| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੧੦. ਰਹੋਨਿਸਜ੍ਜਸਿਕ੍ਖਾਪਦવਣ੍ਣਨਾ
10. Rahonisajjasikkhāpadavaṇṇanā
ਉਪਰੀਤਿ ਅਚੇਲਕવਗ੍ਗੇ। ਉਪਨਨ੍ਦਸ੍ਸ ਚਤੁਤ੍ਥਸਿਕ੍ਖਾਪਦੇਨਾਤਿ ਅਪ੍ਪਟਿਚ੍ਛਨ੍ਨੇ ਮਾਤੁਗਾਮੇਨ ਸਦ੍ਧਿਂ ਰਹੋਨਿਸਜ੍ਜਸਿਕ੍ਖਾਪਦੇਨ (ਪਾਚਿ॰ ੨੮੪ ਆਦਯੋ)। ਤਞ੍ਹਿ ਉਪਨਨ੍ਦਤ੍ਥੇਰਂ ਆਰਬ੍ਭ ਪਞ੍ਞਤ੍ਤੇਸੁ ਚਤੁਤ੍ਥਭਾવਤੋ ‘‘ਉਪਨਨ੍ਦਸ੍ਸ ਚਤੁਤ੍ਥਸਿਕ੍ਖਾਪਦ’’ਨ੍ਤਿ વੁਤ੍ਤਂ। ਯਦਿ ਏਕਪਰਿਚ੍ਛੇਦਂ, ਅਥ ਕਸ੍ਮਾ વਿਸੁਂ ਪਞ੍ਞਤ੍ਤਨ੍ਤਿ ਆਹ ‘‘ਅਟ੍ਠੁਪ੍ਪਤ੍ਤਿવਸੇਨ ਪਨ વਿਸੁਂ ਪਞ੍ਞਤ੍ਤ’’ਨ੍ਤਿ। ਤਤ੍ਥ ਅਟ੍ਠੁਪ੍ਪਤ੍ਤਿવਸੇਨਾਤਿ ਅਤ੍ਥਸ੍ਸ ਉਪ੍ਪਤ੍ਤਿવਸੇਨ, ਭਿਕ੍ਖੁਨਿਯਾ ਏવ ਰਹੋਨਿਸਜ੍ਜਾਯ ਉਪ੍ਪਤ੍ਤਿવਸੇਨਾਤਿ ਅਤ੍ਥੋ। ਅਯਂ ਹੇਤ੍ਥਾਧਿਪ੍ਪਾਯੋ – ਚਤੁਤ੍ਥਸਿਕ੍ਖਾਪਦવਤ੍ਥੁਤੋ ਇਮਸ੍ਸ ਸਿਕ੍ਖਾਪਦਸ੍ਸ વਤ੍ਥੁਨੋ ਪਠਮਂ ਉਪ੍ਪਨ੍ਨਤ੍ਤਾ ਏਕਪਰਿਚ੍ਛੇਦੇਪਿ ਇਦਂ ਪਠਮਂ વਿਸੁਂ ਪਞ੍ਞਤ੍ਤਨ੍ਤਿ।
Uparīti acelakavagge. Upanandassa catutthasikkhāpadenāti appaṭicchanne mātugāmena saddhiṃ rahonisajjasikkhāpadena (pāci. 284 ādayo). Tañhi upanandattheraṃ ārabbha paññattesu catutthabhāvato ‘‘upanandassa catutthasikkhāpada’’nti vuttaṃ. Yadi ekaparicchedaṃ, atha kasmā visuṃ paññattanti āha ‘‘aṭṭhuppattivasena pana visuṃ paññatta’’nti. Tattha aṭṭhuppattivasenāti atthassa uppattivasena, bhikkhuniyā eva rahonisajjāya uppattivasenāti attho. Ayaṃ hetthādhippāyo – catutthasikkhāpadavatthuto imassa sikkhāpadassa vatthuno paṭhamaṃ uppannattā ekaparicchedepi idaṃ paṭhamaṃ visuṃ paññattanti.
ਰਹੋਨਿਸਜ੍ਜਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Rahonisajjasikkhāpadavaṇṇanā niṭṭhitā.
ਓવਾਦવਗ੍ਗੋ ਤਤਿਯੋ।
Ovādavaggo tatiyo.
