| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
২. রহোগতৰগ্গো
2. Rahogatavaggo
১. রহোগতসুত্তৰণ্ণনা
1. Rahogatasuttavaṇṇanā
২৫৯. যংকিঞ্চি ৰেদযিতন্তি ‘‘সুখং দুক্খং অদুক্খমসুখ’’ন্তি ৰুত্তং ৰেদযিতং দুক্খস্মিং অন্তোগধং, দুক্খন্তি ৰত্তব্বতং লভতি পরিযাযেনাতি অত্থো। তেনাহ ‘‘তং সব্বং দুক্খন্তি অত্থো’’তি। যা এসাতিআদীসু যো সঙ্খারানং অনিচ্চতাসঙ্খাতো হুত্ৰা অভাৰাকারো, যা খযসভাৰতা ৰিনস্সনসভাৰতা জরায মরণেন চাতি দ্ৰিধা ৰিপরিণামনসভাৰতা, এতং সন্ধায উদ্দিস্স সব্বং ৰেদযিতং দুক্খন্তি মযা ৰুত্তন্তি অযং সঙ্খেপত্থো। সাতি সঙ্খারানং অনিচ্চতা । ৰেদনানম্পি অনিচ্চতা এৰ সঙ্খারসভাৰত্তা। তাসং অনিচ্চতা চ নাম মরণং ভঙ্গোতি কত্ৰা ততো উত্তরি দুক্খং নাম নত্থীতি সব্বা ৰেদনা ‘‘দুক্খা’’তি ৰুত্তা, যথা ‘‘যদনিচ্চং তং দুক্খ’’ন্তি চ, ‘‘পঞ্চুপাদানক্খন্ধা দুক্খা’’তি চ ৰুত্তং। ইদং সুত্তপদং। চত্তারো আরুপ্পাতি চতস্সো অরূপসমাপত্তিযো। এত্থাতি চ এতস্মিং পটিপ্পস্সদ্ধিৰারে।
259.Yaṃkiñci vedayitanti ‘‘sukhaṃ dukkhaṃ adukkhamasukha’’nti vuttaṃ vedayitaṃ dukkhasmiṃ antogadhaṃ, dukkhanti vattabbataṃ labhati pariyāyenāti attho. Tenāha ‘‘taṃ sabbaṃ dukkhanti attho’’ti. Yā esātiādīsu yo saṅkhārānaṃ aniccatāsaṅkhāto hutvā abhāvākāro, yā khayasabhāvatā vinassanasabhāvatā jarāya maraṇena cāti dvidhā vipariṇāmanasabhāvatā, etaṃ sandhāya uddissa sabbaṃ vedayitaṃ dukkhanti mayā vuttanti ayaṃ saṅkhepattho. Sāti saṅkhārānaṃ aniccatā . Vedanānampi aniccatā eva saṅkhārasabhāvattā. Tāsaṃ aniccatā ca nāma maraṇaṃ bhaṅgoti katvā tato uttari dukkhaṃ nāma natthīti sabbā vedanā ‘‘dukkhā’’ti vuttā, yathā ‘‘yadaniccaṃ taṃ dukkha’’nti ca, ‘‘pañcupādānakkhandhā dukkhā’’ti ca vuttaṃ. Idaṃ suttapadaṃ. Cattāro āruppāti catasso arūpasamāpattiyo. Etthāti ca etasmiṃ paṭippassaddhivāre.
রহোগতসুত্তৰণ্ণনা নিট্ঠিতা।
Rahogatasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. রহোগতসুত্তং • 1. Rahogatasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. রহোগতসুত্তৰণ্ণনা • 1. Rahogatasuttavaṇṇanā
