| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၂၃. ရာဂပေယ္ယာလံ
23. Rāgapeyyālaṃ
၂၃၇. ‘‘ရာဂသ္သ , ဘိက္ခဝေ, အဘိညာယ ဒသ ဓမ္မာ ဘာဝေတဗ္ဗာ။ ကတမေ ဒသ? အသုဘသညာ, မရဏသညာ, အာဟာရေ ပဋိကူလသညာ, သဗ္ဗလောကေ အနဘိရတသညာ, အနိစ္စသညာ, အနိစ္စေ ဒုက္ခသညာ, ဒုက္ခေ အနတ္တသညာ, ပဟာနသညာ, ဝိရာဂသညာ, နိရောဓသညာ – ရာဂသ္သ, ဘိက္ခဝေ, အဘိညာယ ဣမေ ဒသ ဓမ္မာ ဘာဝေတဗ္ဗာ’’တိ။
237. ‘‘Rāgassa , bhikkhave, abhiññāya dasa dhammā bhāvetabbā. Katame dasa? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā – rāgassa, bhikkhave, abhiññāya ime dasa dhammā bhāvetabbā’’ti.
၂၃၈. ‘‘ရာဂသ္သ , ဘိက္ခဝေ, အဘိညာယ ဒသ ဓမ္မာ ဘာဝေတဗ္ဗာ။ ကတမေ ဒသ? အနိစ္စသညာ, အနတ္တသညာ, အာဟာရေ ပဋိကူလသညာ, သဗ္ဗလောကေ အနဘိရတသညာ, အဋ္ဌိကသညာ, ပုဠဝကသညာ 1, ဝိနီလကသညာ, ဝိပုဗ္ဗကသညာ, ဝိစ္ဆိဒ္ဒကသညာ, ဥဒ္ဓုမာတကသညာ – ရာဂသ္သ, ဘိက္ခဝေ, အဘိညာယ ဣမေ ဒသ ဓမ္မာ ဘာဝေတဗ္ဗာ’’တိ။
238. ‘‘Rāgassa , bhikkhave, abhiññāya dasa dhammā bhāvetabbā. Katame dasa? Aniccasaññā, anattasaññā, āhāre paṭikūlasaññā, sabbaloke anabhiratasaññā, aṭṭhikasaññā, puḷavakasaññā 2, vinīlakasaññā, vipubbakasaññā, vicchiddakasaññā, uddhumātakasaññā – rāgassa, bhikkhave, abhiññāya ime dasa dhammā bhāvetabbā’’ti.
၂၃၉. ‘‘ရာဂသ္သ, ဘိက္ခဝေ, အဘိညာယ ဒသ ဓမ္မာ ဘာဝေတဗ္ဗာ။ ကတမေ ဒသ ? သမ္မာဒိဋ္ဌိ, သမ္မာသင္ကပ္ပော, သမ္မာဝာစာ, သမ္မာကမ္မန္တော, သမ္မာအာဇီဝော, သမ္မာဝာယာမော, သမ္မာသတိ, သမ္မာသမာဓိ, သမ္မာဉာဏံ, သမ္မာဝိမုတ္တိ – ရာဂသ္သ, ဘိက္ခဝေ, အဘိညာယ ဣမေ ဒသ ဓမ္မာ ဘာဝေတဗ္ဗာ’’တိ။
239. ‘‘Rāgassa, bhikkhave, abhiññāya dasa dhammā bhāvetabbā. Katame dasa ? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ, sammāvimutti – rāgassa, bhikkhave, abhiññāya ime dasa dhammā bhāvetabbā’’ti.
၂၄၀-၂၆၆. ‘‘ရာဂသ္သ, ဘိက္ခဝေ, ပရိညာယ။ပေ.။ ပရိက္ခယာယ။ ပဟာနာယ။ ခယာယ။ ဝယာယ။ ဝိရာဂာယ။ နိရောဓာယ။ ( ) 3 စာဂာယ။ ပဋိနိသ္သဂ္ဂာယ။ပေ.။ ဣမေ ဒသ ဓမ္မာ ဘာဝေတဗ္ဗာ။
240-266. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… ( ) 4 cāgāya… paṭinissaggāya…pe… ime dasa dhammā bhāvetabbā.
၂၆၇-၇၄၆. ‘‘ဒောသသ္သ ။ပေ.။ မောဟသ္သ။ ကောဓသ္သ။ ဥပနာဟသ္သ။ မက္ခသ္သ။ ပဠာသသ္သ။ ဣသ္သာယ။ မစ္ဆရိယသ္သ။ မာယာယ။ သာဌေယ္ယသ္သ။ ထမ္ဘသ္သ။ သာရမ္ဘသ္သ။ မာနသ္သ။ အတိမာနသ္သ။ မဒသ္သ။ ပမာဒသ္သ ပရိညာယ။ပေ.။ ပရိက္ခယာယ။ ပဟာနာယ ။ ခယာယ။ ဝယာယ။ ဝိရာဂာယ။ နိရောဓာယ။ ( ) 5 စာဂာယ။ ပဋိနိသ္သဂ္ဂာယ။ပေ.။ ဣမေ ဒသ ဓမ္မာ ဘာဝေတဗ္ဗာ’’တိ။
267-746. ‘‘Dosassa …pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa pariññāya…pe… parikkhayāya… pahānāya … khayāya… vayāya… virāgāya… nirodhāya… ( ) 6 cāgāya… paṭinissaggāya…pe… ime dasa dhammā bhāvetabbā’’ti.
ရာဂပေယ္ယာလံ နိဋ္ဌိတံ။
Rāgapeyyālaṃ niṭṭhitaṃ.
ဒသကနိပာတပာဠိ နိဋ္ဌိတာ။
Dasakanipātapāḷi niṭṭhitā.
Footnotes:
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၅၃၆. ပဌမနိရယသဂ္ဂသုတ္တာဒိဝဏ္ဏနာ • 1-536. Paṭhamanirayasaggasuttādivaṇṇanā
