| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
රාධබ්‍රාහ්‌මණවත්‌ථුකථාවණ්‌ණනා
Rādhabrāhmaṇavatthukathāvaṇṇanā
69. රාධබ්‍රාහ්‌මණවත්‌ථුස්‌මිං පාළියං උප්‌පණ්‌ඩුප්‌පණ්‌ඩුකජාතොති සකලසරීරෙ සඤ්‌ජාතපණ්‌ඩුවණ්‌ණො. පණ්‌ඩුවණ්‌ණස්‌ස සකලසරීරෙ බ්‍යාපිතභාවදස්‌සනත්‌ථඤ්‌හි විච්‌ඡාවචනං කතං. අධිකාරන්‌ති උපකාරං. කතවෙදිනොති අත්‌තනො කතං උපකාරං පටිකිරියාය ඤාපකා. උපසම්‌පදාකම්‌මවාචාය යං වත්‌තබ්‌බං, තං පරියොසානෙ වක්‌ඛාම. පරිමණ්‌ඩලෙහීති පරිපුණ්‌ණෙහි.
69. Rādhabrāhmaṇavatthusmiṃ pāḷiyaṃ uppaṇḍuppaṇḍukajātoti sakalasarīre sañjātapaṇḍuvaṇṇo. Paṇḍuvaṇṇassa sakalasarīre byāpitabhāvadassanatthañhi vicchāvacanaṃ kataṃ. Adhikāranti upakāraṃ. Katavedinoti attano kataṃ upakāraṃ paṭikiriyāya ñāpakā. Upasampadākammavācāya yaṃ vattabbaṃ, taṃ pariyosāne vakkhāma. Parimaṇḍalehīti paripuṇṇehi.
71-73. පණ්‌ණත්‌තිවීතික්‌කමන්‌ති සික්‌ඛාපදවීතික්‌කමං. පාළියං පිණ්‌ඩියාලොපභොජනන්‌ති ජඞ්‌ඝපිණ්‌ඩිමංසබලෙන චරිත්‌වා ආලොපාලොපවසෙන පරියිට්‌ඨභොජනං. අතිරෙකලාභොති භික්‌ඛාහාරතො අධිකලාභො. සඞ්‌ඝභත්‌තාදීනං විභාගො සෙනාසනක්‌ඛන්‌ධකෙ ආවි භවිස්‌සති. විහාරොති තිණකුටිකාදිසහිතො පාකාරපරිච්‌ඡින්‌නො සකලො සඞ්‌ඝාරාමො. අඩ්‌ඪයොගොති එකසාලො දීඝපාසාදො. හත්‌ථිපිට්‌ඨිගරුළසණ්‌ඨානො දීඝපාසාදොතිපි වදන්‌ති. පාසාදොති චතුරස්‌සො උච්‌චො අනෙකභූමකපාසාදො. හම්‌මියන්‌ති මුණ්‌ඩච්‌ඡදනො චන්‌දිකඞ්‌ගණයුත්‌තො නාතිඋච්‌චො පාසාදො. ගුහාති පබ්‌බතගුහා. පූතිමුත්‌තන්‌ති ගොමුත්‌තං.
71-73.Paṇṇattivītikkamanti sikkhāpadavītikkamaṃ. Pāḷiyaṃ piṇḍiyālopabhojananti jaṅghapiṇḍimaṃsabalena caritvā ālopālopavasena pariyiṭṭhabhojanaṃ. Atirekalābhoti bhikkhāhārato adhikalābho. Saṅghabhattādīnaṃ vibhāgo senāsanakkhandhake āvi bhavissati. Vihāroti tiṇakuṭikādisahito pākāraparicchinno sakalo saṅghārāmo. Aḍḍhayogoti ekasālo dīghapāsādo. Hatthipiṭṭhigaruḷasaṇṭhāno dīghapāsādotipi vadanti. Pāsādoti caturasso ucco anekabhūmakapāsādo. Hammiyanti muṇḍacchadano candikaṅgaṇayutto nātiucco pāsādo. Guhāti pabbataguhā. Pūtimuttanti gomuttaṃ.
රාධබ්‍රාහ්‌මණවත්‌ථුකථාවණ්‌ණනා නිට්‌ඨිතා.
Rādhabrāhmaṇavatthukathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 17. පණාමිතකථා • 17. Paṇāmitakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / රාධබ්‍රාහ්‌මණවත්‌ථුකථා • Rādhabrāhmaṇavatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / රාධබ්‍රාහ්‌මණවත්‌ථුකථාවණ්‌ණනා • Rādhabrāhmaṇavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / රාධබ්‍රාහ්‌මණවත්‌ථුකථාවණ්‌ණනා • Rādhabrāhmaṇavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / රාධබ්‍රාහ්‌මණවත්‌ථුකථා • Rādhabrāhmaṇavatthukathā
