| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១១. រាគបេយ្យាលំ
11. Rāgapeyyālaṃ
៦២៣. ‘‘រាគស្ស , ភិក្ខវេ, អភិញ្ញាយ សត្ត ធម្មា ភាវេតព្ពា។ កតមេ សត្ត? សតិសម្ពោជ្ឈង្គោ…បេ.… ឧបេក្ខាសម្ពោជ្ឈង្គោ – រាគស្ស, ភិក្ខវេ, អភិញ្ញាយ ឥមេ សត្ត ធម្មា ភាវេតព្ពា’’តិ។
623. ‘‘Rāgassa , bhikkhave, abhiññāya satta dhammā bhāvetabbā. Katame satta? Satisambojjhaṅgo…pe… upekkhāsambojjhaṅgo – rāgassa, bhikkhave, abhiññāya ime satta dhammā bhāvetabbā’’ti.
៦២៤. ‘‘រាគស្ស, ភិក្ខវេ, អភិញ្ញាយ សត្ត ធម្មា ភាវេតព្ពា។ កតមេ សត្ត? អនិច្ចសញ្ញា, អនត្តសញ្ញា, អសុភសញ្ញា, អាទីនវសញ្ញា, បហានសញ្ញា, វិរាគសញ្ញា, និរោធសញ្ញា – រាគស្ស, ភិក្ខវេ, អភិញ្ញាយ ឥមេ សត្ត ធម្មា ភាវេតព្ពា’’តិ។
624. ‘‘Rāgassa, bhikkhave, abhiññāya satta dhammā bhāvetabbā. Katame satta? Aniccasaññā, anattasaññā, asubhasaññā, ādīnavasaññā, pahānasaññā, virāgasaññā, nirodhasaññā – rāgassa, bhikkhave, abhiññāya ime satta dhammā bhāvetabbā’’ti.
៦២៥. ‘‘រាគស្ស , ភិក្ខវេ, អភិញ្ញាយ សត្ត ធម្មា ភាវេតព្ពា។ កតមេ សត្ត? អសុភសញ្ញា, មរណសញ្ញា, អាហារេ បដិកូលសញ្ញា, សព្ពលោកេ អនភិរតសញ្ញា, អនិច្ចសញ្ញា, អនិច្ចេ ទុក្ខសញ្ញា, ទុក្ខេ អនត្តសញ្ញា – រាគស្ស, ភិក្ខវេ, អភិញ្ញាយ ឥមេ សត្ត ធម្មា ភាវេតព្ពា’’តិ។
625. ‘‘Rāgassa , bhikkhave, abhiññāya satta dhammā bhāvetabbā. Katame satta? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā – rāgassa, bhikkhave, abhiññāya ime satta dhammā bhāvetabbā’’ti.
៦២៦-៦៥២. ‘‘រាគស្ស, ភិក្ខវេ, បរិញ្ញាយ…បេ.… បរិក្ខយាយ… បហានាយ… ខយាយ… វយាយ… វិរាគាយ… និរោធាយ… ចាគាយ…បេ.… បដិនិស្សគ្គាយ ឥមេ សត្ត ធម្មា ភាវេតព្ពា’’តិ។
626-652. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya…pe… paṭinissaggāya ime satta dhammā bhāvetabbā’’ti.
៦៥៣-១១៣២. ‘‘ទោសស្ស…បេ.… មោហស្ស… កោធស្ស… ឧបនាហស្ស… មក្ខស្ស… បឡាសស្ស… ឥស្សាយ… មច្ឆរិយស្ស… មាយាយ… សាឋេយ្យស្ស… ថម្ភស្ស… សារម្ភស្ស… មានស្ស… អតិមានស្ស… មទស្ស… បមាទស្ស អភិញ្ញាយ…បេ.… បរិញ្ញាយ… បរិក្ខយាយ… បហានាយ… ខយាយ… វយាយ… វិរាគាយ… និរោធាយ… ចាគាយ… បដិនិស្សគ្គាយ ឥមេ សត្ត ធម្មា ភាវេតព្ពា’’តិ។
653-1132. ‘‘Dosassa…pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime satta dhammā bhāvetabbā’’ti.
ឥទមវោច ភគវា។ អត្តមនា តេ ភិក្ខូ ភគវតោ ភាសិតំ អភិនន្ទុន្តិ។
Idamavoca bhagavā. Attamanā te bhikkhū bhagavato bhāsitaṃ abhinandunti.
រាគបេយ្យាលំ និដ្ឋិតំ។
Rāgapeyyālaṃ niṭṭhitaṃ.
សត្តកនិបាតបាឡិ និដ្ឋិតា។
Sattakanipātapāḷi niṭṭhitā.
