| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਰਹੋਗਤવਗ੍ਗੋ
2. Rahogatavaggo
੧. ਰਹੋਗਤਸੁਤ੍ਤਂ
1. Rahogatasuttaṃ
੨੫੯. ਅਥ ਖੋ ਅਞ੍ਞਤਰੋ ਭਿਕ੍ਖੁ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਇਧ ਮਯ੍ਹਂ, ਭਨ੍ਤੇ, ਰਹੋਗਤਸ੍ਸ ਪਟਿਸਲ੍ਲੀਨਸ੍ਸ ਏવਂ ਚੇਤਸੋ ਪਰਿવਿਤਕ੍ਕੋ ਉਦਪਾਦਿ – ‘ਤਿਸ੍ਸੋ વੇਦਨਾ વੁਤ੍ਤਾ ਭਗવਤਾ। ਸੁਖਾ વੇਦਨਾ, ਦੁਕ੍ਖਾ વੇਦਨਾ, ਅਦੁਕ੍ਖਮਸੁਖਾ વੇਦਨਾ – ਇਮਾ ਤਿਸ੍ਸੋ વੇਦਨਾ વੁਤ੍ਤਾ ਭਗવਤਾ। વੁਤ੍ਤਂ ਖੋ ਪਨੇਤਂ ਭਗવਤਾ – ‘ਯਂ ਕਿਞ੍ਚਿ વੇਦਯਿਤਂ ਤਂ ਦੁਕ੍ਖਸ੍ਮਿ’ਨ੍ਤਿ। ਕਿਂ ਨੁ ਖੋ ਏਤਂ ਭਗવਤਾ ਸਨ੍ਧਾਯ ਭਾਸਿਤਂ – ‘ਯਂ ਕਿਞ੍ਚਿ વੇਦਯਿਤਂ ਤਂ ਦੁਕ੍ਖਸ੍ਮਿ’’’ਨ੍ਤਿ?
259. Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘tisso vedanā vuttā bhagavatā. Sukhā vedanā, dukkhā vedanā, adukkhamasukhā vedanā – imā tisso vedanā vuttā bhagavatā. Vuttaṃ kho panetaṃ bhagavatā – ‘yaṃ kiñci vedayitaṃ taṃ dukkhasmi’nti. Kiṃ nu kho etaṃ bhagavatā sandhāya bhāsitaṃ – ‘yaṃ kiñci vedayitaṃ taṃ dukkhasmi’’’nti?
‘‘ਸਾਧੁ ਸਾਧੁ, ਭਿਕ੍ਖੁ! ਤਿਸ੍ਸੋ ਇਮਾ, ਭਿਕ੍ਖੁ, વੇਦਨਾ વੁਤ੍ਤਾ ਮਯਾ। ਸੁਖਾ વੇਦਨਾ, ਦੁਕ੍ਖਾ વੇਦਨਾ, ਅਦੁਕ੍ਖਮਸੁਖਾ વੇਦਨਾ – ਇਮਾ ਤਿਸ੍ਸੋ વੇਦਨਾ વੁਤ੍ਤਾ ਮਯਾ। વੁਤ੍ਤਂ ਖੋ ਪਨੇਤਂ, ਭਿਕ੍ਖੁ, ਮਯਾ – ‘ਯਂ ਕਿਞ੍ਚਿ વੇਦਯਿਤਂ, ਤਂ ਦੁਕ੍ਖਸ੍ਮਿ’ਨ੍ਤਿ। ਤਂ ਖੋ ਪਨੇਤਂ, ਭਿਕ੍ਖੁ, ਮਯਾ ਸਙ੍ਖਾਰਾਨਂਯੇવ ਅਨਿਚ੍ਚਤਂ ਸਨ੍ਧਾਯ ਭਾਸਿਤਂ – ‘ਯਂ ਕਿਞ੍ਚਿ વੇਦਯਿਤਂ ਤਂ ਦੁਕ੍ਖਸ੍ਮਿ’ਨ੍ਤਿ । ਤਂ ਖੋ ਪਨੇਤਂ, ਭਿਕ੍ਖੁ, ਮਯਾ ਸਙ੍ਖਾਰਾਨਂਯੇવ ਖਯਧਮ੍ਮਤਂ…ਪੇ॰… વਯਧਮ੍ਮਤਂ…ਪੇ॰… વਿਰਾਗਧਮ੍ਮਤਂ …ਪੇ॰… ਨਿਰੋਧਧਮ੍ਮਤਂ…ਪੇ॰… વਿਪਰਿਣਾਮਧਮ੍ਮਤਂ ਸਨ੍ਧਾਯ ਭਾਸਿਤਂ – ‘ਯਂ ਕਿਞ੍ਚਿ વੇਦਯਿਤਂ ਤਂ ਦੁਕ੍ਖਸ੍ਮਿ’ਨ੍ਤਿ। ਅਥ ਖੋ ਪਨ, ਭਿਕ੍ਖੁ, ਮਯਾ ਅਨੁਪੁਬ੍ਬਸਙ੍ਖਾਰਾਨਂ ਨਿਰੋਧੋ ਅਕ੍ਖਾਤੋ। ਪਠਮਂ ਝਾਨਂ ਸਮਾਪਨ੍ਨਸ੍ਸ વਾਚਾ ਨਿਰੁਦ੍ਧਾ ਹੋਤਿ। ਦੁਤਿਯਂ ਝਾਨਂ ਸਮਾਪਨ੍ਨਸ੍ਸ વਿਤਕ੍ਕવਿਚਾਰਾ ਨਿਰੁਦ੍ਧਾ ਹੋਨ੍ਤਿ। ਤਤਿਯਂ ਝਾਨਂ ਸਮਾਪਨ੍ਨਸ੍ਸ ਪੀਤਿ ਨਿਰੁਦ੍ਧਾ ਹੋਤਿ। ਚਤੁਤ੍ਥਂ ਝਾਨਂ ਸਮਾਪਨ੍ਨਸ੍ਸ ਅਸ੍ਸਾਸਪਸ੍ਸਾਸਾ ਨਿਰੁਦ੍ਧਾ ਹੋਨ੍ਤਿ। ਆਕਾਸਾਨਞ੍ਚਾਯਤਨਂ ਸਮਾਪਨ੍ਨਸ੍ਸ ਰੂਪਸਞ੍ਞਾ ਨਿਰੁਦ੍ਧਾ ਹੋਤਿ। વਿਞ੍ਞਾਣਞ੍ਚਾਯਤਨਂ ਸਮਾਪਨ੍ਨਸ੍ਸ ਆਕਾਸਾਨਞ੍ਚਾਯਤਨਸਞ੍ਞਾ ਨਿਰੁਦ੍ਧਾ ਹੋਤਿ। ਆਕਿਞ੍ਚਞ੍ਞਾਯਤਨਂ ਸਮਾਪਨ੍ਨਸ੍ਸ વਿਞ੍ਞਾਣਞ੍ਚਾਯਤਨਸਞ੍ਞਾ ਨਿਰੁਦ੍ਧਾ ਹੋਤਿ। ਨੇવਸਞ੍ਞਾਨਾਸਞ੍ਞਾਯਤਨਂ ਸਮਾਪਨ੍ਨਸ੍ਸ ਆਕਿਞ੍ਚਞ੍ਞਾਯਤਨਸਞ੍ਞਾ ਨਿਰੁਦ੍ਧਾ ਹੋਤਿ। ਸਞ੍ਞਾવੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਸਞ੍ਞਾ ਚ વੇਦਨਾ ਚ ਨਿਰੁਦ੍ਧਾ ਹੋਨ੍ਤਿ। ਖੀਣਾਸવਸ੍ਸ ਭਿਕ੍ਖੁਨੋ ਰਾਗੋ ਨਿਰੁਦ੍ਧੋ ਹੋਤਿ, ਦੋਸੋ ਨਿਰੁਦ੍ਧੋ ਹੋਤਿ, ਮੋਹੋ ਨਿਰੁਦ੍ਧੋ ਹੋਤਿ। ਅਥ ਖੋ, ਭਿਕ੍ਖੁ, ਮਯਾ ਅਨੁਪੁਬ੍ਬਸਙ੍ਖਾਰਾਨਂ વੂਪਸਮੋ ਅਕ੍ਖਾਤੋ। ਪਠਮਂ ਝਾਨਂ ਸਮਾਪਨ੍ਨਸ੍ਸ વਾਚਾ વੂਪਸਨ੍ਤਾ ਹੋਤਿ। ਦੁਤਿਯਂ ਝਾਨਂ ਸਮਾਪਨ੍ਨਸ੍ਸ વਿਤਕ੍ਕવਿਚਾਰਾ વੂਪਸਨ੍ਤਾ ਹੋਨ੍ਤਿ…ਪੇ॰… ਸਞ੍ਞਾવੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਸਞ੍ਞਾ ਚ વੇਦਨਾ ਚ વੂਪਸਨ੍ਤਾ ਹੋਨ੍ਤਿ। ਖੀਣਾਸવਸ੍ਸ ਭਿਕ੍ਖੁਨੋ ਰਾਗੋ વੂਪਸਨ੍ਤੋ ਹੋਤਿ, ਦੋਸੋ વੂਪਸਨ੍ਤੋ ਹੋਤਿ, ਮੋਹੋ વੂਪਸਨ੍ਤੋ ਹੋਤਿ। ਛਯਿਮਾ, ਭਿਕ੍ਖੁ, ਪਸ੍ਸਦ੍ਧਿਯੋ। ਪਠਮਂ ਝਾਨਂ ਸਮਾਪਨ੍ਨਸ੍ਸ વਾਚਾ ਪਟਿਪ੍ਪਸ੍ਸਦ੍ਧਾ ਹੋਤਿ। ਦੁਤਿਯਂ ਝਾਨਂ ਸਮਾਪਨ੍ਨਸ੍ਸ વਿਤਕ੍ਕવਿਚਾਰਾ ਪਟਿਪ੍ਪਸ੍ਸਦ੍ਧਾ ਹੋਨ੍ਤਿ। ਤਤਿਯਂ ਝਾਨਂ ਸਮਾਪਨ੍ਨਸ੍ਸ ਪੀਤਿ ਪਟਿਪ੍ਪਸ੍ਸਦ੍ਧਾ ਹੋਤਿ। ਚਤੁਤ੍ਥਂ ਝਾਨਂ ਸਮਾਪਨ੍ਨਸ੍ਸ ਅਸ੍ਸਾਸਪਸ੍ਸਾਸਾ ਪਟਿਪ੍ਪਸ੍ਸਦ੍ਧਾ ਹੋਨ੍ਤਿ । ਸਞ੍ਞਾવੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਸਞ੍ਞਾ ਚ વੇਦਨਾ ਚ ਪਟਿਪ੍ਪਸ੍ਸਦ੍ਧਾ ਹੋਨ੍ਤਿ। ਖੀਣਾਸવਸ੍ਸ ਭਿਕ੍ਖੁਨੋ ਰਾਗੋ ਪਟਿਪ੍ਪਸ੍ਸਦ੍ਧੋ ਹੋਤਿ, ਦੋਸੋ ਪਟਿਪ੍ਪਸ੍ਸਦ੍ਧੋ ਹੋਤਿ, ਮੋਹੋ ਪਟਿਪ੍ਪਸ੍ਸਦ੍ਧੋ ਹੋਤੀ’’ਤਿ। ਪਠਮਂ।
‘‘Sādhu sādhu, bhikkhu! Tisso imā, bhikkhu, vedanā vuttā mayā. Sukhā vedanā, dukkhā vedanā, adukkhamasukhā vedanā – imā tisso vedanā vuttā mayā. Vuttaṃ kho panetaṃ, bhikkhu, mayā – ‘yaṃ kiñci vedayitaṃ, taṃ dukkhasmi’nti. Taṃ kho panetaṃ, bhikkhu, mayā saṅkhārānaṃyeva aniccataṃ sandhāya bhāsitaṃ – ‘yaṃ kiñci vedayitaṃ taṃ dukkhasmi’nti . Taṃ kho panetaṃ, bhikkhu, mayā saṅkhārānaṃyeva khayadhammataṃ…pe… vayadhammataṃ…pe… virāgadhammataṃ …pe… nirodhadhammataṃ…pe… vipariṇāmadhammataṃ sandhāya bhāsitaṃ – ‘yaṃ kiñci vedayitaṃ taṃ dukkhasmi’nti. Atha kho pana, bhikkhu, mayā anupubbasaṅkhārānaṃ nirodho akkhāto. Paṭhamaṃ jhānaṃ samāpannassa vācā niruddhā hoti. Dutiyaṃ jhānaṃ samāpannassa vitakkavicārā niruddhā honti. Tatiyaṃ jhānaṃ samāpannassa pīti niruddhā hoti. Catutthaṃ jhānaṃ samāpannassa assāsapassāsā niruddhā honti. Ākāsānañcāyatanaṃ samāpannassa rūpasaññā niruddhā hoti. Viññāṇañcāyatanaṃ samāpannassa ākāsānañcāyatanasaññā niruddhā hoti. Ākiñcaññāyatanaṃ samāpannassa viññāṇañcāyatanasaññā niruddhā hoti. Nevasaññānāsaññāyatanaṃ samāpannassa ākiñcaññāyatanasaññā niruddhā hoti. Saññāvedayitanirodhaṃ samāpannassa saññā ca vedanā ca niruddhā honti. Khīṇāsavassa bhikkhuno rāgo niruddho hoti, doso niruddho hoti, moho niruddho hoti. Atha kho, bhikkhu, mayā anupubbasaṅkhārānaṃ vūpasamo akkhāto. Paṭhamaṃ jhānaṃ samāpannassa vācā vūpasantā hoti. Dutiyaṃ jhānaṃ samāpannassa vitakkavicārā vūpasantā honti…pe… saññāvedayitanirodhaṃ samāpannassa saññā ca vedanā ca vūpasantā honti. Khīṇāsavassa bhikkhuno rāgo vūpasanto hoti, doso vūpasanto hoti, moho vūpasanto hoti. Chayimā, bhikkhu, passaddhiyo. Paṭhamaṃ jhānaṃ samāpannassa vācā paṭippassaddhā hoti. Dutiyaṃ jhānaṃ samāpannassa vitakkavicārā paṭippassaddhā honti. Tatiyaṃ jhānaṃ samāpannassa pīti paṭippassaddhā hoti. Catutthaṃ jhānaṃ samāpannassa assāsapassāsā paṭippassaddhā honti . Saññāvedayitanirodhaṃ samāpannassa saññā ca vedanā ca paṭippassaddhā honti. Khīṇāsavassa bhikkhuno rāgo paṭippassaddho hoti, doso paṭippassaddho hoti, moho paṭippassaddho hotī’’ti. Paṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਰਹੋਗਤਸੁਤ੍ਤવਣ੍ਣਨਾ • 1. Rahogatasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਰਹੋਗਤਸੁਤ੍ਤવਣ੍ਣਨਾ • 1. Rahogatasuttavaṇṇanā
