| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
4. රාගපෙය්‍යාලං
4. Rāgapeyyālaṃ
502. ‘‘රාගස්‌ස , භික්‌ඛවෙ, අභිඤ්‌ඤාය එකාදස ධම්‌මා භාවෙතබ්‌බා. කතමෙ එකාදස? පඨමං ඣානං, දුතියං ඣානං, තතියං ඣානං, චතුත්‌ථං ඣානං, මෙත්‌තාචෙතොවිමුත්‌ති, කරුණාචෙතොවිමුත්‌ති, මුදිතාචෙතොවිමුත්‌ති, උපෙක්‌ඛාචෙතොවිමුත්‌ති, ආකාසානඤ්‌චායතනං, විඤ්‌ඤාණඤ්‌චායතනං, ආකිඤ්‌චඤ්‌ඤායතනං – රාගස්‌ස, භික්‌ඛවෙ, අභිඤ්‌ඤාය ඉමෙ එකාදස ධම්‌මා භාවෙතබ්‌බා.
502. ‘‘Rāgassa , bhikkhave, abhiññāya ekādasa dhammā bhāvetabbā. Katame ekādasa? Paṭhamaṃ jhānaṃ, dutiyaṃ jhānaṃ, tatiyaṃ jhānaṃ, catutthaṃ jhānaṃ, mettācetovimutti, karuṇācetovimutti, muditācetovimutti, upekkhācetovimutti, ākāsānañcāyatanaṃ, viññāṇañcāyatanaṃ, ākiñcaññāyatanaṃ – rāgassa, bhikkhave, abhiññāya ime ekādasa dhammā bhāvetabbā.
503-511. ‘‘රාගස්‌ස, භික්‌ඛවෙ, පරිඤ්‌ඤාය… පරික්‌ඛයාය… පහානාය… ඛයාය… වයාය… විරාගාය… නිරොධාය… චාගාය… පටිනිස්‌සග්‌ගාය… ඉමෙ එකාදස ධම්‌මා භාවෙතබ්‌බා.
503-511. ‘‘Rāgassa, bhikkhave, pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya… ime ekādasa dhammā bhāvetabbā.
512-671. ‘‘දොසස්‌ස …පෙ.… මොහස්‌ස… කොධස්‌ස… උපනාහස්‌ස… මක්‌ඛස්‌ස… පළාසස්‌ස… ඉස්‌සාය… මච්‌ඡරියස්‌ස… මායාය… සාඨෙය්‍යස්‌ස… ථම්‌භස්‌ස… සාරම්‌භස්‌ස… මානස්‌ස… අතිමානස්‌ස… මදස්‌ස… පමාදස්‌ස අභිඤ්‌ඤාය…පෙ.… පරිඤ්‌ඤාය… පරික්‌ඛයාය… පහානාය… ඛයාය… වයාය… විරාගාය… නිරොධාය… චාගාය… පටිනිස්‌සග්‌ගාය ඉමෙ එකාදස ධම්‌මා භාවෙතබ්‌බා’’ති.
512-671. ‘‘Dosassa …pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime ekādasa dhammā bhāvetabbā’’ti.
ඉදමවොච භගවා. අත්‌තමනා තෙ භික්‌ඛූ භගවතො භාසිතං අභිනන්‌දුන්‌ති.
Idamavoca bhagavā. Attamanā te bhikkhū bhagavato bhāsitaṃ abhinandunti.
රාගපෙය්‍යාලං නිට්‌ඨිතං.
Rāgapeyyālaṃ niṭṭhitaṃ.
එකාදසකනිපාතපාළි නිට්‌ඨිතා.
Ekādasakanipātapāḷi niṭṭhitā.
අඞ්‌ගුත්‌තරනිකායො සමත්‌තො.
Aṅguttaranikāyo samatto.
Footnotes:
