| Library / Tipiṭaka / ติปิฎก • Tipiṭaka / สุตฺตนิปาตปาฬิ • Suttanipātapāḷi |
๑๑. ราหุลสุตฺตํ
11. Rāhulasuttaṃ
๓๓๗.
337.
‘‘กจฺจิ อภิณฺหสํวาสา, นาวชานาสิ ปณฺฑิตํ;
‘‘Kacci abhiṇhasaṃvāsā, nāvajānāsi paṇḍitaṃ;
๓๓๘.
338.
‘‘นาหํ อภิณฺหสํวาสา, อวชานามิ ปณฺฑิตํ;
‘‘Nāhaṃ abhiṇhasaṃvāsā, avajānāmi paṇḍitaṃ;
อุกฺกาธาโร มนุสฺสานํ, นิจฺจํ อปจิโต มยา’’ฯ
Ukkādhāro manussānaṃ, niccaṃ apacito mayā’’.
๓๓๙.
339.
‘‘ปญฺจ กามคุเณ หิตฺวา, ปิยรูเป มโนรเม;
‘‘Pañca kāmaguṇe hitvā, piyarūpe manorame;
สทฺธาย ฆรา นิกฺขมฺม, ทุกฺขสฺสนฺตกโร ภวฯ
Saddhāya gharā nikkhamma, dukkhassantakaro bhava.
๓๔๐.
340.
‘‘มิเตฺต ภชสฺสุ กลฺยาเณ, ปนฺตญฺจ สยนาสนํ;
‘‘Mitte bhajassu kalyāṇe, pantañca sayanāsanaṃ;
วิวิตฺตํ อปฺปนิโคฺฆสํ, มตฺตญฺญู โหหิ โภชเนฯ
Vivittaṃ appanigghosaṃ, mattaññū hohi bhojane.
๓๔๑.
341.
‘‘จีวเร ปิณฺฑปาเต จ, ปจฺจเย สยนาสเน;
‘‘Cīvare piṇḍapāte ca, paccaye sayanāsane;
เอเตสุ ตณฺหํ มากาสิ, มา โลกํ ปุนราคมิฯ
Etesu taṇhaṃ mākāsi, mā lokaṃ punarāgami.
๓๔๒.
342.
‘‘สํวุโต ปาติโมกฺขสฺมิํ, อินฺทฺริเยสุ จ ปญฺจสุ;
‘‘Saṃvuto pātimokkhasmiṃ, indriyesu ca pañcasu;
สติ กายคตาตฺยตฺถุ, นิพฺพิทาพหุโล ภวฯ
Sati kāyagatātyatthu, nibbidābahulo bhava.
๓๔๓.
343.
‘‘นิมิตฺตํ ปริวเชฺชหิ, สุภํ ราคูปสญฺหิตํ;
‘‘Nimittaṃ parivajjehi, subhaṃ rāgūpasañhitaṃ;
อสุภาย จิตฺตํ ภาเวหิ, เอกคฺคํ สุสมาหิตํฯ
Asubhāya cittaṃ bhāvehi, ekaggaṃ susamāhitaṃ.
๓๔๔.
344.
‘‘อนิมิตฺตญฺจ ภาเวหิ, มานานุสยมุชฺชห;
‘‘Animittañca bhāvehi, mānānusayamujjaha;
ตโต มานาภิสมยา, อุปสโนฺต จริสฺสตี’’ติฯ
Tato mānābhisamayā, upasanto carissatī’’ti.
อิตฺถํ สุทํ ภควา อายสฺมนฺตํ ราหุลํ อิมาหิ คาถาหิ อภิณฺหํ โอวทตีติฯ
Itthaṃ sudaṃ bhagavā āyasmantaṃ rāhulaṃ imāhi gāthāhi abhiṇhaṃ ovadatīti.
ราหุลสุตฺตํ เอกาทสมํ นิฎฺฐิตํฯ
Rāhulasuttaṃ ekādasamaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / สุตฺตนิปาต-อฎฺฐกถา • Suttanipāta-aṭṭhakathā / ๑๑. ราหุลสุตฺตวณฺณนา • 11. Rāhulasuttavaṇṇanā
