| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೪. ರಾಗಪೇಯ್ಯಾಲಂ
4. Rāgapeyyālaṃ
೨೩೧. ರಾಗಸ್ಸ , ಭಿಕ್ಖವೇ, ಅಭಿಞ್ಞಾಯಾತಿ ಪಞ್ಚಕಾಮಗುಣಿಕರಾಗಸ್ಸ ಅಭಿಜಾನನತ್ಥಂ ಪಚ್ಚಕ್ಖಕರಣತ್ಥಂ। ಪರಿಞ್ಞಾಯಾತಿ ಪರಿಜಾನನತ್ಥಂ। ಪರಿಕ್ಖಯಾಯಾತಿ ಪರಿಕ್ಖಯಗಮನತ್ಥಂ। ಪಹಾನಾಯಾತಿ ಪಜಹನತ್ಥಂ। ಖಯಾಯ ವಯಾಯಾತಿ ಖಯವಯಗಮನತ್ಥಂ। ವಿರಾಗಾಯಾತಿ ವಿರಜ್ಜನತ್ಥಂ। ನಿರೋಧಾಯಾತಿ ನಿರುಜ್ಝನತ್ಥಂ। ಚಾಗಾಯಾತಿ ಚಜನತ್ಥಂ। ಪಟಿನಿಸ್ಸಗ್ಗಾಯಾತಿ ಪಟಿನಿಸ್ಸಜ್ಜನತ್ಥಂ।
231.Rāgassa, bhikkhave, abhiññāyāti pañcakāmaguṇikarāgassa abhijānanatthaṃ paccakkhakaraṇatthaṃ. Pariññāyāti parijānanatthaṃ. Parikkhayāyāti parikkhayagamanatthaṃ. Pahānāyāti pajahanatthaṃ. Khayāya vayāyāti khayavayagamanatthaṃ. Virāgāyāti virajjanatthaṃ. Nirodhāyāti nirujjhanatthaṃ. Cāgāyāti cajanatthaṃ. Paṭinissaggāyāti paṭinissajjanatthaṃ.
೨೩೨-೨೪೬. ಥಮ್ಭಸ್ಸಾತಿ ಕೋಧಮಾನವಸೇನ ಥದ್ಧಭಾವಸ್ಸ। ಸಾರಬ್ಭಸ್ಸಾತಿ ಕಾರಣುತ್ತರಿಯಲಕ್ಖಣಸ್ಸ ಸಾರಬ್ಭಸ್ಸ। ಮಾನಸ್ಸಾತಿ ನವವಿಧಮಾನಸ್ಸ। ಅತಿಮಾನಸ್ಸಾತಿ ಅತಿಕ್ಕಮಿತ್ವಾ ಮಞ್ಞನಮಾನಸ್ಸ। ಮದಸ್ಸಾತಿ ಮಜ್ಜನಾಕಾರಮದಸ್ಸ। ಪಮಾದಸ್ಸಾತಿ ಸತಿವಿಪ್ಪವಾಸಸ್ಸ, ಪಞ್ಚಸು ಕಾಮಗುಣೇಸು ಚಿತ್ತವೋಸ್ಸಗ್ಗಸ್ಸ। ಸೇಸಂ ಸಬ್ಬತ್ಥ ಉತ್ತಾನತ್ಥಮೇವಾತಿ।
232-246.Thambhassāti kodhamānavasena thaddhabhāvassa. Sārabbhassāti kāraṇuttariyalakkhaṇassa sārabbhassa. Mānassāti navavidhamānassa. Atimānassāti atikkamitvā maññanamānassa. Madassāti majjanākāramadassa. Pamādassāti sativippavāsassa, pañcasu kāmaguṇesu cittavossaggassa. Sesaṃ sabbattha uttānatthamevāti.
ರಾಗಪೇಯ್ಯಾಲಂ ನಿಟ್ಠಿತಂ।
Rāgapeyyālaṃ niṭṭhitaṃ.
ಮನೋರಥಪೂರಣಿಯಾ ಅಙ್ಗುತ್ತರನಿಕಾಯ-ಅಟ್ಠಕಥಾಯ
Manorathapūraṇiyā aṅguttaranikāya-aṭṭhakathāya
ದುಕನಿಪಾತಸ್ಸ ಸಂವಣ್ಣನಾ ನಿಟ್ಠಿತಾ।
Dukanipātassa saṃvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೪. ರಾಗಪೇಯ್ಯಾಲಂ • 4. Rāgapeyyālaṃ
