| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. रहोसञ्ञकत्थेरअपदानं
5. Rahosaññakattheraapadānaṃ
३४.
34.
‘‘हिमवन्तस्साविदूरे, वसभो नाम पब्बतो।
‘‘Himavantassāvidūre, vasabho nāma pabbato;
तस्मिं पब्बतपादम्हि, अस्समो आसि मापितो॥
Tasmiṃ pabbatapādamhi, assamo āsi māpito.
३५.
35.
३६.
36.
‘‘एकमन्तं निसीदित्वा, ब्राह्मणो मन्तपारगू।
‘‘Ekamantaṃ nisīditvā, brāhmaṇo mantapāragū;
३७.
37.
‘‘तत्थ चित्तं पसादेत्वा, निसीदिं पण्णसन्थरे।
‘‘Tattha cittaṃ pasādetvā, nisīdiṃ paṇṇasanthare;
पल्लङ्कं आभुजित्वान, तत्थ कालङ्कतो अहं॥
Pallaṅkaṃ ābhujitvāna, tattha kālaṅkato ahaṃ.
३८.
38.
‘‘एकत्तिंसे इतो कप्पे, यं सञ्ञमलभिं तदा।
‘‘Ekattiṃse ito kappe, yaṃ saññamalabhiṃ tadā;
दुग्गतिं नाभिजानामि, ञाणसञ्ञायिदं फलं॥
Duggatiṃ nābhijānāmi, ñāṇasaññāyidaṃ phalaṃ.
३९.
39.
‘‘सत्तवीसतिकप्पम्हि, राजा सिरिधरो अहु।
‘‘Sattavīsatikappamhi, rājā siridharo ahu;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
४०.
40.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा रहोसञ्ञको थेरो इमा गाथायो अभासित्थाति।
Itthaṃ sudaṃ āyasmā rahosaññako thero imā gāthāyo abhāsitthāti.
रहोसञ्ञकत्थेरस्सापदानं पञ्चमं।
Rahosaññakattherassāpadānaṃ pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ५. रहोसञ्ञकत्थेरअपदानवण्णना • 5. Rahosaññakattheraapadānavaṇṇanā
