| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
ရာဓဗ္ရာဟ္မဏဝတ္ထုကထာဝဏ္ဏနာ
Rādhabrāhmaṇavatthukathāvaṇṇanā
၆၉. ရာဓဗ္ရာဟ္မဏဝတ္ထုသ္မိံ ပာဠိယံ ဥပ္ပဏ္ဍုပ္ပဏ္ဍုကဇာတောတိ သကလသရီရေ သဉ္ဇာတပဏ္ဍုဝဏ္ဏော။ ပဏ္ဍုဝဏ္ဏသ္သ သကလသရီရေ ဗ္ယာပိတဘာဝဒသ္သနတ္ထဉ္ဟိ ဝိစ္ဆာဝစနံ ကတံ။ အဓိကာရန္တိ ဥပကာရံ။ ကတဝေဒိနောတိ အတ္တနော ကတံ ဥပကာရံ ပဋိကိရိယာယ ဉာပကာ။ ဥပသမ္ပဒာကမ္မဝာစာယ ယံ ဝတ္တဗ္ဗံ, တံ ပရိယောသာနေ ဝက္ခာမ။ ပရိမဏ္ဍလေဟီတိ ပရိပုဏ္ဏေဟိ။
69. Rādhabrāhmaṇavatthusmiṃ pāḷiyaṃ uppaṇḍuppaṇḍukajātoti sakalasarīre sañjātapaṇḍuvaṇṇo. Paṇḍuvaṇṇassa sakalasarīre byāpitabhāvadassanatthañhi vicchāvacanaṃ kataṃ. Adhikāranti upakāraṃ. Katavedinoti attano kataṃ upakāraṃ paṭikiriyāya ñāpakā. Upasampadākammavācāya yaṃ vattabbaṃ, taṃ pariyosāne vakkhāma. Parimaṇḍalehīti paripuṇṇehi.
၇၁-၇၃. ပဏ္ဏတ္တိဝီတိက္ကမန္တိ သိက္ခာပဒဝီတိက္ကမံ။ ပာဠိယံ ပိဏ္ဍိယာလောပဘောဇနန္တိ ဇင္ဃပိဏ္ဍိမံသဗလေန စရိတ္ဝာ အာလောပာလောပဝသေန ပရိယိဋ္ဌဘောဇနံ။ အတိရေကလာဘောတိ ဘိက္ခာဟာရတော အဓိကလာဘော။ သင္ဃဘတ္တာဒီနံ ဝိဘာဂော သေနာသနက္ခန္ဓကေ အာဝိ ဘဝိသ္သတိ။ ဝိဟာရောတိ တိဏကုဋိကာဒိသဟိတော ပာကာရပရိစ္ဆိန္နော သကလော သင္ဃာရာမော။ အဍ္ဎယောဂောတိ ဧကသာလော ဒီဃပာသာဒော။ ဟတ္ထိပိဋ္ဌိဂရုဠသဏ္ဌာနော ဒီဃပာသာဒောတိပိ ဝဒန္တိ။ ပာသာဒောတိ စတုရသ္သော ဥစ္စော အနေကဘူမကပာသာဒော။ ဟမ္မိယန္တိ မုဏ္ဍစ္ဆဒနော စန္ဒိကင္ဂဏယုတ္တော နာတိဥစ္စော ပာသာဒော။ ဂုဟာတိ ပဗ္ဗတဂုဟာ။ ပူတိမုတ္တန္တိ ဂောမုတ္တံ။
71-73.Paṇṇattivītikkamanti sikkhāpadavītikkamaṃ. Pāḷiyaṃ piṇḍiyālopabhojananti jaṅghapiṇḍimaṃsabalena caritvā ālopālopavasena pariyiṭṭhabhojanaṃ. Atirekalābhoti bhikkhāhārato adhikalābho. Saṅghabhattādīnaṃ vibhāgo senāsanakkhandhake āvi bhavissati. Vihāroti tiṇakuṭikādisahito pākāraparicchinno sakalo saṅghārāmo. Aḍḍhayogoti ekasālo dīghapāsādo. Hatthipiṭṭhigaruḷasaṇṭhāno dīghapāsādotipi vadanti. Pāsādoti caturasso ucco anekabhūmakapāsādo. Hammiyanti muṇḍacchadano candikaṅgaṇayutto nātiucco pāsādo. Guhāti pabbataguhā. Pūtimuttanti gomuttaṃ.
ရာဓဗ္ရာဟ္မဏဝတ္ထုကထာဝဏ္ဏနာ နိဋ္ဌိတာ။
Rādhabrāhmaṇavatthukathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၇. ပဏာမိတကထာ • 17. Paṇāmitakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ရာဓဗ္ရာဟ္မဏဝတ္ထုကထာ • Rādhabrāhmaṇavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ရာဓဗ္ရာဟ္မဏဝတ္ထုကထာဝဏ္ဏနာ • Rādhabrāhmaṇavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ရာဓဗ္ရာဟ္မဏဝတ္ထုကထာဝဏ္ဏနာ • Rādhabrāhmaṇavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ရာဓဗ္ရာဟ္မဏဝတ္ထုကထာ • Rādhabrāhmaṇavatthukathā
