| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൪. രാഗപേയ്യാലം
4. Rāgapeyyālaṃ
൨൩൧. രാഗസ്സ , ഭിക്ഖവേ, അഭിഞ്ഞായാതി പഞ്ചകാമഗുണികരാഗസ്സ അഭിജാനനത്ഥം പച്ചക്ഖകരണത്ഥം. പരിഞ്ഞായാതി പരിജാനനത്ഥം. പരിക്ഖയായാതി പരിക്ഖയഗമനത്ഥം. പഹാനായാതി പജഹനത്ഥം. ഖയായ വയായാതി ഖയവയഗമനത്ഥം. വിരാഗായാതി വിരജ്ജനത്ഥം. നിരോധായാതി നിരുജ്ഝനത്ഥം. ചാഗായാതി ചജനത്ഥം. പടിനിസ്സഗ്ഗായാതി പടിനിസ്സജ്ജനത്ഥം.
231.Rāgassa, bhikkhave, abhiññāyāti pañcakāmaguṇikarāgassa abhijānanatthaṃ paccakkhakaraṇatthaṃ. Pariññāyāti parijānanatthaṃ. Parikkhayāyāti parikkhayagamanatthaṃ. Pahānāyāti pajahanatthaṃ. Khayāya vayāyāti khayavayagamanatthaṃ. Virāgāyāti virajjanatthaṃ. Nirodhāyāti nirujjhanatthaṃ. Cāgāyāti cajanatthaṃ. Paṭinissaggāyāti paṭinissajjanatthaṃ.
൨൩൨-൨൪൬. ഥമ്ഭസ്സാതി കോധമാനവസേന ഥദ്ധഭാവസ്സ. സാരബ്ഭസ്സാതി കാരണുത്തരിയലക്ഖണസ്സ സാരബ്ഭസ്സ. മാനസ്സാതി നവവിധമാനസ്സ. അതിമാനസ്സാതി അതിക്കമിത്വാ മഞ്ഞനമാനസ്സ. മദസ്സാതി മജ്ജനാകാരമദസ്സ. പമാദസ്സാതി സതിവിപ്പവാസസ്സ, പഞ്ചസു കാമഗുണേസു ചിത്തവോസ്സഗ്ഗസ്സ. സേസം സബ്ബത്ഥ ഉത്താനത്ഥമേവാതി.
232-246.Thambhassāti kodhamānavasena thaddhabhāvassa. Sārabbhassāti kāraṇuttariyalakkhaṇassa sārabbhassa. Mānassāti navavidhamānassa. Atimānassāti atikkamitvā maññanamānassa. Madassāti majjanākāramadassa. Pamādassāti sativippavāsassa, pañcasu kāmaguṇesu cittavossaggassa. Sesaṃ sabbattha uttānatthamevāti.
രാഗപേയ്യാലം നിട്ഠിതം.
Rāgapeyyālaṃ niṭṭhitaṃ.
മനോരഥപൂരണിയാ അങ്ഗുത്തരനികായ-അട്ഠകഥായ
Manorathapūraṇiyā aṅguttaranikāya-aṭṭhakathāya
ദുകനിപാതസ്സ സംവണ്ണനാ നിട്ഠിതാ.
Dukanipātassa saṃvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൪. രാഗപേയ്യാലം • 4. Rāgapeyyālaṃ
