| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
9. раад̇хад̇т̇зраабад̣̇аанам̣
9. Rādhattheraapadānaṃ
296.
296.
‘‘бад̣̇умуд̇д̇аро наама ж̇ино, саб̣б̣алогавид̣̇уу муни;
‘‘Padumuttaro nāma jino, sabbalokavidū muni;
ид̇о сад̇асахассамхи, габбз уббаж̇ж̇и жагкумаа.
Ito satasahassamhi, kappe uppajji cakkhumā.
297.
297.
‘‘оваад̣̇аго вин̃н̃аабаго, д̇аараго саб̣б̣абаан̣инам̣;
‘‘Ovādako viññāpako, tārako sabbapāṇinaṃ;
д̣̇зсанаагусало б̣уд̣̇д̇хо, д̇аарзси ж̇анад̇ам̣ б̣ахум̣.
Desanākusalo buddho, tāresi janataṃ bahuṃ.
298.
298.
‘‘анугамбаго гаарун̣иго, хид̇зсий саб̣б̣абаан̣инам̣;
‘‘Anukampako kāruṇiko, hitesī sabbapāṇinaṃ;
самбад̇д̇з д̇ид̇т̇ияз саб̣б̣з, бан̃жасийлз бад̇идтаби.
Sampatte titthiye sabbe, pañcasīle patiṭṭhapi.
299.
299.
‘‘звам̣ нираагулам̣ ааси, сун̃н̃ад̇ам̣ д̇ид̇т̇иязхи жа;
‘‘Evaṃ nirākulaṃ āsi, suññataṃ titthiyehi ca;
вижид̇д̇ам̣ араханд̇зхи, васийбхууд̇зхи д̇аад̣̇ибхи.
Vicittaṃ arahantehi, vasībhūtehi tādibhi.
300.
300.
‘‘рад̇анаанадтабан̃н̃аасам̣, уг̇г̇ад̇о со махаамуни;
‘‘Ratanānaṭṭhapaññāsaṃ, uggato so mahāmuni;
ган̃жанаг̇гхияасан̇гаасо, б̣аад̇д̇им̣саваралагкан̣о.
Kañcanagghiyasaṅkāso, bāttiṃsavaralakkhaṇo.
301.
301.
‘‘вассасад̇асахассаани, ааяу виж̇ж̇ад̇и д̇аавад̣̇з;
‘‘Vassasatasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
302.
302.
‘‘д̇ад̣̇аахам̣ хам̣савад̇ияам̣, б̣раахман̣о манд̇абаараг̇уу;
‘‘Tadāhaṃ haṃsavatiyaṃ, brāhmaṇo mantapāragū;
убзжжа д̇ам̣ нараварам̣, ассосим̣ д̇хаммад̣̇зсанам̣.
Upecca taṃ naravaraṃ, assosiṃ dhammadesanaṃ.
303.
303.
‘‘бан̃н̃абзнд̇ам̣ махаавийрам̣, барисаасу висаарад̣̇ам̣;
‘‘Paññapentaṃ mahāvīraṃ, parisāsu visāradaṃ;
бадибхаанзяяагам̣ бхигкум̣, зд̇ад̣̇аг̇г̇з винааяагам̣.
Paṭibhāneyyakaṃ bhikkhuṃ, etadagge vināyakaṃ.
304.
304.
‘‘д̇ад̣̇аахам̣ гаарам̣ гад̇ваана, сасан̇гхз логанааяагз;
‘‘Tadāhaṃ kāraṃ katvāna, sasaṅghe lokanāyake;
нибажжа сирасаа баад̣̇з, д̇ам̣ таанам̣ абхибад̇т̇аяим̣.
Nipacca sirasā pāde, taṃ ṭhānaṃ abhipatthayiṃ.
305.
305.
‘‘д̇ад̇о мам̣ бхаг̇аваа ааха, син̇г̇ийнигкасамаббабхо;
‘‘Tato maṃ bhagavā āha, siṅgīnikkhasamappabho;
сарзна раж̇анийязна, гилзсамалахааринаа.
Sarena rajanīyena, kilesamalahārinā.
306.
306.
‘‘‘сукий бхавассу д̣̇ийгхааяу, сиж̇жхад̇у бан̣ид̇хий д̇ава;
‘‘‘Sukhī bhavassu dīghāyu, sijjhatu paṇidhī tava;
сасан̇гхз мз гад̇ам̣ гаарам̣, ад̇ийва вибулам̣ д̇аяаа.
Sasaṅghe me kataṃ kāraṃ, atīva vipulaṃ tayā.
307.
307.
‘‘‘сад̇асахассид̇о габбз, оггаагагуласамбхаво;
‘‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
308.
308.
‘‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘‘Tassa dhammesu dāyādo, oraso dhammanimmito;
раад̇ход̇и наамад̇хзяязна, хзссад̇и сад̇т̇у сааваго.
Rādhoti nāmadheyyena, hessati satthu sāvako.
309.
309.
‘‘‘са д̇з хзд̇уг̇ун̣з д̇удто, сагяабуд̇д̇о нараасабхо 1;
‘‘‘Sa te hetuguṇe tuṭṭho, sakyaputto narāsabho 2;
бадибхаанзяяагаанаг̇г̇ам̣, бан̃н̃абзссад̇и нааяаго’.
Paṭibhāneyyakānaggaṃ, paññapessati nāyako’.
310.
310.
‘‘д̇ам̣ суд̇ваа муд̣̇ид̇о худ̇ваа, яааваж̇ийвам̣ д̇ад̣̇аа ж̇инам̣;
‘‘Taṃ sutvā mudito hutvā, yāvajīvaṃ tadā jinaṃ;
мзд̇д̇ажид̇д̇о барижарим̣, сад̇о бан̃н̃аасамаахид̇о.
Mettacitto paricariṃ, sato paññāsamāhito.
311.
311.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
312.
312.
‘‘сад̇аанам̣ д̇ийн̣игкад̇д̇ун̃жа, д̣̇звараж̇ж̇амагаараяим̣;
‘‘Satānaṃ tīṇikkhattuñca, devarajjamakārayiṃ;
сад̇аанам̣ бан̃жагкад̇д̇ун̃жа, жаггавад̇д̇ий ахосахам̣.
Satānaṃ pañcakkhattuñca, cakkavattī ahosahaṃ.
313.
313.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
саб̣б̣ад̇т̇а сукид̇о аасим̣, д̇асса гаммасса ваахасаа.
Sabbattha sukhito āsiṃ, tassa kammassa vāhasā.
314.
314.
‘‘бажчимз бхавз самбад̇д̇з, г̇ириб̣б̣аж̇абуруд̇д̇амз;
‘‘Pacchime bhave sampatte, giribbajapuruttame;
ж̇аад̇о виббагулз нид̣̇д̇хз, вигалажчаад̣̇анаасанз.
Jāto vippakule niddhe, vikalacchādanāsane.
315.
315.
‘‘гадажчубхигкам̣ баад̣̇аасим̣, саарибуд̇д̇асса д̇аад̣̇ино;
‘‘Kaṭacchubhikkhaṃ pādāsiṃ, sāriputtassa tādino;
яад̣̇аа ж̇ин̣н̣о жа вуд̣̇д̇хо жа, д̇ад̣̇аараамамубааг̇амим̣.
Yadā jiṇṇo ca vuddho ca, tadārāmamupāgamiṃ.
316.
316.
‘‘баб̣б̣аж̇ад̇и на мам̣ гожи 3, ж̇ин̣н̣ад̣̇уб̣б̣алат̇аамагам̣;
‘‘Pabbajati na maṃ koci 4, jiṇṇadubbalathāmakaṃ;
д̇зна д̣̇ийно виван̣н̣ан̇г̇о 5, сого жаасим̣ д̇ад̣̇аа ахам̣.
Tena dīno vivaṇṇaṅgo 6, soko cāsiṃ tadā ahaṃ.
317.
317.
‘гимад̇т̇ам̣ буд̇д̇асогаддо, б̣руухи д̇з жид̇д̇аж̇ам̣ руж̇ам̣’.
‘Kimatthaṃ puttasokaṭṭo, brūhi te cittajaṃ rujaṃ’.
318.
318.
‘‘‘баб̣б̣аж̇ж̇ам̣ на лабхз вийра, сваагкаад̇з д̇ава саасанз;
‘‘‘Pabbajjaṃ na labhe vīra, svākkhāte tava sāsane;
д̇зна согзна д̣̇ийносми, саран̣ам̣ хохи нааяага’.
Tena sokena dīnosmi, saraṇaṃ hohi nāyaka’.
319.
319.
‘‘д̇ад̣̇аа бхигкуу самаанзд̇ваа, абужчи мунисад̇д̇амо;
‘‘Tadā bhikkhū samānetvā, apucchi munisattamo;
‘имасса ад̇хигаарам̣ яз, саранд̇и б̣яаахаранд̇у д̇з’.
‘Imassa adhikāraṃ ye, saranti byāharantu te’.
320.
320.
‘‘саарибуд̇д̇о д̇ад̣̇аавожа, ‘гаарамасса сараамахам̣;
‘‘Sāriputto tadāvoca, ‘kāramassa sarāmahaṃ;
гадажчубхигкам̣ д̣̇аабзси, бин̣д̣ааяа жарад̇о мама’.
Kaṭacchubhikkhaṃ dāpesi, piṇḍāya carato mama’.
321.
321.
‘‘‘саад̇ху саад̇ху гад̇ан̃н̃ууси, саарибуд̇д̇а имам̣ д̇увам̣;
‘‘‘Sādhu sādhu kataññūsi, sāriputta imaṃ tuvaṃ;
баб̣б̣ааж̇зхи д̣̇иж̇ам̣ вуд̣дхам̣, хзссад̇ааж̇аанияо аяам̣’.
Pabbājehi dijaṃ vuḍḍhaṃ, hessatājāniyo ayaṃ’.
322.
322.
‘‘д̇ад̇о алад̇т̇ам̣ баб̣б̣аж̇ж̇ам̣, гаммаваажобасамбад̣̇ам̣;
‘‘Tato alatthaṃ pabbajjaṃ, kammavācopasampadaṃ;
на жирзнзва гаалзна, баабун̣им̣ аасавагкаяам̣.
Na cireneva kālena, pāpuṇiṃ āsavakkhayaṃ.
323.
323.
‘‘саггажжам̣ мунино ваагяам̣, сун̣аами муд̣̇ид̇о яад̇о;
‘‘Sakkaccaṃ munino vākyaṃ, suṇāmi mudito yato;
бадибхаанзяяагаанаг̇г̇ам̣, д̇ад̇о мам̣ табаяий ж̇ино.
Paṭibhāneyyakānaggaṃ, tato maṃ ṭhapayī jino.
324.
324.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
325.
325.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
326.
326.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа раад̇хо т̇зро имаа г̇аат̇ааяо
Itthaṃ sudaṃ āyasmā rādho thero imā gāthāyo
абхаасид̇т̇аад̇и.
Abhāsitthāti.
раад̇хад̇т̇зрассаабад̣̇аанам̣ навамам̣.
Rādhattherassāpadānaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 9. раад̇хад̇т̇зраабад̣̇аанаван̣н̣анаа • 9. Rādhattheraapadānavaṇṇanā
