| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
10. ரஹோனிஸஜ்ஜஸிக்கா²பத³வண்ணனா
10. Rahonisajjasikkhāpadavaṇṇanā
உபரீதி அசேலகவக்³கே³. உபனந்த³ஸ்ஸ சதுத்த²ஸிக்கா²பதே³னாதி அப்படிச்ச²ன்னே மாதுகா³மேன ஸத்³தி⁴ங் ரஹோனிஸஜ்ஜஸிக்கா²பதே³ன (பாசி॰ 284 ஆத³யோ). தஞ்ஹி உபனந்த³த்தே²ரங் ஆரப்³ப⁴ பஞ்ஞத்தேஸு சதுத்த²பா⁴வதோ ‘‘உபனந்த³ஸ்ஸ சதுத்த²ஸிக்கா²பத³’’ந்தி வுத்தங். யதி³ ஏகபரிச்சே²த³ங், அத² கஸ்மா விஸுங் பஞ்ஞத்தந்தி ஆஹ ‘‘அட்டு²ப்பத்திவஸேன பன விஸுங் பஞ்ஞத்த’’ந்தி. தத்த² அட்டு²ப்பத்திவஸேனாதி அத்த²ஸ்ஸ உப்பத்திவஸேன, பி⁴க்கு²னியா ஏவ ரஹோனிஸஜ்ஜாய உப்பத்திவஸேனாதி அத்தோ². அயங் ஹெத்தா²தி⁴ப்பாயோ – சதுத்த²ஸிக்கா²பத³வத்து²தோ இமஸ்ஸ ஸிக்கா²பத³ஸ்ஸ வத்து²னோ பட²மங் உப்பன்னத்தா ஏகபரிச்சே²தே³பி இத³ங் பட²மங் விஸுங் பஞ்ஞத்தந்தி.
Uparīti acelakavagge. Upanandassa catutthasikkhāpadenāti appaṭicchanne mātugāmena saddhiṃ rahonisajjasikkhāpadena (pāci. 284 ādayo). Tañhi upanandattheraṃ ārabbha paññattesu catutthabhāvato ‘‘upanandassa catutthasikkhāpada’’nti vuttaṃ. Yadi ekaparicchedaṃ, atha kasmā visuṃ paññattanti āha ‘‘aṭṭhuppattivasena pana visuṃ paññatta’’nti. Tattha aṭṭhuppattivasenāti atthassa uppattivasena, bhikkhuniyā eva rahonisajjāya uppattivasenāti attho. Ayaṃ hetthādhippāyo – catutthasikkhāpadavatthuto imassa sikkhāpadassa vatthuno paṭhamaṃ uppannattā ekaparicchedepi idaṃ paṭhamaṃ visuṃ paññattanti.
ரஹோனிஸஜ்ஜஸிக்கா²பத³வண்ணனா நிட்டி²தா.
Rahonisajjasikkhāpadavaṇṇanā niṭṭhitā.
ஓவாத³வக்³கோ³ ததியோ.
Ovādavaggo tatiyo.
