraparicchinno sakalo saṅghārāmo. Aḍḍhayogoti ekasālo dīghapāsādo. Hatthipiṭṭhigaruḷasaṇṭhāno dīghapāsādotipi vadanti. Pāsādoti caturasso ucco anekabhūmakapāsādo. Hammiyanti muṇḍacchadano candikaṅgaṇayutto nātiucco pāsādo. Guhāti pabbataguhā. Pūtimuttanti gomuttaṃ.
ราธพฺราหฺมณวตฺถุกถาวณฺณนา นิฎฺฐิตาฯ
Rādhabrāhmaṇavatthukathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๗. ปณามิตกถา • 17. Paṇāmitakathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / ราธพฺราหฺมณวตฺถุกถา • Rādhabrāhmaṇavatthukathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ราธพฺราหฺมณวตฺถุกถาวณฺณนา • Rādhabrāhmaṇavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ราธพฺราหฺมณวตฺถุกถาวณฺณนา • Rādhabrāhmaṇavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ราธพฺราหฺมณวตฺถุกถา • Rādhabrāhmaṇavatthukathā
