| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. རཧོགཏཝགྒོ
2. Rahogatavaggo
༡. རཧོགཏསུཏྟཝཎྞནཱ
1. Rahogatasuttavaṇṇanā
༢༥༩. ཡཾཀིཉྩི ཝེདཡིཏནྟི ‘‘སུཁཾ དུཀྑཾ ཨདུཀྑམསུཁ’’ནྟི ཝུཏྟཾ ཝེདཡིཏཾ དུཀྑསྨིཾ ཨནྟོགདྷཾ, དུཀྑནྟི ཝཏྟབྦཏཾ ལབྷཏི པརིཡཱཡེནཱཏི ཨཏྠོ། ཏེནཱཧ ‘‘ཏཾ སབྦཾ དུཀྑནྟི ཨཏྠོ’’ཏི། ཡཱ ཨེསཱཏིཨཱདཱིསུ ཡོ སངྑཱརཱནཾ ཨནིཙྩཏཱསངྑཱཏོ ཧུཏྭཱ ཨབྷཱཝཱཀཱརོ, ཡཱ ཁཡསབྷཱཝཏཱ ཝིནསྶནསབྷཱཝཏཱ ཛརཱཡ མརཎེན ཙཱཏི དྭིདྷཱ ཝིཔརིཎཱམནསབྷཱཝཏཱ, ཨེཏཾ སནྡྷཱཡ ཨུདྡིསྶ སབྦཾ ཝེདཡིཏཾ དུཀྑནྟི མཡཱ ཝུཏྟནྟི ཨཡཾ སངྑེཔཏྠོ། སཱཏི སངྑཱརཱནཾ ཨནིཙྩཏཱ ། ཝེདནཱནམྤི ཨནིཙྩཏཱ ཨེཝ སངྑཱརསབྷཱཝཏྟཱ། ཏཱསཾ ཨནིཙྩཏཱ ཙ ནཱམ མརཎཾ བྷངྒོཏི ཀཏྭཱ ཏཏོ ཨུཏྟརི དུཀྑཾ ནཱམ ནཏྠཱིཏི སབྦཱ ཝེདནཱ ‘‘དུཀྑཱ’’ཏི ཝུཏྟཱ, ཡཐཱ ‘‘ཡདནིཙྩཾ ཏཾ དུཀྑ’’ནྟི ཙ, ‘‘པཉྩུཔཱདཱནཀྑནྡྷཱ དུཀྑཱ’’ཏི ཙ ཝུཏྟཾ། ཨིདཾ སུཏྟཔདཾ། ཙཏྟཱརོ ཨཱརུཔྤཱཏི ཙཏསྶོ ཨརཱུཔསམཱཔཏྟིཡོ། ཨེཏྠཱཏི ཙ ཨེཏསྨིཾ པཊིཔྤསྶདྡྷིཝཱརེ།
259.Yaṃkiñci vedayitanti ‘‘sukhaṃ dukkhaṃ adukkhamasukha’’nti vuttaṃ vedayitaṃ dukkhasmiṃ antogadhaṃ, dukkhanti vattabbataṃ labhati pariyāyenāti attho. Tenāha ‘‘taṃ sabbaṃ dukkhanti attho’’ti. Yā esātiādīsu yo saṅkhārānaṃ aniccatāsaṅkhāto hutvā abhāvākāro, yā khayasabhāvatā vinassanasabhāvatā jarāya maraṇena cāti dvidhā vipariṇāmanasabhāvatā, etaṃ sandhāya uddissa sabbaṃ vedayitaṃ dukkhanti mayā vuttanti ayaṃ saṅkhepattho. Sāti saṅkhārānaṃ aniccatā . Vedanānampi aniccatā eva saṅkhārasabhāvattā. Tāsaṃ aniccatā ca nāma maraṇaṃ bhaṅgoti katvā tato uttari dukkhaṃ nāma natthīti sabbā vedanā ‘‘dukkhā’’ti vuttā, yathā ‘‘yadaniccaṃ taṃ dukkha’’nti ca, ‘‘pañcupādānakkhandhā dukkhā’’ti ca vuttaṃ. Idaṃ suttapadaṃ. Cattāro āruppāti catasso arūpasamāpattiyo. Etthāti ca etasmiṃ paṭippassaddhivāre.
རཧོགཏསུཏྟཝཎྞནཱ ནིཊྛིཏཱ།
Rahogatasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. རཧོགཏསུཏྟཾ • 1. Rahogatasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. རཧོགཏསུཏྟཝཎྞནཱ • 1. Rahogatasuttavaṇṇanā
