| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. раад̇хад̇т̇зраг̇аат̇ааван̣н̣анаа
7. Rādhattheragāthāvaṇṇanā
яат̇аа аг̇аарам̣ д̣̇ужчаннанд̇иаад̣̇игаа ааяасмад̇о раад̇хад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о вихаарам̣ г̇анд̇ваа сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисинно сад̇т̇аараа згам̣ бхигкум̣ бадибхаанзяяагаанам̣ аг̇г̇адтаанз табияамаанам̣ д̣̇исваа саяам̣ д̇ам̣ таананд̇арам̣ бад̇т̇зд̇ваа махаад̣̇аанам̣ бавад̇д̇зси. сад̇т̇у ул̣ааран̃жа бууж̇ам̣ агааси. со звам̣ гад̇абан̣ид̇хаано д̇ад̇о жуд̇о д̇ад̇т̇а д̇ад̇т̇а бхавз бун̃н̃аани убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ бин̣д̣ааяа г̇ажчанд̇ам̣ д̣̇исваа басаннамаанасо мад̇хураани амб̣апалааний ад̣̇ааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о амхаагам̣ бхаг̇авад̇о гаалз рааж̇аг̇ахз б̣раахман̣агулз ниб̣б̣ад̇д̇ид̇ваа раад̇ход̇и лад̣̇д̇ханаамо ваяаббад̇д̇о худ̇ваа гхарааваасам̣ васанд̇о махаллагагаалз буд̇д̇ад̣̇аарзхи абасаад̣̇ид̇о, ‘‘гим̣ мз гхарааваасзна, баб̣б̣аж̇иссаамий’’д̇и вихаарам̣ г̇анд̇ваа т̇зрз бхигкуу убасан̇гамид̇ваа баб̣б̣аж̇ж̇ам̣ яаажид̇ваа д̇зхи ‘‘аяам̣ б̣раахман̣о ж̇ин̣н̣о на саггод̇и вад̇д̇абадивад̇д̇ам̣ буурзд̇у’’нд̇и бадигкид̇д̇о сад̇т̇у санд̇игам̣ г̇анд̇ваа ад̇д̇ано аж̇жхаасаяам̣ бавзд̣̇зд̇ваа сад̇т̇аараа убаниссаяасамбад̇д̇им̣ ологзд̇ваа аан̣ад̇д̇зна д̇хаммасзнаабад̇инаа баб̣б̣ааж̇ид̇о вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.51.63-67) –
Yathā agāraṃ ducchannantiādikā āyasmato rādhattherassa gāthā. Kā uppatti? Ayaṃ kira padumuttarassa bhagavato kāle haṃsavatīnagare kulagehe nibbattitvā viññutaṃ patto vihāraṃ gantvā satthāraṃ upasaṅkamitvā vanditvā ekamantaṃ nisinno satthārā ekaṃ bhikkhuṃ paṭibhāneyyakānaṃ aggaṭṭhāne ṭhapiyamānaṃ disvā sayaṃ taṃ ṭhānantaraṃ patthetvā mahādānaṃ pavattesi. Satthu uḷārañca pūjaṃ akāsi. So evaṃ katapaṇidhāno tato cuto tattha tattha bhave puññāni upacinanto vipassissa bhagavato kāle kulagehe nibbattitvā viññutaṃ patto ekadivasaṃ satthāraṃ piṇḍāya gacchantaṃ disvā pasannamānaso madhurāni ambaphalānī adāsi. So tena puññakammena devaloke nibbattitvā aparāparaṃ puññāni katvā devamanussesu saṃsaranto amhākaṃ bhagavato kāle rājagahe brāhmaṇakule nibbattitvā rādhoti laddhanāmo vayappatto hutvā gharāvāsaṃ vasanto mahallakakāle puttadārehi apasādito, ‘‘kiṃ me gharāvāsena, pabbajissāmī’’ti vihāraṃ gantvā there bhikkhū upasaṅkamitvā pabbajjaṃ yācitvā tehi ‘‘ayaṃ brāhmaṇo jiṇṇo na sakkoti vattapaṭivattaṃ pūretu’’nti paṭikkhitto satthu santikaṃ gantvā attano ajjhāsayaṃ pavedetvā satthārā upanissayasampattiṃ oloketvā āṇattena dhammasenāpatinā pabbājito vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 2.51.63-67) –
‘‘суван̣н̣аван̣н̣ам̣ самб̣уд̣̇д̇хам̣, аахуд̇ийнам̣ бадиг̇г̇ахам̣;
‘‘Suvaṇṇavaṇṇaṃ sambuddhaṃ, āhutīnaṃ paṭiggahaṃ;
рат̇ияам̣ бадибаж̇ж̇анд̇ам̣, баад̣̇апалам̣ ад̣̇аасахам̣.
Rathiyaṃ paṭipajjantaṃ, pādaphalaṃ adāsahaṃ.
‘‘зганавуд̇ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekanavutito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа сад̇т̇у санд̇игааважаро худ̇ваа вижаранд̇о сад̇т̇у д̇хаммад̣̇зсанаабадибхаанасса бажжаяабхууд̇аанам̣ бадибхаанаж̇аананагаанам̣ аг̇г̇о ж̇аад̇о. т̇зрасса хи д̣̇идтисамуд̣̇аажааран̃жа ааг̇амма д̣̇асаб̣аласса наванаваа д̇хаммад̣̇зсанаа бадибхаад̇и. д̇знааха бхаг̇аваа – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ бадибхаанзяяагаанам̣ яад̣̇ид̣̇ам̣ раад̇хо’’д̇и (а. ни. 1.219, 233). со згад̣̇ивасам̣ ‘‘имз сад̇д̇аа абхааванааяа рааг̇зна абхибхуяяанд̇и, бхааванааяа сад̇и д̇ам̣ над̇т̇ий’’д̇и бхааванам̣ т̇омзнд̇о ‘‘яат̇аа аг̇аара’’нд̇иаад̣̇инаа г̇аат̇аад̣̇ваяамааха.
Arahattaṃ pana patvā satthu santikāvacaro hutvā vicaranto satthu dhammadesanāpaṭibhānassa paccayabhūtānaṃ paṭibhānajānanakānaṃ aggo jāto. Therassa hi diṭṭhisamudācārañca āgamma dasabalassa navanavā dhammadesanā paṭibhāti. Tenāha bhagavā – ‘‘etadaggaṃ, bhikkhave, mama sāvakānaṃ bhikkhūnaṃ paṭibhāneyyakānaṃ yadidaṃ rādho’’ti (a. ni. 1.219, 233). So ekadivasaṃ ‘‘ime sattā abhāvanāya rāgena abhibhuyyanti, bhāvanāya sati taṃ natthī’’ti bhāvanaṃ thomento ‘‘yathā agāra’’ntiādinā gāthādvayamāha.
133-4. д̇ад̇т̇а аг̇ааранд̇и яам̣гин̃жи г̇зхам̣. д̣̇ужчаннанд̇и вирал̣ажчаннам̣ чид̣̇д̣̇аавачид̣̇д̣̇ам̣. самад̇ивиж̇жхад̇ийд̇и вассавудти винивиж̇жхад̇и. абхаавид̇анд̇и д̇ам̣ аг̇аарам̣ вудти вияа бхааванааяа рахид̇ад̇д̇аа абхаавид̇ам̣ жид̇д̇ам̣. рааг̇о самад̇ивиж̇жхад̇ийд̇и на гзвалам̣ рааг̇ова д̣̇осамохамаанаад̣̇аяоби саб̣б̣агилзсаа д̇ат̇ааруубам̣ жид̇д̇ам̣ ад̇ивиж̇жханд̇иязва. субхаавид̇анд̇и самат̇авибассанаабхааванаахи судту бхаавид̇ам̣, зваруубам̣ жид̇д̇ам̣ сужчаннам̣ г̇зхам̣ вудти вияа рааг̇аад̣̇аяо гилзсаа ад̇ивиж̇жхид̇ум̣ на саггонд̇ийд̇и.
133-4. Tattha agāranti yaṃkiñci gehaṃ. Ducchannanti viraḷacchannaṃ chiddāvachiddaṃ. Samativijjhatīti vassavuṭṭhi vinivijjhati. Abhāvitanti taṃ agāraṃ vuṭṭhi viya bhāvanāya rahitattā abhāvitaṃ cittaṃ. Rāgo samativijjhatīti na kevalaṃ rāgova dosamohamānādayopi sabbakilesā tathārūpaṃ cittaṃ ativijjhantiyeva. Subhāvitanti samathavipassanābhāvanāhi suṭṭhu bhāvitaṃ, evarūpaṃ cittaṃ succhannaṃ gehaṃ vuṭṭhi viya rāgādayo kilesā ativijjhituṃ na sakkontīti.
раад̇хад̇т̇зраг̇аат̇ааван̣н̣анаа нидтид̇аа.
Rādhattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. раад̇хад̇т̇зраг̇аат̇аа • 7. Rādhattheragāthā
