| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১৩. রাগপেয্যালং
13. Rāgapeyyālaṃ
১৪০. ‘‘রাগস্স , ভিক্খৰে, অভিঞ্ঞায ছ ধম্মা ভাৰেতব্বা। কতমে ছ? দস্সনানুত্তরিযং , সৰনানুত্তরিযং, লাভানুত্তরিযং, সিক্খানুত্তরিযং, পারিচরিযানুত্তরিযং, অনুস্সতানুত্তরিযং। রাগস্স, ভিক্খৰে, অভিঞ্ঞায ইমে ছ ধম্মা ভাৰেতব্বা’’তি।
140. ‘‘Rāgassa , bhikkhave, abhiññāya cha dhammā bhāvetabbā. Katame cha? Dassanānuttariyaṃ , savanānuttariyaṃ, lābhānuttariyaṃ, sikkhānuttariyaṃ, pāricariyānuttariyaṃ, anussatānuttariyaṃ. Rāgassa, bhikkhave, abhiññāya ime cha dhammā bhāvetabbā’’ti.
১৪১. ‘‘রাগস্স, ভিক্খৰে, অভিঞ্ঞায ছ ধম্মা ভাৰেতব্বা। কতমে ছ? বুদ্ধানুস্সতি, ধম্মানুস্সতি, সঙ্ঘানুস্সতি, সীলানুস্সতি, চাগানুস্সতি, দেৰতানুস্সতি। রাগস্স, ভিক্খৰে, অভিঞ্ঞায ইমে ছ ধম্মা ভাৰেতব্বা’’তি।
141. ‘‘Rāgassa, bhikkhave, abhiññāya cha dhammā bhāvetabbā. Katame cha? Buddhānussati, dhammānussati, saṅghānussati, sīlānussati, cāgānussati, devatānussati. Rāgassa, bhikkhave, abhiññāya ime cha dhammā bhāvetabbā’’ti.
১৪২. ‘‘রাগস্স, ভিক্খৰে, অভিঞ্ঞায ছ ধম্মা ভাৰেতব্বা। কতমে ছ? অনিচ্চসঞ্ঞা, অনিচ্চে দুক্খসঞ্ঞা, দুক্খে অনত্তসঞ্ঞা, পহানসঞ্ঞা, ৰিরাগসঞ্ঞা, নিরোধসঞ্ঞা। রাগস্স, ভিক্খৰে, অভিঞ্ঞায ইমে ছ ধম্মা ভাৰেতব্বা’’তি।
142. ‘‘Rāgassa, bhikkhave, abhiññāya cha dhammā bhāvetabbā. Katame cha? Aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā. Rāgassa, bhikkhave, abhiññāya ime cha dhammā bhāvetabbā’’ti.
১৪৩-১৬৯. ‘‘রাগস্স, ভিক্খৰে, পরিঞ্ঞায…পে॰… পরিক্খযায… পহানায… খযায… ৰযায… ৰিরাগায… নিরোধায… চাগায… পটিনিস্সগ্গায ছ ধম্মা ভাৰেতব্বা’’।
143-169. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya cha dhammā bhāvetabbā’’.
১৭০-৬৪৯. ‘‘দোসস্স…পে॰… মোহস্স… কোধস্স… উপনাহস্স… মক্খস্স… পল়াসস্স… ইস্সায… মচ্ছরিযস্স… মাযায… সাঠেয্যস্স… থম্ভস্স… সারম্ভস্স… মানস্স… অতিমানস্স… মদস্স… পমাদস্স অভিঞ্ঞায…পে॰… পরিঞ্ঞায… পরিক্খযায… পহনায… খযায… ৰযায… ৰিরাগায… নিরোধায… চাগায… পটিনিস্সগ্গায ইমে ছ ধম্মা ভাৰেতব্বা’’তি। ইদমৰোচ ভগৰা। অত্তমনা তে ভিক্খূ ভগৰতো ভাসিতং অভিনন্দুন্তি।
170-649. ‘‘Dosassa…pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahanāya… khayāya… vayāya… virāgāya… nirodhāya… cāgāya… paṭinissaggāya ime cha dhammā bhāvetabbā’’ti. Idamavoca bhagavā. Attamanā te bhikkhū bhagavato bhāsitaṃ abhinandunti.
রাগপেয্যালং নিট্ঠিতং।
Rāgapeyyālaṃ niṭṭhitaṃ.
ছক্কনিপাতপাল়ি নিট্ঠিতা।
Chakkanipātapāḷi niṭṭhitā.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১৩. রাগপেয্যালৰণ্ণনা • 13. Rāgapeyyālavaṇṇanā
