| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. ан̃н̃ад̇ид̇т̇ияабзяяаалаваг̇г̇о
5. Aññatitthiyapeyyālavaggo
1. рааг̇авирааг̇асуд̇д̇ам̣
1. Rāgavirāgasuttaṃ
41. саавад̇т̇инид̣̇аанам̣ . ‘‘сажз во, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘гимад̇т̇ияам̣, аавусо, саман̣з г̇од̇амз б̣рахмажарияам̣ вуссад̇ий’д̇и, звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – ‘рааг̇авирааг̇ад̇т̇ам̣ ко, аавусо, бхаг̇авад̇и б̣рахмажарияам̣ вуссад̇ий’д̇и. сажз бана во, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘ад̇т̇и банаавусо, маг̇г̇о, ад̇т̇и бадибад̣̇аа рааг̇авирааг̇ааяаа’д̇и, звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – ‘ад̇т̇и ко, аавусо, маг̇г̇о, ад̇т̇и бадибад̣̇аа рааг̇авирааг̇ааяаа’д̇и. гад̇амо жа, бхигкавз, маг̇г̇о, гад̇амаа жа бадибад̣̇аа рааг̇авирааг̇ааяа ? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хи. аяам̣, бхигкавз, маг̇г̇о, аяам̣ бадибад̣̇аа рааг̇авирааг̇ааяаад̇и. звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇аа’’д̇и. батамам̣.
41. Sāvatthinidānaṃ . ‘‘Sace vo, bhikkhave, aññatitthiyā paribbājakā evaṃ puccheyyuṃ – ‘kimatthiyaṃ, āvuso, samaṇe gotame brahmacariyaṃ vussatī’ti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ‘rāgavirāgatthaṃ kho, āvuso, bhagavati brahmacariyaṃ vussatī’ti. Sace pana vo, bhikkhave, aññatitthiyā paribbājakā evaṃ puccheyyuṃ – ‘atthi panāvuso, maggo, atthi paṭipadā rāgavirāgāyā’ti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ‘atthi kho, āvuso, maggo, atthi paṭipadā rāgavirāgāyā’ti. Katamo ca, bhikkhave, maggo, katamā ca paṭipadā rāgavirāgāya ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Ayaṃ, bhikkhave, maggo, ayaṃ paṭipadā rāgavirāgāyāti. Evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyāthā’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. ан̃н̃ад̇ид̇т̇ияабзяяаалаваг̇г̇аван̣н̣анаа • 5. Aññatitthiyapeyyālavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. ан̃н̃ад̇ид̇т̇ияабзяяаалаваг̇г̇аван̣н̣анаа • 5. Aññatitthiyapeyyālavaggavaṇṇanā
