| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৪. রাগপেয্যালং
4. Rāgapeyyālaṃ
২৩১. রাগস্স , ভিক্খৰে, অভিঞ্ঞাযাতি পঞ্চকামগুণিকরাগস্স অভিজাননত্থং পচ্চক্খকরণত্থং। পরিঞ্ঞাযাতি পরিজাননত্থং। পরিক্খযাযাতি পরিক্খযগমনত্থং। পহানাযাতি পজহনত্থং। খযায ৰযাযাতি খযৰযগমনত্থং। ৰিরাগাযাতি ৰিরজ্জনত্থং। নিরোধাযাতি নিরুজ্ঝনত্থং। চাগাযাতি চজনত্থং। পটিনিস্সগ্গাযাতি পটিনিস্সজ্জনত্থং।
231.Rāgassa, bhikkhave, abhiññāyāti pañcakāmaguṇikarāgassa abhijānanatthaṃ paccakkhakaraṇatthaṃ. Pariññāyāti parijānanatthaṃ. Parikkhayāyāti parikkhayagamanatthaṃ. Pahānāyāti pajahanatthaṃ. Khayāya vayāyāti khayavayagamanatthaṃ. Virāgāyāti virajjanatthaṃ. Nirodhāyāti nirujjhanatthaṃ. Cāgāyāti cajanatthaṃ. Paṭinissaggāyāti paṭinissajjanatthaṃ.
২৩২-২৪৬. থম্ভস্সাতি কোধমানৰসেন থদ্ধভাৰস্স। সারব্ভস্সাতি কারণুত্তরিযলক্খণস্স সারব্ভস্স। মানস্সাতি নৰৰিধমানস্স। অতিমানস্সাতি অতিক্কমিত্ৰা মঞ্ঞনমানস্স। মদস্সাতি মজ্জনাকারমদস্স। পমাদস্সাতি সতিৰিপ্পৰাসস্স, পঞ্চসু কামগুণেসু চিত্তৰোস্সগ্গস্স। সেসং সব্বত্থ উত্তানত্থমেৰাতি।
232-246.Thambhassāti kodhamānavasena thaddhabhāvassa. Sārabbhassāti kāraṇuttariyalakkhaṇassa sārabbhassa. Mānassāti navavidhamānassa. Atimānassāti atikkamitvā maññanamānassa. Madassāti majjanākāramadassa. Pamādassāti sativippavāsassa, pañcasu kāmaguṇesu cittavossaggassa. Sesaṃ sabbattha uttānatthamevāti.
রাগপেয্যালং নিট্ঠিতং।
Rāgapeyyālaṃ niṭṭhitaṃ.
মনোরথপূরণিযা অঙ্গুত্তরনিকায-অট্ঠকথায
Manorathapūraṇiyā aṅguttaranikāya-aṭṭhakathāya
দুকনিপাতস্স সংৰণ্ণনা নিট্ঠিতা।
Dukanipātassa saṃvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৪. রাগপেয্যালং • 4. Rāgapeyyālaṃ
