| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. ราคเปยฺยาลํ
4. Rāgapeyyālaṃ
๒๓๑. ราคสฺส , ภิกฺขเว, อภิญฺญายาติ ปญฺจกามคุณิกราคสฺส อภิชานนตฺถํ ปจฺจกฺขกรณตฺถํฯ ปริญฺญายาติ ปริชานนตฺถํฯ ปริกฺขยายาติ ปริกฺขยคมนตฺถํฯ ปหานายาติ ปชหนตฺถํฯ ขยาย วยายาติ ขยวยคมนตฺถํฯ วิราคายาติ วิรชฺชนตฺถํฯ นิโรธายาติ นิรุชฺฌนตฺถํฯ จาคายาติ จชนตฺถํฯ ปฎินิสฺสคฺคายาติ ปฎินิสฺสชฺชนตฺถํฯ
231.Rāgassa, bhikkhave, abhiññāyāti pañcakāmaguṇikarāgassa abhijānanatthaṃ paccakkhakaraṇatthaṃ. Pariññāyāti parijānanatthaṃ. Parikkhayāyāti parikkhayagamanatthaṃ. Pahānāyāti pajahanatthaṃ. Khayāya vayāyāti khayavayagamanatthaṃ. Virāgāyāti virajjanatthaṃ. Nirodhāyāti nirujjhanatthaṃ. Cāgāyāti cajanatthaṃ. Paṭinissaggāyāti paṭinissajjanatthaṃ.
๒๓๒-๒๔๖. ถมฺภสฺสาติ โกธมานวเสน ถทฺธภาวสฺสฯ สารพฺภสฺสาติ การณุตฺตริยลกฺขณสฺส สารพฺภสฺสฯ มานสฺสาติ นววิธมานสฺสฯ อติมานสฺสาติ อติกฺกมิตฺวา มญฺญนมานสฺสฯ มทสฺสาติ มชฺชนาการมทสฺสฯ ปมาทสฺสาติ สติวิปฺปวาสสฺส, ปญฺจสุ กามคุเณสุ จิตฺตโวสฺสคฺคสฺสฯ เสสํ สพฺพตฺถ อุตฺตานตฺถเมวาติฯ
232-246.Thambhassāti kodhamānavasena thaddhabhāvassa. Sārabbhassāti kāraṇuttariyalakkhaṇassa sārabbhassa. Mānassāti navavidhamānassa. Atimānassāti atikkamitvā maññanamānassa. Madassāti majjanākāramadassa. Pamādassāti sativippavāsassa, pañcasu kāmaguṇesu cittavossaggassa. Sesaṃ sabbattha uttānatthamevāti.
ราคเปยฺยาลํ นิฎฺฐิตํฯ
Rāgapeyyālaṃ niṭṭhitaṃ.
มโนรถปูรณิยา องฺคุตฺตรนิกาย-อฎฺฐกถาย
Manorathapūraṇiyā aṅguttaranikāya-aṭṭhakathāya
ทุกนิปาตสฺส สํวณฺณนา นิฎฺฐิตาฯ
Dukanipātassa saṃvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. ราคเปยฺยาลํ • 4. Rāgapeyyālaṃ
