| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༤. རཱགཔེཡྻཱལཾ
4. Rāgapeyyālaṃ
༥༠༢. ‘‘རཱགསྶ , བྷིཀྑཝེ, ཨབྷིཉྙཱཡ ཨེཀཱདས དྷམྨཱ བྷཱཝེཏབྦཱ། ཀཏམེ ཨེཀཱདས? པཋམཾ ཛྷཱནཾ, དུཏིཡཾ ཛྷཱནཾ, ཏཏིཡཾ ཛྷཱནཾ, ཙཏུཏྠཾ ཛྷཱནཾ, མེཏྟཱཙེཏོཝིམུཏྟི, ཀརུཎཱཙེཏོཝིམུཏྟི, མུདིཏཱཙེཏོཝིམུཏྟི, ཨུཔེཀྑཱཙེཏོཝིམུཏྟི, ཨཱཀཱསཱནཉྩཱཡཏནཾ, ཝིཉྙཱཎཉྩཱཡཏནཾ, ཨཱཀིཉྩཉྙཱཡཏནཾ – རཱགསྶ, བྷིཀྑཝེ, ཨབྷིཉྙཱཡ ཨིམེ ཨེཀཱདས དྷམྨཱ བྷཱཝེཏབྦཱ།
502. ‘‘Rāgassa , bhikkhave, abhiññāya ekādasa dhammā bhāvetabbā. Katame ekādasa? Paṭhamaṃ jhānaṃ, dutiyaṃ jhānaṃ, tatiyaṃ jhānaṃ, catutthaṃ jhānaṃ, mettācetovimutti, karuṇācetovimutti, muditācetovimutti, upekkhācetovimutti, ākāsānañcāyatanaṃ, viññāṇañcāyatanaṃ, ākiñcaññāyatanaṃ – rāgassa, bhikkhave, abhiññāya ime ekādasa dhammā bhāvetabbā.
༥༠༣-༥༡༡. ‘‘རཱགསྶ, བྷིཀྑཝེ, པརིཉྙཱཡ… པརིཀྑཡཱཡ… པཧཱནཱཡ… ཁཡཱཡ… ཝཡཱཡ… ཝིརཱགཱཡ… ནིརོདྷཱཡ… ཙཱགཱཡ… པཊིནིསྶགྒཱཡ… ཨིམེ ཨེཀཱདས དྷམྨཱ བྷཱཝེཏབྦཱ།
503-511. ‘‘Rāgassa, bhikkhave, pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya… ime ekādasa dhammā bhāvetabbā.
༥༡༢-༦༧༡. ‘‘དོསསྶ …པེ॰… མོཧསྶ… ཀོདྷསྶ… ཨུཔནཱཧསྶ… མཀྑསྶ… པལཱ༹སསྶ… ཨིསྶཱཡ… མཙྪརིཡསྶ… མཱཡཱཡ… སཱཋེཡྻསྶ… ཐམྦྷསྶ… སཱརམྦྷསྶ… མཱནསྶ… ཨཏིམཱནསྶ… མདསྶ… པམཱདསྶ ཨབྷིཉྙཱཡ…པེ॰… པརིཉྙཱཡ… པརིཀྑཡཱཡ… པཧཱནཱཡ… ཁཡཱཡ… ཝཡཱཡ… ཝིརཱགཱཡ… ནིརོདྷཱཡ… ཙཱགཱཡ… པཊིནིསྶགྒཱཡ ཨིམེ ཨེཀཱདས དྷམྨཱ བྷཱཝེཏབྦཱ’’ཏི།
512-671. ‘‘Dosassa …pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime ekādasa dhammā bhāvetabbā’’ti.
ཨིདམཝོཙ བྷགཝཱ། ཨཏྟམནཱ ཏེ བྷིཀྑཱུ བྷགཝཏོ བྷཱསིཏཾ ཨབྷིནནྡུནྟི།
Idamavoca bhagavā. Attamanā te bhikkhū bhagavato bhāsitaṃ abhinandunti.
རཱགཔེཡྻཱལཾ ནིཊྛིཏཾ།
Rāgapeyyālaṃ niṭṭhitaṃ.
ཨེཀཱདསཀནིཔཱཏཔཱལི༹ ནིཊྛིཏཱ།
Ekādasakanipātapāḷi niṭṭhitā.
ཨངྒུཏྟརནིཀཱཡོ སམཏྟོ།
Aṅguttaranikāyo samatto.
Footnotes:
