| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൨. രഹോഗതവഗ്ഗോ
2. Rahogatavaggo
൧. രഹോഗതസുത്തവണ്ണനാ
1. Rahogatasuttavaṇṇanā
൨൫൯. രഹോഗതവഗ്ഗസ്സ പഠമേ യം കിഞ്ചി വേദയിതം, തം ദുക്ഖസ്മിന്തി യം കിഞ്ചി വേദയിതം, തം സബ്ബം ദുക്ഖന്തി അത്ഥോ. സങ്ഖാരാനംയേവ അനിച്ചതന്തിആദീസു യാ ഏസാ സങ്ഖാരാനം അനിച്ചതാ ഖയധമ്മതാ വയധമ്മതാ വിപരിണാമധമ്മതാ, ഏതം സന്ധായ യം കിഞ്ചി വേദയിതം, തം ദുക്ഖന്തി മയാ ഭാസിതന്തി ദീപേതി. യാ ഹി സങ്ഖാരാനം അനിച്ചതാ, വേദനാനമ്പി സാ അനിച്ചതാ ഏവ. അനിച്ചതാ ച നാമേസാ മരണം, മരണതോ ഉത്തരി ദുക്ഖം നാമ നത്ഥീതി ഇമിനാ അധിപ്പായേന സബ്ബാ വേദനാ ദുക്ഖാതി വുത്താ. അഥ ഖോ പന ഭിക്ഖു മയാതി ഇദം ന കേവലം അഹം വേദനാനംയേവ നിരോധം പഞ്ഞാപേമി, ഇമേസമ്പി ധമ്മാനം നിരോധം പഞ്ഞാപേമീതി ദസ്സനത്ഥം ആരദ്ധം. വൂപസമോ ച പസ്സദ്ധിയോ ച ഏവരൂപായ ദേസനായ ബുജ്ഝനകാനം അജ്ഝാസയേന വുത്താ. സഞ്ഞാവേദയിതനിരോധഗ്ഗഹണേന ചേത്ഥ ചത്താരോ ആരുപ്പാ ഗഹിതാവ ഹോന്തീതി വേദിതബ്ബാ.
259. Rahogatavaggassa paṭhame yaṃ kiñci vedayitaṃ, taṃ dukkhasminti yaṃ kiñci vedayitaṃ, taṃ sabbaṃ dukkhanti attho. Saṅkhārānaṃyeva aniccatantiādīsu yā esā saṅkhārānaṃ aniccatā khayadhammatā vayadhammatā vipariṇāmadhammatā, etaṃ sandhāya yaṃ kiñci vedayitaṃ, taṃ dukkhanti mayā bhāsitanti dīpeti. Yā hi saṅkhārānaṃ aniccatā, vedanānampi sā aniccatā eva. Aniccatā ca nāmesā maraṇaṃ, maraṇato uttari dukkhaṃ nāma natthīti iminā adhippāyena sabbā vedanā dukkhāti vuttā. Atha kho pana bhikkhu mayāti idaṃ na kevalaṃ ahaṃ vedanānaṃyeva nirodhaṃ paññāpemi, imesampi dhammānaṃ nirodhaṃ paññāpemīti dassanatthaṃ āraddhaṃ. Vūpasamo ca passaddhiyo ca evarūpāya desanāya bujjhanakānaṃ ajjhāsayena vuttā. Saññāvedayitanirodhaggahaṇena cettha cattāro āruppā gahitāva hontīti veditabbā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧. രഹോഗതസുത്തം • 1. Rahogatasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧. രഹോഗതസുത്തവണ്ണനാ • 1. Rahogatasuttavaṇṇanā
