| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๑๐. รโหนิสชฺชสิกฺขาปทวณฺณนา
10. Rahonisajjasikkhāpadavaṇṇanā
อุปรีติ อเจลกวเคฺคฯ อุปนนฺทสฺส จตุตฺถสิกฺขาปเทนาติ อปฺปฎิจฺฉเนฺน มาตุคาเมน สทฺธิํ รโหนิสชฺชสิกฺขาปเทน (ปาจิ. ๒๘๔ อาทโย)ฯ ตญฺหิ อุปนนฺทเตฺถรํ อารพฺภ ปญฺญเตฺตสุ จตุตฺถภาวโต ‘‘อุปนนฺทสฺส จตุตฺถสิกฺขาปท’’นฺติ วุตฺตํฯ ยทิ เอกปริเจฺฉทํ, อถ กสฺมา วิสุํ ปญฺญตฺตนฺติ อาห ‘‘อฎฺฐุปฺปตฺติวเสน ปน วิสุํ ปญฺญตฺต’’นฺติฯ ตตฺถ อฎฺฐุปฺปตฺติวเสนาติ อตฺถสฺส อุปฺปตฺติวเสน, ภิกฺขุนิยา เอว รโหนิสชฺชาย อุปฺปตฺติวเสนาติ อโตฺถฯ อยํ เหตฺถาธิปฺปาโย – จตุตฺถสิกฺขาปทวตฺถุโต อิมสฺส สิกฺขาปทสฺส วตฺถุโน ปฐมํ อุปฺปนฺนตฺตา เอกปริเจฺฉเทปิ อิทํ ปฐมํ วิสุํ ปญฺญตฺตนฺติฯ
Uparīti acelakavagge. Upanandassa catutthasikkhāpadenāti appaṭicchanne mātugāmena saddhiṃ rahonisajjasikkhāpadena (pāci. 284 ādayo). Tañhi upanandattheraṃ ārabbha paññattesu catutthabhāvato ‘‘upanandassa catutthasikkhāpada’’nti vuttaṃ. Yadi ekaparicchedaṃ, atha kasmā visuṃ paññattanti āha ‘‘aṭṭhuppattivasena pana visuṃ paññatta’’nti. Tattha aṭṭhuppattivasenāti atthassa uppattivasena, bhikkhuniyā eva rahonisajjāya uppattivasenāti attho. Ayaṃ hetthādhippāyo – catutthasikkhāpadavatthuto imassa sikkhāpadassa vatthuno paṭhamaṃ uppannattā ekaparicchedepi idaṃ paṭhamaṃ visuṃ paññattanti.
รโหนิสชฺชสิกฺขาปทวณฺณนา นิฎฺฐิตาฯ
Rahonisajjasikkhāpadavaṇṇanā niṭṭhitā.
โอวาทวโคฺค ตติโยฯ
Ovādavaggo tatiyo.
