| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. рахог̇ад̇аваг̇г̇о
2. Rahogatavaggo
1. рахог̇ад̇асуд̇д̇ам̣
1. Rahogatasuttaṃ
259. ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘ид̇ха маяхам̣, бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘д̇иссо взд̣̇анаа вуд̇д̇аа бхаг̇авад̇аа. сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа – имаа д̇иссо взд̣̇анаа вуд̇д̇аа бхаг̇авад̇аа. вуд̇д̇ам̣ ко банзд̇ам̣ бхаг̇авад̇аа – ‘яам̣ гин̃жи взд̣̇аяид̇ам̣ д̇ам̣ д̣̇угкасми’нд̇и. гим̣ ну ко зд̇ам̣ бхаг̇авад̇аа санд̇хааяа бхаасид̇ам̣ – ‘яам̣ гин̃жи взд̣̇аяид̇ам̣ д̇ам̣ д̣̇угкасми’’’нд̇и?
259. Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘tisso vedanā vuttā bhagavatā. Sukhā vedanā, dukkhā vedanā, adukkhamasukhā vedanā – imā tisso vedanā vuttā bhagavatā. Vuttaṃ kho panetaṃ bhagavatā – ‘yaṃ kiñci vedayitaṃ taṃ dukkhasmi’nti. Kiṃ nu kho etaṃ bhagavatā sandhāya bhāsitaṃ – ‘yaṃ kiñci vedayitaṃ taṃ dukkhasmi’’’nti?
‘‘саад̇ху саад̇ху, бхигку! д̇иссо имаа, бхигку, взд̣̇анаа вуд̇д̇аа маяаа. сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа – имаа д̇иссо взд̣̇анаа вуд̇д̇аа маяаа. вуд̇д̇ам̣ ко банзд̇ам̣, бхигку, маяаа – ‘яам̣ гин̃жи взд̣̇аяид̇ам̣, д̇ам̣ д̣̇угкасми’нд̇и. д̇ам̣ ко банзд̇ам̣, бхигку, маяаа сан̇каараанам̣язва анижжад̇ам̣ санд̇хааяа бхаасид̇ам̣ – ‘яам̣ гин̃жи взд̣̇аяид̇ам̣ д̇ам̣ д̣̇угкасми’нд̇и . д̇ам̣ ко банзд̇ам̣, бхигку, маяаа сан̇каараанам̣язва каяад̇хаммад̇ам̣…бз… ваяад̇хаммад̇ам̣…бз… вирааг̇ад̇хаммад̇ам̣ …бз… нирод̇хад̇хаммад̇ам̣…бз… вибарин̣аамад̇хаммад̇ам̣ санд̇хааяа бхаасид̇ам̣ – ‘яам̣ гин̃жи взд̣̇аяид̇ам̣ д̇ам̣ д̣̇угкасми’нд̇и. ат̇а ко бана, бхигку, маяаа анубуб̣б̣асан̇каараанам̣ нирод̇хо агкаад̇о. батамам̣ жхаанам̣ самаабаннасса ваажаа нируд̣̇д̇хаа ход̇и. д̣̇уд̇ияам̣ жхаанам̣ самаабаннасса вид̇аггавижаараа нируд̣̇д̇хаа хонд̇и. д̇ад̇ияам̣ жхаанам̣ самаабаннасса бийд̇и нируд̣̇д̇хаа ход̇и. жад̇уд̇т̇ам̣ жхаанам̣ самаабаннасса ассаасабассаасаа нируд̣̇д̇хаа хонд̇и. аагаасаанан̃жааяад̇анам̣ самаабаннасса руубасан̃н̃аа нируд̣̇д̇хаа ход̇и. вин̃н̃аан̣ан̃жааяад̇анам̣ самаабаннасса аагаасаанан̃жааяад̇анасан̃н̃аа нируд̣̇д̇хаа ход̇и. аагин̃жан̃н̃ааяад̇анам̣ самаабаннасса вин̃н̃аан̣ан̃жааяад̇анасан̃н̃аа нируд̣̇д̇хаа ход̇и. нзвасан̃н̃аанаасан̃н̃ааяад̇анам̣ самаабаннасса аагин̃жан̃н̃ааяад̇анасан̃н̃аа нируд̣̇д̇хаа ход̇и. сан̃н̃аавзд̣̇аяид̇анирод̇хам̣ самаабаннасса сан̃н̃аа жа взд̣̇анаа жа нируд̣̇д̇хаа хонд̇и. кийн̣аасавасса бхигкуно рааг̇о нируд̣̇д̇хо ход̇и, д̣̇осо нируд̣̇д̇хо ход̇и, мохо нируд̣̇д̇хо ход̇и. ат̇а ко, бхигку, маяаа анубуб̣б̣асан̇каараанам̣ вуубасамо агкаад̇о. батамам̣ жхаанам̣ самаабаннасса ваажаа вуубасанд̇аа ход̇и. д̣̇уд̇ияам̣ жхаанам̣ самаабаннасса вид̇аггавижаараа вуубасанд̇аа хонд̇и…бз… сан̃н̃аавзд̣̇аяид̇анирод̇хам̣ самаабаннасса сан̃н̃аа жа взд̣̇анаа жа вуубасанд̇аа хонд̇и. кийн̣аасавасса бхигкуно рааг̇о вуубасанд̇о ход̇и, д̣̇осо вуубасанд̇о ход̇и, мохо вуубасанд̇о ход̇и. чаяимаа, бхигку, бассад̣̇д̇хияо. батамам̣ жхаанам̣ самаабаннасса ваажаа бадиббассад̣̇д̇хаа ход̇и. д̣̇уд̇ияам̣ жхаанам̣ самаабаннасса вид̇аггавижаараа бадиббассад̣̇д̇хаа хонд̇и. д̇ад̇ияам̣ жхаанам̣ самаабаннасса бийд̇и бадиббассад̣̇д̇хаа ход̇и. жад̇уд̇т̇ам̣ жхаанам̣ самаабаннасса ассаасабассаасаа бадиббассад̣̇д̇хаа хонд̇и . сан̃н̃аавзд̣̇аяид̇анирод̇хам̣ самаабаннасса сан̃н̃аа жа взд̣̇анаа жа бадиббассад̣̇д̇хаа хонд̇и. кийн̣аасавасса бхигкуно рааг̇о бадиббассад̣̇д̇хо ход̇и, д̣̇осо бадиббассад̣̇д̇хо ход̇и, мохо бадиббассад̣̇д̇хо ход̇ий’’д̇и. батамам̣.
‘‘Sādhu sādhu, bhikkhu! Tisso imā, bhikkhu, vedanā vuttā mayā. Sukhā vedanā, dukkhā vedanā, adukkhamasukhā vedanā – imā tisso vedanā vuttā mayā. Vuttaṃ kho panetaṃ, bhikkhu, mayā – ‘yaṃ kiñci vedayitaṃ, taṃ dukkhasmi’nti. Taṃ kho panetaṃ, bhikkhu, mayā saṅkhārānaṃyeva aniccataṃ sandhāya bhāsitaṃ – ‘yaṃ kiñci vedayitaṃ taṃ dukkhasmi’nti . Taṃ kho panetaṃ, bhikkhu, mayā saṅkhārānaṃyeva khayadhammataṃ…pe… vayadhammataṃ…pe… virāgadhammataṃ …pe… nirodhadhammataṃ…pe… vipariṇāmadhammataṃ sandhāya bhāsitaṃ – ‘yaṃ kiñci vedayitaṃ taṃ dukkhasmi’nti. Atha kho pana, bhikkhu, mayā anupubbasaṅkhārānaṃ nirodho akkhāto. Paṭhamaṃ jhānaṃ samāpannassa vācā niruddhā hoti. Dutiyaṃ jhānaṃ samāpannassa vitakkavicārā niruddhā honti. Tatiyaṃ jhānaṃ samāpannassa pīti niruddhā hoti. Catutthaṃ jhānaṃ samāpannassa assāsapassāsā niruddhā honti. Ākāsānañcāyatanaṃ samāpannassa rūpasaññā niruddhā hoti. Viññāṇañcāyatanaṃ samāpannassa ākāsānañcāyatanasaññā niruddhā hoti. Ākiñcaññāyatanaṃ samāpannassa viññāṇañcāyatanasaññā niruddhā hoti. Nevasaññānāsaññāyatanaṃ samāpannassa ākiñcaññāyatanasaññā niruddhā hoti. Saññāvedayitanirodhaṃ samāpannassa saññā ca vedanā ca niruddhā honti. Khīṇāsavassa bhikkhuno rāgo niruddho hoti, doso niruddho hoti, moho niruddho hoti. Atha kho, bhikkhu, mayā anupubbasaṅkhārānaṃ vūpasamo akkhāto. Paṭhamaṃ jhānaṃ samāpannassa vācā vūpasantā hoti. Dutiyaṃ jhānaṃ samāpannassa vitakkavicārā vūpasantā honti…pe… saññāvedayitanirodhaṃ samāpannassa saññā ca vedanā ca vūpasantā honti. Khīṇāsavassa bhikkhuno rāgo vūpasanto hoti, doso vūpasanto hoti, moho vūpasanto hoti. Chayimā, bhikkhu, passaddhiyo. Paṭhamaṃ jhānaṃ samāpannassa vācā paṭippassaddhā hoti. Dutiyaṃ jhānaṃ samāpannassa vitakkavicārā paṭippassaddhā honti. Tatiyaṃ jhānaṃ samāpannassa pīti paṭippassaddhā hoti. Catutthaṃ jhānaṃ samāpannassa assāsapassāsā paṭippassaddhā honti . Saññāvedayitanirodhaṃ samāpannassa saññā ca vedanā ca paṭippassaddhā honti. Khīṇāsavassa bhikkhuno rāgo paṭippassaddho hoti, doso paṭippassaddho hoti, moho paṭippassaddho hotī’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. рахог̇ад̇асуд̇д̇аван̣н̣анаа • 1. Rahogatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. рахог̇ад̇асуд̇д̇аван̣н̣анаа • 1. Rahogatasuttavaṇṇanā
