| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
২. রহোগতৰগ্গো
2. Rahogatavaggo
১. রহোগতসুত্তৰণ্ণনা
1. Rahogatasuttavaṇṇanā
২৫৯. রহোগতৰগ্গস্স পঠমে যং কিঞ্চি ৰেদযিতং, তং দুক্খস্মিন্তি যং কিঞ্চি ৰেদযিতং, তং সব্বং দুক্খন্তি অত্থো। সঙ্খারানংযেৰ অনিচ্চতন্তিআদীসু যা এসা সঙ্খারানং অনিচ্চতা খযধম্মতা ৰযধম্মতা ৰিপরিণামধম্মতা, এতং সন্ধায যং কিঞ্চি ৰেদযিতং, তং দুক্খন্তি মযা ভাসিতন্তি দীপেতি। যা হি সঙ্খারানং অনিচ্চতা, ৰেদনানম্পি সা অনিচ্চতা এৰ। অনিচ্চতা চ নামেসা মরণং, মরণতো উত্তরি দুক্খং নাম নত্থীতি ইমিনা অধিপ্পাযেন সব্বা ৰেদনা দুক্খাতি ৰুত্তা। অথ খো পন ভিক্খু মযাতি ইদং ন কেৰলং অহং ৰেদনানংযেৰ নিরোধং পঞ্ঞাপেমি, ইমেসম্পি ধম্মানং নিরোধং পঞ্ঞাপেমীতি দস্সনত্থং আরদ্ধং। ৰূপসমো চ পস্সদ্ধিযো চ এৰরূপায দেসনায বুজ্ঝনকানং অজ্ঝাসযেন ৰুত্তা। সঞ্ঞাৰেদযিতনিরোধগ্গহণেন চেত্থ চত্তারো আরুপ্পা গহিতাৰ হোন্তীতি ৰেদিতব্বা।
259. Rahogatavaggassa paṭhame yaṃ kiñci vedayitaṃ, taṃ dukkhasminti yaṃ kiñci vedayitaṃ, taṃ sabbaṃ dukkhanti attho. Saṅkhārānaṃyeva aniccatantiādīsu yā esā saṅkhārānaṃ aniccatā khayadhammatā vayadhammatā vipariṇāmadhammatā, etaṃ sandhāya yaṃ kiñci vedayitaṃ, taṃ dukkhanti mayā bhāsitanti dīpeti. Yā hi saṅkhārānaṃ aniccatā, vedanānampi sā aniccatā eva. Aniccatā ca nāmesā maraṇaṃ, maraṇato uttari dukkhaṃ nāma natthīti iminā adhippāyena sabbā vedanā dukkhāti vuttā. Atha kho pana bhikkhu mayāti idaṃ na kevalaṃ ahaṃ vedanānaṃyeva nirodhaṃ paññāpemi, imesampi dhammānaṃ nirodhaṃ paññāpemīti dassanatthaṃ āraddhaṃ. Vūpasamo ca passaddhiyo ca evarūpāya desanāya bujjhanakānaṃ ajjhāsayena vuttā. Saññāvedayitanirodhaggahaṇena cettha cattāro āruppā gahitāva hontīti veditabbā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. রহোগতসুত্তং • 1. Rahogatasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. রহোগতসুত্তৰণ্ণনা • 1. Rahogatasuttavaṇṇanā
