| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. раахуласуд̇д̇ам̣
7. Rāhulasuttaṃ
177. ат̇а ко ааяасмаа раахуло язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ раахулам̣ бхаг̇аваа зд̇ад̣̇авожа –
177. Atha kho āyasmā rāhulo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ rāhulaṃ bhagavā etadavoca –
‘‘яаа жа, раахула , аж̇жхад̇д̇игаа бат̇авийд̇хаад̇у яаа жа б̣аахираа бат̇авийд̇хаад̇у, бат̇авийд̇хаад̇урзвзсаа. ‘д̇ам̣ нзд̇ам̣ мама, нзсохамасми, на мзсо ад̇д̇аа’д̇и, звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа бат̇авийд̇хаад̇уяаа ниб̣б̣инд̣̇ад̇и, бат̇авийд̇хаад̇уяаа жид̇д̇ам̣ вирааж̇зд̇и.
‘‘Yā ca, rāhula , ajjhattikā pathavīdhātu yā ca bāhirā pathavīdhātu, pathavīdhāturevesā. ‘Taṃ netaṃ mama, nesohamasmi, na meso attā’ti, evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā pathavīdhātuyā nibbindati, pathavīdhātuyā cittaṃ virājeti.
‘‘яаа жа, раахула, аж̇жхад̇д̇игаа аабод̇хаад̇у яаа жа б̣аахираа аабод̇хаад̇у , аабод̇хаад̇урзвзсаа. ‘д̇ам̣ нзд̇ам̣ мама, нзсохамасми, на мзсо ад̇д̇аа’д̇и, звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа аабод̇хаад̇уяаа ниб̣б̣инд̣̇ад̇и, аабод̇хаад̇уяаа жид̇д̇ам̣ вирааж̇зд̇и.
‘‘Yā ca, rāhula, ajjhattikā āpodhātu yā ca bāhirā āpodhātu , āpodhāturevesā. ‘Taṃ netaṃ mama, nesohamasmi, na meso attā’ti, evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā āpodhātuyā nibbindati, āpodhātuyā cittaṃ virājeti.
‘‘яаа жа, раахула, аж̇жхад̇д̇игаа д̇зж̇од̇хаад̇у яаа жа б̣аахираа д̇зж̇од̇хаад̇у, д̇зж̇од̇хаад̇урзвзсаа. ‘д̇ам̣ нзд̇ам̣ мама, нзсохамасми, на мзсо ад̇д̇аа’д̇и, звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа д̇зж̇од̇хаад̇уяаа ниб̣б̣инд̣̇ад̇и, д̇зж̇од̇хаад̇уяаа жид̇д̇ам̣ вирааж̇зд̇и.
‘‘Yā ca, rāhula, ajjhattikā tejodhātu yā ca bāhirā tejodhātu, tejodhāturevesā. ‘Taṃ netaṃ mama, nesohamasmi, na meso attā’ti, evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā tejodhātuyā nibbindati, tejodhātuyā cittaṃ virājeti.
‘‘яаа жа, раахула, аж̇жхад̇д̇игаа вааяод̇хаад̇у яаа жа б̣аахираа вааяод̇хаад̇у, вааяод̇хаад̇урзвзсаа. ‘д̇ам̣ нзд̇ам̣ мама, нзсохамасми, на мзсо ад̇д̇аа’д̇и, звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа вааяод̇хаад̇уяаа ниб̣б̣инд̣̇ад̇и, вааяод̇хаад̇уяаа жид̇д̇ам̣ вирааж̇зд̇и.
‘‘Yā ca, rāhula, ajjhattikā vāyodhātu yā ca bāhirā vāyodhātu, vāyodhāturevesā. ‘Taṃ netaṃ mama, nesohamasmi, na meso attā’ti, evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā vāyodhātuyā nibbindati, vāyodhātuyā cittaṃ virājeti.
‘‘яад̇о ко, раахула, бхигку имаасу жад̇уусу д̇хаад̇уусу нзвад̇д̇аанам̣ на ад̇д̇анияам̣ саманубассад̇и, аяам̣ вужжад̇и, раахула, бхигку ажчзжчи д̇ан̣хам̣, вивад̇д̇аяи сам̣яож̇анам̣, саммаа маанаабхисамаяаа анд̇амагааси д̣̇угкассаа’’д̇и. сад̇д̇амам̣.
‘‘Yato kho, rāhula, bhikkhu imāsu catūsu dhātūsu nevattānaṃ na attaniyaṃ samanupassati, ayaṃ vuccati, rāhula, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. раахуласуд̇д̇аван̣н̣анаа • 7. Rāhulasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. раахуласуд̇д̇аван̣н̣анаа • 7. Rāhulasuttavaṇṇanā
