| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਰਹੋਗਤવਗ੍ਗੋ
2. Rahogatavaggo
੧. ਰਹੋਗਤਸੁਤ੍ਤવਣ੍ਣਨਾ
1. Rahogatasuttavaṇṇanā
੨੫੯. ਰਹੋਗਤવਗ੍ਗਸ੍ਸ ਪਠਮੇ ਯਂ ਕਿਞ੍ਚਿ વੇਦਯਿਤਂ, ਤਂ ਦੁਕ੍ਖਸ੍ਮਿਨ੍ਤਿ ਯਂ ਕਿਞ੍ਚਿ વੇਦਯਿਤਂ, ਤਂ ਸਬ੍ਬਂ ਦੁਕ੍ਖਨ੍ਤਿ ਅਤ੍ਥੋ। ਸਙ੍ਖਾਰਾਨਂਯੇવ ਅਨਿਚ੍ਚਤਨ੍ਤਿਆਦੀਸੁ ਯਾ ਏਸਾ ਸਙ੍ਖਾਰਾਨਂ ਅਨਿਚ੍ਚਤਾ ਖਯਧਮ੍ਮਤਾ વਯਧਮ੍ਮਤਾ વਿਪਰਿਣਾਮਧਮ੍ਮਤਾ, ਏਤਂ ਸਨ੍ਧਾਯ ਯਂ ਕਿਞ੍ਚਿ વੇਦਯਿਤਂ, ਤਂ ਦੁਕ੍ਖਨ੍ਤਿ ਮਯਾ ਭਾਸਿਤਨ੍ਤਿ ਦੀਪੇਤਿ। ਯਾ ਹਿ ਸਙ੍ਖਾਰਾਨਂ ਅਨਿਚ੍ਚਤਾ, વੇਦਨਾਨਮ੍ਪਿ ਸਾ ਅਨਿਚ੍ਚਤਾ ਏવ। ਅਨਿਚ੍ਚਤਾ ਚ ਨਾਮੇਸਾ ਮਰਣਂ, ਮਰਣਤੋ ਉਤ੍ਤਰਿ ਦੁਕ੍ਖਂ ਨਾਮ ਨਤ੍ਥੀਤਿ ਇਮਿਨਾ ਅਧਿਪ੍ਪਾਯੇਨ ਸਬ੍ਬਾ વੇਦਨਾ ਦੁਕ੍ਖਾਤਿ વੁਤ੍ਤਾ। ਅਥ ਖੋ ਪਨ ਭਿਕ੍ਖੁ ਮਯਾਤਿ ਇਦਂ ਨ ਕੇવਲਂ ਅਹਂ વੇਦਨਾਨਂਯੇવ ਨਿਰੋਧਂ ਪਞ੍ਞਾਪੇਮਿ, ਇਮੇਸਮ੍ਪਿ ਧਮ੍ਮਾਨਂ ਨਿਰੋਧਂ ਪਞ੍ਞਾਪੇਮੀਤਿ ਦਸ੍ਸਨਤ੍ਥਂ ਆਰਦ੍ਧਂ। વੂਪਸਮੋ ਚ ਪਸ੍ਸਦ੍ਧਿਯੋ ਚ ਏવਰੂਪਾਯ ਦੇਸਨਾਯ ਬੁਜ੍ਝਨਕਾਨਂ ਅਜ੍ਝਾਸਯੇਨ વੁਤ੍ਤਾ। ਸਞ੍ਞਾવੇਦਯਿਤਨਿਰੋਧਗ੍ਗਹਣੇਨ ਚੇਤ੍ਥ ਚਤ੍ਤਾਰੋ ਆਰੁਪ੍ਪਾ ਗਹਿਤਾવ ਹੋਨ੍ਤੀਤਿ વੇਦਿਤਬ੍ਬਾ।
259. Rahogatavaggassa paṭhame yaṃ kiñci vedayitaṃ, taṃ dukkhasminti yaṃ kiñci vedayitaṃ, taṃ sabbaṃ dukkhanti attho. Saṅkhārānaṃyeva aniccatantiādīsu yā esā saṅkhārānaṃ aniccatā khayadhammatā vayadhammatā vipariṇāmadhammatā, etaṃ sandhāya yaṃ kiñci vedayitaṃ, taṃ dukkhanti mayā bhāsitanti dīpeti. Yā hi saṅkhārānaṃ aniccatā, vedanānampi sā aniccatā eva. Aniccatā ca nāmesā maraṇaṃ, maraṇato uttari dukkhaṃ nāma natthīti iminā adhippāyena sabbā vedanā dukkhāti vuttā. Atha kho pana bhikkhu mayāti idaṃ na kevalaṃ ahaṃ vedanānaṃyeva nirodhaṃ paññāpemi, imesampi dhammānaṃ nirodhaṃ paññāpemīti dassanatthaṃ āraddhaṃ. Vūpasamo ca passaddhiyo ca evarūpāya desanāya bujjhanakānaṃ ajjhāsayena vuttā. Saññāvedayitanirodhaggahaṇena cettha cattāro āruppā gahitāva hontīti veditabbā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਰਹੋਗਤਸੁਤ੍ਤਂ • 1. Rahogatasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਰਹੋਗਤਸੁਤ੍ਤવਣ੍ਣਨਾ • 1. Rahogatasuttavaṇṇanā
