| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
རཱདྷབྲཱཧྨཎཝཏྠུཀཐཱཝཎྞནཱ
Rādhabrāhmaṇavatthukathāvaṇṇanā
༦༩. རཱདྷབྲཱཧྨཎཝཏྠུསྨིཾ པཱལི༹ཡཾ ཨུཔྤཎྜུཔྤཎྜུཀཛཱཏོཏི སཀལསརཱིརེ སཉྫཱཏཔཎྜུཝཎྞོ། པཎྜུཝཎྞསྶ སཀལསརཱིརེ བྱཱཔིཏབྷཱཝདསྶནཏྠཉྷི ཝིཙྪཱཝཙནཾ ཀཏཾ། ཨདྷིཀཱརནྟི ཨུཔཀཱརཾ། ཀཏཝེདིནོཏི ཨཏྟནོ ཀཏཾ ཨུཔཀཱརཾ པཊིཀིརིཡཱཡ ཉཱཔཀཱ། ཨུཔསམྤདཱཀམྨཝཱཙཱཡ ཡཾ ཝཏྟབྦཾ, ཏཾ པརིཡོསཱནེ ཝཀྑཱམ། པརིམཎྜལེཧཱིཏི པརིཔུཎྞེཧི།
69. Rādhabrāhmaṇavatthusmiṃ pāḷiyaṃ uppaṇḍuppaṇḍukajātoti sakalasarīre sañjātapaṇḍuvaṇṇo. Paṇḍuvaṇṇassa sakalasarīre byāpitabhāvadassanatthañhi vicchāvacanaṃ kataṃ. Adhikāranti upakāraṃ. Katavedinoti attano kataṃ upakāraṃ paṭikiriyāya ñāpakā. Upasampadākammavācāya yaṃ vattabbaṃ, taṃ pariyosāne vakkhāma. Parimaṇḍalehīti paripuṇṇehi.
༧༡-༧༣. པཎྞཏྟིཝཱིཏིཀྐམནྟི སིཀྑཱཔདཝཱིཏིཀྐམཾ། པཱལི༹ཡཾ པིཎྜིཡཱལོཔབྷོཛནནྟི ཛངྒྷཔིཎྜིམཾསབལེན ཙརིཏྭཱ ཨཱལོཔཱལོཔཝསེན པརིཡིཊྛབྷོཛནཾ། ཨཏིརེཀལཱབྷོཏི བྷིཀྑཱཧཱརཏོ ཨདྷིཀལཱབྷོ། སངྒྷབྷཏྟཱདཱིནཾ ཝིབྷཱགོ སེནཱསནཀྑནྡྷཀེ ཨཱཝི བྷཝིསྶཏི། ཝིཧཱརོཏི ཏིཎཀུཊིཀཱདིསཧིཏོ པཱཀཱརཔརིཙྪིནྣོ སཀལོ སངྒྷཱརཱམོ། ཨཌྜྷཡོགོཏི ཨེཀསཱལོ དཱིགྷཔཱསཱདོ། ཧཏྠིཔིཊྛིགརུལ༹སཎྛཱནོ དཱིགྷཔཱསཱདོཏིཔི ཝདནྟི། པཱསཱདོཏི ཙཏུརསྶོ ཨུཙྩོ ཨནེཀབྷཱུམཀཔཱསཱདོ། ཧམྨིཡནྟི མུཎྜཙྪདནོ ཙནྡིཀངྒཎཡུཏྟོ ནཱཏིཨུཙྩོ པཱསཱདོ། གུཧཱཏི པབྦཏགུཧཱ། པཱུཏིམུཏྟནྟི གོམུཏྟཾ།
71-73.Paṇṇattivītikkamanti sikkhāpadavītikkamaṃ. Pāḷiyaṃ piṇḍiyālopabhojananti jaṅghapiṇḍimaṃsabalena caritvā ālopālopavasena pariyiṭṭhabhojanaṃ. Atirekalābhoti bhikkhāhārato adhikalābho. Saṅghabhattādīnaṃ vibhāgo senāsanakkhandhake āvi bhavissati. Vihāroti tiṇakuṭikādisahito pākāraparicchinno sakalo saṅghārāmo. Aḍḍhayogoti ekasālo dīghapāsādo. Hatthipiṭṭhigaruḷasaṇṭhāno dīghapāsādotipi vadanti. Pāsādoti caturasso ucco anekabhūmakapāsādo. Hammiyanti muṇḍacchadano candikaṅgaṇayutto nātiucco pāsādo. Guhāti pabbataguhā. Pūtimuttanti gomuttaṃ.
རཱདྷབྲཱཧྨཎཝཏྠུཀཐཱཝཎྞནཱ ནིཊྛིཏཱ།
Rādhabrāhmaṇavatthukathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༡༧. པཎཱམིཏཀཐཱ • 17. Paṇāmitakathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / རཱདྷབྲཱཧྨཎཝཏྠུཀཐཱ • Rādhabrāhmaṇavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / རཱདྷབྲཱཧྨཎཝཏྠུཀཐཱཝཎྞནཱ • Rādhabrāhmaṇavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / རཱདྷབྲཱཧྨཎཝཏྠུཀཐཱཝཎྞནཱ • Rādhabrāhmaṇavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / རཱདྷབྲཱཧྨཎཝཏྠུཀཐཱ • Rādhabrāhmaṇavatthukathā
