| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[145] 5. раад̇хаж̇аад̇агаван̣н̣анаа
[145] 5. Rādhajātakavaṇṇanā
на д̇вам̣ раад̇ха виж̇аанаасийд̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣бха гат̇зси. бажжуббаннавад̇т̇у инд̣̇рияаж̇аад̇агз аави бхависсад̇и. сад̇т̇аа бана д̇ам̣ бхигкум̣ ааманд̇зд̇ваа ‘‘бхигку маад̇уг̇аамо наама арагкияо, аарагкам̣ табзд̇ваа рагканд̇ааби рагкид̇ум̣ на саггонд̇и. д̇вамби буб̣б̣з зд̇ам̣ аарагкам̣ табзд̇ваа рагканд̇оби рагкид̇ум̣ наасагки, ид̣̇аани гат̇ам̣ рагкиссасий’’д̇и вад̇ваа ад̇ийд̇ам̣ аахари.
Na tvaṃ rādha vijānāsīti idaṃ satthā jetavane viharanto purāṇadutiyikāpalobhanaṃ ārabbha kathesi. Paccuppannavatthu indriyajātake āvi bhavissati. Satthā pana taṃ bhikkhuṃ āmantetvā ‘‘bhikkhu mātugāmo nāma arakkhiyo, ārakkhaṃ ṭhapetvā rakkhantāpi rakkhituṃ na sakkonti. Tvampi pubbe etaṃ ārakkhaṃ ṭhapetvā rakkhantopi rakkhituṃ nāsakkhi, idāni kathaṃ rakkhissasī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сугаяонияам̣ ниб̣б̣ад̇д̇и. гаасирадтз зго б̣раахман̣о б̣од̇хисад̇д̇ан̃жа ганидтабхаад̇аран̃жасса буд̇д̇адтаанз табзд̇ваа босзси. д̇зсу б̣од̇хисад̇д̇асса ‘‘бодтабаад̣̇о’’д̇и наамам̣ ахоси, ид̇арасса ‘‘раад̇хо’’д̇и. д̇асса бана б̣раахман̣асса бхарияаа анаажаараа ход̇и д̣̇уссийлаа. со вохаарад̇т̇ааяа г̇ажчанд̇о убхоби бхаад̇аро ааха – ‘‘д̇аад̇аа, сажз во маад̇аа б̣раахман̣ий анаажаарам̣ аажарад̇и, ваарзяяаат̇а на’’нд̇и. б̣од̇хисад̇д̇о ааха ‘‘саад̇ху, д̇аад̇а, ваарзд̇ум̣ саггонд̇аа ваарзяяаама, асаггонд̇аа д̇ун̣хий бхависсаамаа’’д̇и. звам̣ б̣раахман̣о б̣раахман̣им̣ сугаанам̣ нияяаад̣̇зд̇ваа вохаарад̇т̇ааяа г̇ад̇о.
Atīte bārāṇasiyaṃ brahmadatte rajjaṃ kārente bodhisatto sukayoniyaṃ nibbatti. Kāsiraṭṭhe eko brāhmaṇo bodhisattañca kaniṭṭhabhātarañcassa puttaṭṭhāne ṭhapetvā posesi. Tesu bodhisattassa ‘‘poṭṭhapādo’’ti nāmaṃ ahosi, itarassa ‘‘rādho’’ti. Tassa pana brāhmaṇassa bhariyā anācārā hoti dussīlā. So vohāratthāya gacchanto ubhopi bhātaro āha – ‘‘tātā, sace vo mātā brāhmaṇī anācāraṃ ācarati, vāreyyātha na’’nti. Bodhisatto āha ‘‘sādhu, tāta, vāretuṃ sakkontā vāreyyāma, asakkontā tuṇhī bhavissāmā’’ti. Evaṃ brāhmaṇo brāhmaṇiṃ sukānaṃ niyyādetvā vohāratthāya gato.
д̇асса бана г̇ад̇ад̣̇ивасад̇о бадтааяа б̣раахман̣ий ад̇ижарид̇ум̣ аарад̣̇д̇хаа, бависанд̇аанан̃жа нигкаманд̇аанан̃жа анд̇о над̇т̇и, д̇ассаа гирияам̣ д̣̇исваа раад̇хо б̣од̇хисад̇д̇ам̣ ааха – ‘‘бхаад̇ига, амхаагам̣ бид̇аа ‘сажз во маад̇аа анаажаарам̣ аажарад̇и, ваарзяяаат̇аа’д̇и вад̇ваа г̇ад̇о, ид̣̇аани жзсаа анаажаарам̣ аажарад̇и, ваарзма на’’нд̇и. б̣од̇хисад̇д̇о ‘‘д̇аад̇а, д̇вам̣ ад̇д̇ано аб̣яад̇д̇ад̇ааяа б̣аалабхаавзна звам̣ вад̣̇зси, маад̇уг̇аамам̣ наама угкибид̇ваа жаранд̇ааби рагкид̇ум̣ на саггонд̇и. яам̣ гаммам̣ гаад̇ум̣ на саггаа, на д̇ам̣ гаад̇ум̣ ваддад̇ий’’д̇и вад̇ваа имам̣ г̇аат̇амааха –
Tassa pana gatadivasato paṭṭhāya brāhmaṇī aticarituṃ āraddhā, pavisantānañca nikkhamantānañca anto natthi, tassā kiriyaṃ disvā rādho bodhisattaṃ āha – ‘‘bhātika, amhākaṃ pitā ‘sace vo mātā anācāraṃ ācarati, vāreyyāthā’ti vatvā gato, idāni cesā anācāraṃ ācarati, vārema na’’nti. Bodhisatto ‘‘tāta, tvaṃ attano abyattatāya bālabhāvena evaṃ vadesi, mātugāmaṃ nāma ukkhipitvā carantāpi rakkhituṃ na sakkonti. Yaṃ kammaṃ kātuṃ na sakkā, na taṃ kātuṃ vaṭṭatī’’ti vatvā imaṃ gāthamāha –
145.
145.
‘‘на д̇вам̣ раад̇ха виж̇аанааси, ад̣дхарад̇д̇з анааг̇ад̇з;
‘‘Na tvaṃ rādha vijānāsi, aḍḍharatte anāgate;
аб̣яаяад̇ам̣ вилабаси, вирад̇д̇аа госияааяанз’’д̇и.
Abyayataṃ vilapasi, virattā kosiyāyane’’ti.
д̇ад̇т̇а на д̇вам̣ раад̇ха виж̇аанааси, ад̣дхарад̇д̇з анааг̇ад̇зд̇и д̇аад̇а раад̇ха, д̇вам̣ на ж̇аанааси, ад̣дхарад̇д̇з анааг̇ад̇з батамаяаамзязва зд̇д̇агаа ж̇анаа ааг̇ад̇аа, ид̣̇аани го ж̇аанаад̇и, гид̇д̇агааби ааг̇амиссанд̇и. аб̣яаяад̇ам̣ вилабасийд̇и д̇вам̣ аб̣яад̇д̇авилаабам̣ вилабаси. вирад̇д̇аа госияааяанзд̇и маад̇аа но госияааяаний б̣раахман̣ий вирад̇д̇аа амхаагам̣ бид̇ари ниббзмаа ж̇аад̇аа. сажассаа д̇асмим̣ синзхо ваа бзмам̣ ваа бхавзяяа, на зваруубам̣ анаажаарам̣ гарзяяаад̇и имамад̇т̇ам̣ зд̇зхи б̣яан̃ж̇анзхи багаасзси.
Tattha na tvaṃ rādha vijānāsi, aḍḍharatte anāgateti tāta rādha, tvaṃ na jānāsi, aḍḍharatte anāgate paṭhamayāmeyeva ettakā janā āgatā, idāni ko jānāti, kittakāpi āgamissanti. Abyayataṃ vilapasīti tvaṃ abyattavilāpaṃ vilapasi. Virattā kosiyāyaneti mātā no kosiyāyanī brāhmaṇī virattā amhākaṃ pitari nippemā jātā. Sacassā tasmiṃ sineho vā pemaṃ vā bhaveyya, na evarūpaṃ anācāraṃ kareyyāti imamatthaṃ etehi byañjanehi pakāsesi.
звам̣ багаасзд̇ваа жа бана б̣раахман̣ияаа сад̣̇д̇хим̣ раад̇хасса вад̇д̇ум̣ на ад̣̇ааси. сааби яаава б̣раахман̣асса анааг̇аманаа яат̇ааружияаа вижари. б̣раахман̣о ааг̇анд̇ваа бодтабаад̣̇ам̣ бужчи – ‘‘д̇аад̇а, гийд̣̇исий во маад̇аа’’д̇и. б̣од̇хисад̇д̇о б̣раахман̣асса саб̣б̣ам̣ яат̇аабхууд̇ам̣ гат̇зд̇ваа ‘‘гим̣ д̇з, д̇аад̇а, зваруубааяа д̣̇уссийлааяаа’’д̇и вад̇ваа ‘‘д̇аад̇а, амхзхи маад̇уяаа д̣̇осасса гат̇ид̇агаалад̇о бадтааяа на саггаа ид̇ха васид̇у’’нд̇и б̣раахман̣асса баад̣̇з ванд̣̇ид̇ваа сад̣̇д̇хим̣ раад̇хзна уббад̇ид̇ваа аран̃н̃ам̣ аг̇амааси.
Evaṃ pakāsetvā ca pana brāhmaṇiyā saddhiṃ rādhassa vattuṃ na adāsi. Sāpi yāva brāhmaṇassa anāgamanā yathāruciyā vicari. Brāhmaṇo āgantvā poṭṭhapādaṃ pucchi – ‘‘tāta, kīdisī vo mātā’’ti. Bodhisatto brāhmaṇassa sabbaṃ yathābhūtaṃ kathetvā ‘‘kiṃ te, tāta, evarūpāya dussīlāyā’’ti vatvā ‘‘tāta, amhehi mātuyā dosassa kathitakālato paṭṭhāya na sakkā idha vasitu’’nti brāhmaṇassa pāde vanditvā saddhiṃ rādhena uppatitvā araññaṃ agamāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. ‘‘д̇ад̣̇аа б̣раахман̣о жа б̣раахман̣ий жа зд̇зязва д̣̇вз ж̇анаа ахзсум̣, раад̇хо аананд̣̇о, бодтабаад̣̇о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsesi, saccapariyosāne ukkaṇṭhitabhikkhu sotāpattiphale patiṭṭhahi. ‘‘Tadā brāhmaṇo ca brāhmaṇī ca eteyeva dve janā ahesuṃ, rādho ānando, poṭṭhapādo pana ahameva ahosi’’nti.
раад̇хаж̇аад̇агаван̣н̣анаа бан̃жамаа.
Rādhajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 145. раад̇хаж̇аад̇агам̣ • 145. Rādhajātakaṃ
