| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. ரஹோக³தவக்³கோ³
2. Rahogatavaggo
1. ரஹோக³தஸுத்தவண்ணனா
1. Rahogatasuttavaṇṇanā
259. ரஹோக³தவக்³க³ஸ்ஸ பட²மே யங் கிஞ்சி வேத³யிதங், தங் து³க்க²ஸ்மிந்தி யங் கிஞ்சி வேத³யிதங், தங் ஸப்³ப³ங் து³க்க²ந்தி அத்தோ². ஸங்கா²ரானங்யேவ அனிச்சதந்திஆதீ³ஸு யா ஏஸா ஸங்கா²ரானங் அனிச்சதா க²யத⁴ம்மதா வயத⁴ம்மதா விபரிணாமத⁴ம்மதா, ஏதங் ஸந்தா⁴ய யங் கிஞ்சி வேத³யிதங், தங் து³க்க²ந்தி மயா பா⁴ஸிதந்தி தீ³பேதி. யா ஹி ஸங்கா²ரானங் அனிச்சதா, வேத³னானம்பி ஸா அனிச்சதா ஏவ. அனிச்சதா ச நாமேஸா மரணங், மரணதோ உத்தரி து³க்க²ங் நாம நத்தீ²தி இமினா அதி⁴ப்பாயேன ஸப்³பா³ வேத³னா து³க்கா²தி வுத்தா. அத² கோ² பன பி⁴க்கு² மயாதி இத³ங் ந கேவலங் அஹங் வேத³னானங்யேவ நிரோத⁴ங் பஞ்ஞாபேமி, இமேஸம்பி த⁴ம்மானங் நிரோத⁴ங் பஞ்ஞாபேமீதி த³ஸ்ஸனத்த²ங் ஆரத்³த⁴ங். வூபஸமோ ச பஸ்ஸத்³தி⁴யோ ச ஏவரூபாய தே³ஸனாய பு³ஜ்ஜ²னகானங் அஜ்ஜா²ஸயேன வுத்தா. ஸஞ்ஞாவேத³யிதனிரோத⁴க்³க³ஹணேன செத்த² சத்தாரோ ஆருப்பா க³ஹிதாவ ஹொந்தீதி வேதி³தப்³பா³.
259. Rahogatavaggassa paṭhame yaṃ kiñci vedayitaṃ, taṃ dukkhasminti yaṃ kiñci vedayitaṃ, taṃ sabbaṃ dukkhanti attho. Saṅkhārānaṃyeva aniccatantiādīsu yā esā saṅkhārānaṃ aniccatā khayadhammatā vayadhammatā vipariṇāmadhammatā, etaṃ sandhāya yaṃ kiñci vedayitaṃ, taṃ dukkhanti mayā bhāsitanti dīpeti. Yā hi saṅkhārānaṃ aniccatā, vedanānampi sā aniccatā eva. Aniccatā ca nāmesā maraṇaṃ, maraṇato uttari dukkhaṃ nāma natthīti iminā adhippāyena sabbā vedanā dukkhāti vuttā. Atha kho pana bhikkhu mayāti idaṃ na kevalaṃ ahaṃ vedanānaṃyeva nirodhaṃ paññāpemi, imesampi dhammānaṃ nirodhaṃ paññāpemīti dassanatthaṃ āraddhaṃ. Vūpasamo ca passaddhiyo ca evarūpāya desanāya bujjhanakānaṃ ajjhāsayena vuttā. Saññāvedayitanirodhaggahaṇena cettha cattāro āruppā gahitāva hontīti veditabbā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ரஹோக³தஸுத்தங் • 1. Rahogatasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. ரஹோக³தஸுத்தவண்ணனா • 1. Rahogatasuttavaṇṇanā
