| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
४. रागपेय्यालं
4. Rāgapeyyālaṃ
२३१. रागस्स , भिक्खवे, अभिञ्ञायाति पञ्चकामगुणिकरागस्स अभिजाननत्थं पच्चक्खकरणत्थं। परिञ्ञायाति परिजाननत्थं। परिक्खयायाति परिक्खयगमनत्थं। पहानायाति पजहनत्थं। खयाय वयायाति खयवयगमनत्थं। विरागायाति विरज्जनत्थं। निरोधायाति निरुज्झनत्थं। चागायाति चजनत्थं। पटिनिस्सग्गायाति पटिनिस्सज्जनत्थं।
231.Rāgassa, bhikkhave, abhiññāyāti pañcakāmaguṇikarāgassa abhijānanatthaṃ paccakkhakaraṇatthaṃ. Pariññāyāti parijānanatthaṃ. Parikkhayāyāti parikkhayagamanatthaṃ. Pahānāyāti pajahanatthaṃ. Khayāya vayāyāti khayavayagamanatthaṃ. Virāgāyāti virajjanatthaṃ. Nirodhāyāti nirujjhanatthaṃ. Cāgāyāti cajanatthaṃ. Paṭinissaggāyāti paṭinissajjanatthaṃ.
२३२-२४६. थम्भस्साति कोधमानवसेन थद्धभावस्स। सारब्भस्साति कारणुत्तरियलक्खणस्स सारब्भस्स। मानस्साति नवविधमानस्स। अतिमानस्साति अतिक्कमित्वा मञ्ञनमानस्स। मदस्साति मज्जनाकारमदस्स। पमादस्साति सतिविप्पवासस्स, पञ्चसु कामगुणेसु चित्तवोस्सग्गस्स। सेसं सब्बत्थ उत्तानत्थमेवाति।
232-246.Thambhassāti kodhamānavasena thaddhabhāvassa. Sārabbhassāti kāraṇuttariyalakkhaṇassa sārabbhassa. Mānassāti navavidhamānassa. Atimānassāti atikkamitvā maññanamānassa. Madassāti majjanākāramadassa. Pamādassāti sativippavāsassa, pañcasu kāmaguṇesu cittavossaggassa. Sesaṃ sabbattha uttānatthamevāti.
रागपेय्यालं निट्ठितं।
Rāgapeyyālaṃ niṭṭhitaṃ.
मनोरथपूरणिया अङ्गुत्तरनिकाय-अट्ठकथाय
Manorathapūraṇiyā aṅguttaranikāya-aṭṭhakathāya
दुकनिपातस्स संवण्णना निट्ठिता।
Dukanipātassa saṃvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ४. रागपेय्यालं • 4. Rāgapeyyālaṃ
