| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. рахосан̃н̃агад̇т̇зраабад̣̇аанаван̣н̣анаа
5. Rahosaññakattheraapadānavaṇṇanā
химаванд̇ассаавид̣̇уурзд̇иаад̣̇игам̣ ааяасмад̇о рахосан̃н̃агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о згасмим̣ б̣уд̣̇д̇хасун̃н̃агаалз маж̇жхимад̣̇зсз б̣раахман̣агулз ниб̣б̣ад̇д̇о вуд̣̇д̇химанвааяа сагасиббзсу нибпад̇д̇им̣ бад̇ваа д̇ад̇т̇а саарам̣ абассанд̇о гзвалам̣ уд̣̇арам̣ буурзд̇ваа год̇хамад̣̇амаанаад̣̇аяо агусалзязва д̣̇исваа гхарааваасам̣ бахааяа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа анзгад̇аабасасад̇абаривааро васабхабаб̣б̣ад̇асамийбз ассамам̣ маабзд̇ваа д̇ийн̣и вассасахассаани химаванд̇зязва васамаано ‘‘ахам̣ зд̇д̇агаанам̣ сиссаанам̣ аажарияод̇и саммад̇о г̇арудтаанияо г̇аругаад̇аб̣б̣о ванд̣̇анийяо, аажарияо мз над̇т̇ий’’д̇и д̣̇оманассаббад̇д̇о д̇з саб̣б̣з сиссз саннибаад̇зд̇ваа б̣уд̣̇д̇хаанам̣ абхаавз ниб̣б̣аанаад̇хиг̇амаабхаавам̣ багаасзд̇ваа саяам̣ згаго рахо вивзгадтаанзва нисинно б̣уд̣̇д̇хасса саммукаа нисинно вияа б̣уд̣̇д̇хасан̃н̃ам̣ манаси гарид̇ваа б̣уд̣̇д̇хаарамман̣ам̣ бийд̇им̣ уббаад̣̇зд̇ваа саалааяам̣ баллан̇гам̣ аабхуж̇ид̇ваа нисинно гаалам̣ гад̇ваа б̣рахмалогз ниб̣б̣ад̇д̇и.
Himavantassāvidūretiādikaṃ āyasmato rahosaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto ekasmiṃ buddhasuññakāle majjhimadese brāhmaṇakule nibbatto vuddhimanvāya sakasippesu nipphattiṃ patvā tattha sāraṃ apassanto kevalaṃ udaraṃ pūretvā kodhamadamānādayo akusaleyeva disvā gharāvāsaṃ pahāya himavantaṃ pavisitvā isipabbajjaṃ pabbajitvā anekatāpasasataparivāro vasabhapabbatasamīpe assamaṃ māpetvā tīṇi vassasahassāni himavanteyeva vasamāno ‘‘ahaṃ ettakānaṃ sissānaṃ ācariyoti sammato garuṭṭhāniyo garukātabbo vandanīyo, ācariyo me natthī’’ti domanassappatto te sabbe sisse sannipātetvā buddhānaṃ abhāve nibbānādhigamābhāvaṃ pakāsetvā sayaṃ ekako raho vivekaṭṭhāneva nisinno buddhassa sammukhā nisinno viya buddhasaññaṃ manasi karitvā buddhārammaṇaṃ pītiṃ uppādetvā sālāyaṃ pallaṅkaṃ ābhujitvā nisinno kālaṃ katvā brahmaloke nibbatti.
34. со д̇ад̇т̇а жхаанасукзна жирам̣ васид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о гаамзсу аналлийно сад̇д̇авассиго баб̣б̣аж̇ид̇ваа кураг̇г̇зязва арахад̇д̇ам̣ бад̇ваа чал̣абхин̃н̃о худ̇ваа буб̣б̣зниваасан̃аан̣зна ад̇д̇ано буб̣б̣агаммам̣ сарид̇ваа сан̃ж̇аад̇асоманассо буб̣б̣ажарид̇аабад̣̇аанам̣ багаасзнд̇о химаванд̇ассаавид̣̇уурзд̇иаад̣̇имааха. васабхо наама баб̣б̣ад̇од̇и химаванд̇абаб̣б̣ад̇ам̣ винаа сзсабаб̣б̣ад̇аанам̣ ужжад̇арабхаавзна сздтад̇арабхаавзна васабход̇и сан̇кам̣ г̇ад̇о баб̣б̣ад̇од̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
34. So tattha jhānasukhena ciraṃ vasitvā imasmiṃ buddhuppāde kulagehe nibbatto kāmesu anallīno sattavassiko pabbajitvā khuraggeyeva arahattaṃ patvā chaḷabhiñño hutvā pubbenivāsañāṇena attano pubbakammaṃ saritvā sañjātasomanasso pubbacaritāpadānaṃ pakāsento himavantassāvidūretiādimāha. Vasabho nāma pabbatoti himavantapabbataṃ vinā sesapabbatānaṃ uccatarabhāvena seṭṭhatarabhāvena vasabhoti saṅkhaṃ gato pabbatoti attho. Sesaṃ sabbattha uttānatthamevāti.
рахосан̃н̃агад̇т̇зраабад̣̇аанаван̣н̣анаа самад̇д̇аа.
Rahosaññakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. рахосан̃н̃агад̇т̇зраабад̣̇аанам̣ • 5. Rahosaññakattheraapadānaṃ
