| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਰਹੋਗਤવਗ੍ਗੋ
2. Rahogatavaggo
੧. ਰਹੋਗਤਸੁਤ੍ਤવਣ੍ਣਨਾ
1. Rahogatasuttavaṇṇanā
੨੫੯. ਯਂਕਿਞ੍ਚਿ વੇਦਯਿਤਨ੍ਤਿ ‘‘ਸੁਖਂ ਦੁਕ੍ਖਂ ਅਦੁਕ੍ਖਮਸੁਖ’’ਨ੍ਤਿ વੁਤ੍ਤਂ વੇਦਯਿਤਂ ਦੁਕ੍ਖਸ੍ਮਿਂ ਅਨ੍ਤੋਗਧਂ, ਦੁਕ੍ਖਨ੍ਤਿ વਤ੍ਤਬ੍ਬਤਂ ਲਭਤਿ ਪਰਿਯਾਯੇਨਾਤਿ ਅਤ੍ਥੋ। ਤੇਨਾਹ ‘‘ਤਂ ਸਬ੍ਬਂ ਦੁਕ੍ਖਨ੍ਤਿ ਅਤ੍ਥੋ’’ਤਿ। ਯਾ ਏਸਾਤਿਆਦੀਸੁ ਯੋ ਸਙ੍ਖਾਰਾਨਂ ਅਨਿਚ੍ਚਤਾਸਙ੍ਖਾਤੋ ਹੁਤ੍વਾ ਅਭਾવਾਕਾਰੋ, ਯਾ ਖਯਸਭਾવਤਾ વਿਨਸ੍ਸਨਸਭਾવਤਾ ਜਰਾਯ ਮਰਣੇਨ ਚਾਤਿ ਦ੍વਿਧਾ વਿਪਰਿਣਾਮਨਸਭਾવਤਾ, ਏਤਂ ਸਨ੍ਧਾਯ ਉਦ੍ਦਿਸ੍ਸ ਸਬ੍ਬਂ વੇਦਯਿਤਂ ਦੁਕ੍ਖਨ੍ਤਿ ਮਯਾ વੁਤ੍ਤਨ੍ਤਿ ਅਯਂ ਸਙ੍ਖੇਪਤ੍ਥੋ। ਸਾਤਿ ਸਙ੍ਖਾਰਾਨਂ ਅਨਿਚ੍ਚਤਾ । વੇਦਨਾਨਮ੍ਪਿ ਅਨਿਚ੍ਚਤਾ ਏવ ਸਙ੍ਖਾਰਸਭਾવਤ੍ਤਾ। ਤਾਸਂ ਅਨਿਚ੍ਚਤਾ ਚ ਨਾਮ ਮਰਣਂ ਭਙ੍ਗੋਤਿ ਕਤ੍વਾ ਤਤੋ ਉਤ੍ਤਰਿ ਦੁਕ੍ਖਂ ਨਾਮ ਨਤ੍ਥੀਤਿ ਸਬ੍ਬਾ વੇਦਨਾ ‘‘ਦੁਕ੍ਖਾ’’ਤਿ વੁਤ੍ਤਾ, ਯਥਾ ‘‘ਯਦਨਿਚ੍ਚਂ ਤਂ ਦੁਕ੍ਖ’’ਨ੍ਤਿ ਚ, ‘‘ਪਞ੍ਚੁਪਾਦਾਨਕ੍ਖਨ੍ਧਾ ਦੁਕ੍ਖਾ’’ਤਿ ਚ વੁਤ੍ਤਂ। ਇਦਂ ਸੁਤ੍ਤਪਦਂ। ਚਤ੍ਤਾਰੋ ਆਰੁਪ੍ਪਾਤਿ ਚਤਸ੍ਸੋ ਅਰੂਪਸਮਾਪਤ੍ਤਿਯੋ। ਏਤ੍ਥਾਤਿ ਚ ਏਤਸ੍ਮਿਂ ਪਟਿਪ੍ਪਸ੍ਸਦ੍ਧਿવਾਰੇ।
259.Yaṃkiñci vedayitanti ‘‘sukhaṃ dukkhaṃ adukkhamasukha’’nti vuttaṃ vedayitaṃ dukkhasmiṃ antogadhaṃ, dukkhanti vattabbataṃ labhati pariyāyenāti attho. Tenāha ‘‘taṃ sabbaṃ dukkhanti attho’’ti. Yā esātiādīsu yo saṅkhārānaṃ aniccatāsaṅkhāto hutvā abhāvākāro, yā khayasabhāvatā vinassanasabhāvatā jarāya maraṇena cāti dvidhā vipariṇāmanasabhāvatā, etaṃ sandhāya uddissa sabbaṃ vedayitaṃ dukkhanti mayā vuttanti ayaṃ saṅkhepattho. Sāti saṅkhārānaṃ aniccatā . Vedanānampi aniccatā eva saṅkhārasabhāvattā. Tāsaṃ aniccatā ca nāma maraṇaṃ bhaṅgoti katvā tato uttari dukkhaṃ nāma natthīti sabbā vedanā ‘‘dukkhā’’ti vuttā, yathā ‘‘yadaniccaṃ taṃ dukkha’’nti ca, ‘‘pañcupādānakkhandhā dukkhā’’ti ca vuttaṃ. Idaṃ suttapadaṃ. Cattāro āruppāti catasso arūpasamāpattiyo. Etthāti ca etasmiṃ paṭippassaddhivāre.
ਰਹੋਗਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Rahogatasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਰਹੋਗਤਸੁਤ੍ਤਂ • 1. Rahogatasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਰਹੋਗਤਸੁਤ੍ਤવਣ੍ਣਨਾ • 1. Rahogatasuttavaṇṇanā
