| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੫. ਰਹੋਸਞ੍ਞਕਤ੍ਥੇਰਅਪਦਾਨવਣ੍ਣਨਾ
5. Rahosaññakattheraapadānavaṇṇanā
ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਰਹੋਸਞ੍ਞਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਏਕਸ੍ਮਿਂ ਬੁਦ੍ਧਸੁਞ੍ਞਕਾਲੇ ਮਜ੍ਝਿਮਦੇਸੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਕਸਿਪ੍ਪੇਸੁ ਨਿਪ੍ਫਤ੍ਤਿਂ ਪਤ੍વਾ ਤਤ੍ਥ ਸਾਰਂ ਅਪਸ੍ਸਨ੍ਤੋ ਕੇવਲਂ ਉਦਰਂ ਪੂਰੇਤ੍વਾ ਕੋਧਮਦਮਾਨਾਦਯੋ ਅਕੁਸਲੇਯੇવ ਦਿਸ੍વਾ ਘਰਾવਾਸਂ ਪਹਾਯ ਹਿਮવਨ੍ਤਂ ਪવਿਸਿਤ੍વਾ ਇਸਿਪਬ੍ਬਜ੍ਜਂ ਪਬ੍ਬਜਿਤ੍વਾ ਅਨੇਕਤਾਪਸਸਤਪਰਿવਾਰੋ વਸਭਪਬ੍ਬਤਸਮੀਪੇ ਅਸ੍ਸਮਂ ਮਾਪੇਤ੍વਾ ਤੀਣਿ વਸ੍ਸਸਹਸ੍ਸਾਨਿ ਹਿਮવਨ੍ਤੇਯੇવ વਸਮਾਨੋ ‘‘ਅਹਂ ਏਤ੍ਤਕਾਨਂ ਸਿਸ੍ਸਾਨਂ ਆਚਰਿਯੋਤਿ ਸਮ੍ਮਤੋ ਗਰੁਟ੍ਠਾਨਿਯੋ ਗਰੁਕਾਤਬ੍ਬੋ વਨ੍ਦਨੀਯੋ, ਆਚਰਿਯੋ ਮੇ ਨਤ੍ਥੀ’’ਤਿ ਦੋਮਨਸ੍ਸਪ੍ਪਤ੍ਤੋ ਤੇ ਸਬ੍ਬੇ ਸਿਸ੍ਸੇ ਸਨ੍ਨਿਪਾਤੇਤ੍વਾ ਬੁਦ੍ਧਾਨਂ ਅਭਾવੇ ਨਿਬ੍ਬਾਨਾਧਿਗਮਾਭਾવਂ ਪਕਾਸੇਤ੍વਾ ਸਯਂ ਏਕਕੋ ਰਹੋ વਿવੇਕਟ੍ਠਾਨੇવ ਨਿਸਿਨ੍ਨੋ ਬੁਦ੍ਧਸ੍ਸ ਸਮ੍ਮੁਖਾ ਨਿਸਿਨ੍ਨੋ વਿਯ ਬੁਦ੍ਧਸਞ੍ਞਂ ਮਨਸਿ ਕਰਿਤ੍વਾ ਬੁਦ੍ਧਾਰਮ੍ਮਣਂ ਪੀਤਿਂ ਉਪ੍ਪਾਦੇਤ੍વਾ ਸਾਲਾਯਂ ਪਲ੍ਲਙ੍ਕਂ ਆਭੁਜਿਤ੍વਾ ਨਿਸਿਨ੍ਨੋ ਕਾਲਂ ਕਤ੍વਾ ਬ੍ਰਹ੍ਮਲੋਕੇ ਨਿਬ੍ਬਤ੍ਤਿ।
Himavantassāvidūretiādikaṃ āyasmato rahosaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto ekasmiṃ buddhasuññakāle majjhimadese brāhmaṇakule nibbatto vuddhimanvāya sakasippesu nipphattiṃ patvā tattha sāraṃ apassanto kevalaṃ udaraṃ pūretvā kodhamadamānādayo akusaleyeva disvā gharāvāsaṃ pahāya himavantaṃ pavisitvā isipabbajjaṃ pabbajitvā anekatāpasasataparivāro vasabhapabbatasamīpe assamaṃ māpetvā tīṇi vassasahassāni himavanteyeva vasamāno ‘‘ahaṃ ettakānaṃ sissānaṃ ācariyoti sammato garuṭṭhāniyo garukātabbo vandanīyo, ācariyo me natthī’’ti domanassappatto te sabbe sisse sannipātetvā buddhānaṃ abhāve nibbānādhigamābhāvaṃ pakāsetvā sayaṃ ekako raho vivekaṭṭhāneva nisinno buddhassa sammukhā nisinno viya buddhasaññaṃ manasi karitvā buddhārammaṇaṃ pītiṃ uppādetvā sālāyaṃ pallaṅkaṃ ābhujitvā nisinno kālaṃ katvā brahmaloke nibbatti.
੩੪. ਸੋ ਤਤ੍ਥ ਝਾਨਸੁਖੇਨ ਚਿਰਂ વਸਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ ਕਾਮੇਸੁ ਅਨਲ੍ਲੀਨੋ ਸਤ੍ਤવਸ੍ਸਿਕੋ ਪਬ੍ਬਜਿਤ੍વਾ ਖੁਰਗ੍ਗੇਯੇવ ਅਰਹਤ੍ਤਂ ਪਤ੍વਾ ਛਲ਼ਭਿਞ੍ਞੋ ਹੁਤ੍વਾ ਪੁਬ੍ਬੇਨਿવਾਸਞਾਣੇਨ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸਞ੍ਜਾਤਸੋਮਨਸ੍ਸੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਹਿਮવਨ੍ਤਸ੍ਸਾવਿਦੂਰੇਤਿਆਦਿਮਾਹ। વਸਭੋ ਨਾਮ ਪਬ੍ਬਤੋਤਿ ਹਿਮવਨ੍ਤਪਬ੍ਬਤਂ વਿਨਾ ਸੇਸਪਬ੍ਬਤਾਨਂ ਉਚ੍ਚਤਰਭਾવੇਨ ਸੇਟ੍ਠਤਰਭਾવੇਨ વਸਭੋਤਿ ਸਙ੍ਖਂ ਗਤੋ ਪਬ੍ਬਤੋਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
34. So tattha jhānasukhena ciraṃ vasitvā imasmiṃ buddhuppāde kulagehe nibbatto kāmesu anallīno sattavassiko pabbajitvā khuraggeyeva arahattaṃ patvā chaḷabhiñño hutvā pubbenivāsañāṇena attano pubbakammaṃ saritvā sañjātasomanasso pubbacaritāpadānaṃ pakāsento himavantassāvidūretiādimāha. Vasabho nāma pabbatoti himavantapabbataṃ vinā sesapabbatānaṃ uccatarabhāvena seṭṭhatarabhāvena vasabhoti saṅkhaṃ gato pabbatoti attho. Sesaṃ sabbattha uttānatthamevāti.
ਰਹੋਸਞ੍ਞਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Rahosaññakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੫. ਰਹੋਸਞ੍ਞਕਤ੍ਥੇਰਅਪਦਾਨਂ • 5. Rahosaññakattheraapadānaṃ
