| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
11. රාගපෙය්‍යාලං
11. Rāgapeyyālaṃ
623. ‘‘රාගස්‌ස , භික්‌ඛවෙ, අභිඤ්‌ඤාය සත්‌ත ධම්‌මා භාවෙතබ්‌බා. කතමෙ සත්‌ත? සතිසම්‌බොජ්‌ඣඞ්‌ගො…පෙ.… උපෙක්‌ඛාසම්‌බොජ්‌ඣඞ්‌ගො – රාගස්‌ස, භික්‌ඛවෙ, අභිඤ්‌ඤාය ඉමෙ සත්‌ත ධම්‌මා භාවෙතබ්‌බා’’ති.
623. ‘‘Rāgassa , bhikkhave, abhiññāya satta dhammā bhāvetabbā. Katame satta? Satisambojjhaṅgo…pe… upekkhāsambojjhaṅgo – rāgassa, bhikkhave, abhiññāya ime satta dhammā bhāvetabbā’’ti.
624. ‘‘රාගස්‌ස, භික්‌ඛවෙ, අභිඤ්‌ඤාය සත්‌ත ධම්‌මා භාවෙතබ්‌බා. කතමෙ සත්‌ත? අනිච්‌චසඤ්‌ඤා, අනත්‌තසඤ්‌ඤා, අසුභසඤ්‌ඤා, ආදීනවසඤ්‌ඤා, පහානසඤ්‌ඤා, විරාගසඤ්‌ඤා, නිරොධසඤ්‌ඤා – රාගස්‌ස, භික්‌ඛවෙ, අභිඤ්‌ඤාය ඉමෙ සත්‌ත ධම්‌මා භාවෙතබ්‌බා’’ති.
624. ‘‘Rāgassa, bhikkhave, abhiññāya satta dhammā bhāvetabbā. Katame satta? Aniccasaññā, anattasaññā, asubhasaññā, ādīnavasaññā, pahānasaññā, virāgasaññā, nirodhasaññā – rāgassa, bhikkhave, abhiññāya ime satta dhammā bhāvetabbā’’ti.
625. ‘‘රාගස්‌ස , භික්‌ඛවෙ, අභිඤ්‌ඤාය සත්‌ත ධම්‌මා භාවෙතබ්‌බා. කතමෙ සත්‌ත? අසුභසඤ්‌ඤා, මරණසඤ්‌ඤා, ආහාරෙ පටිකූලසඤ්‌ඤා, සබ්‌බලොකෙ අනභිරතසඤ්‌ඤා, අනිච්‌චසඤ්‌ඤා, අනිච්‌චෙ දුක්‌ඛසඤ්‌ඤා, දුක්‌ඛෙ අනත්‌තසඤ්‌ඤා – රාගස්‌ස, භික්‌ඛවෙ, අභිඤ්‌ඤාය ඉමෙ සත්‌ත ධම්‌මා භාවෙතබ්‌බා’’ති.
625. ‘‘Rāgassa , bhikkhave, abhiññāya satta dhammā bhāvetabbā. Katame satta? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā – rāgassa, bhikkhave, abhiññāya ime satta dhammā bhāvetabbā’’ti.
626-652. ‘‘රාගස්‌ස, භික්‌ඛවෙ, පරිඤ්‌ඤාය…පෙ.… පරික්‌ඛයාය… පහානාය… ඛයාය… වයාය… විරාගාය… නිරොධාය… චාගාය…පෙ.… පටිනිස්‌සග්‌ගාය ඉමෙ සත්‌ත ධම්‌මා භාවෙතබ්‌බා’’ති.
626-652. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya…pe… paṭinissaggāya ime satta dhammā bhāvetabbā’’ti.
653-1132. ‘‘දොසස්‌ස…පෙ.… මොහස්‌ස… කොධස්‌ස… උපනාහස්‌ස… මක්‌ඛස්‌ස… පළාසස්‌ස… ඉස්‌සාය… මච්‌ඡරියස්‌ස… මායාය… සාඨෙය්‍යස්‌ස… ථම්‌භස්‌ස… සාරම්‌භස්‌ස… මානස්‌ස… අතිමානස්‌ස… මදස්‌ස… පමාදස්‌ස අභිඤ්‌ඤාය…පෙ.… පරිඤ්‌ඤාය… පරික්‌ඛයාය… පහානාය… ඛයාය… වයාය… විරාගාය… නිරොධාය… චාගාය… පටිනිස්‌සග්‌ගාය ඉමෙ සත්‌ත ධම්‌මා භාවෙතබ්‌බා’’ති.
653-1132. ‘‘Dosassa…pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime satta dhammā bhāvetabbā’’ti.
ඉදමවොච භගවා. අත්‌තමනා තෙ භික්‌ඛූ භගවතො භාසිතං අභිනන්‌දුන්‌ති.
Idamavoca bhagavā. Attamanā te bhikkhū bhagavato bhāsitaṃ abhinandunti.
රාගපෙය්‍යාලං නිට්‌ඨිතං.
Rāgapeyyālaṃ niṭṭhitaṃ.
සත්‌තකනිපාතපාළි නිට්‌ඨිතා.
Sattakanipātapāḷi niṭṭhitā.
