| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. раахуласуд̇д̇аван̣н̣анаа
7. Rāhulasuttavaṇṇanā
177. сад̇д̇амз аж̇жхад̇д̇игаад̇и гзсаад̣̇ийсу вийсад̇ияаа годтаасзсу т̇ад̣̇д̇хаагааралагкан̣аа бат̇авийд̇хаад̇у. б̣аахираад̇и б̣ахид̣̇д̇хаа анинд̣̇рияаб̣ад̣̇д̇хзсу баасаан̣абаб̣б̣ад̇аад̣̇ийсу т̇ад̣̇д̇хаагааралагкан̣аа бат̇авийд̇хаад̇у . иминаава наязна сзсааби д̇хаад̇уяо взд̣̇ид̇аб̣б̣аа. нзд̇ам̣ мама, нзсохамасми, на мзсо ад̇д̇аад̇и ид̣̇ам̣ д̇аяам̣ д̇ан̣хаамаанад̣̇идтиг̇г̇аахабадигкзбавасзна вуд̇д̇ам̣. саммаббан̃н̃ааяа д̣̇адтаб̣б̣анд̇и хзд̇унаа гааран̣зна маг̇г̇абан̃н̃ааяа бассид̇аб̣б̣ам̣. д̣̇исваад̇и сахавибассанааяа маг̇г̇абан̃н̃ааяа бассид̇ваа. ажчзжчи д̇ан̣ханд̇и маг̇г̇аваж̇жхад̇ан̣хам̣ самуулагам̣ чинд̣̇и. вивад̇д̇аяи сам̣яож̇ананд̇и д̣̇асавид̇хамби сам̣яож̇анам̣ вивад̇д̇аяи уб̣б̣ад̇д̇зд̇ваа баж̇ахи. саммаа маанаабхисамаяаад̇и хзд̇унаа гааран̣зна нававид̇хасса маанасса бахаанаабхисамаяаа. анд̇амагааси д̣̇угкассаад̇и ваддад̣̇угкам̣ барижчиннам̣ баривадумам̣ агааси, гад̇ваа тид̇од̇и ад̇т̇о. ид̇и сад̇т̇аараа сам̣яуд̇д̇амахаанигааяз раахуловаад̣̇з (сам̣. ни. 3.91 аад̣̇аяо) вибассанаа гат̇ид̇аа, жуул̣араахуловаад̣̇зби (ма. ни. 3.416 аад̣̇аяо) вибассанаа гат̇ид̇аа, амб̣аладтигараахуловаад̣̇з (ма. ни. 2.107 аад̣̇аяо) д̣̇ахарассзва сад̇о мусааваад̣̇аа взраман̣ий гат̇ид̇аа, махаараахуловаад̣̇з (ма. ни. 2.113 аад̣̇аяо) вибассанаа гат̇ид̇аа. имасмим̣ ан̇г̇уд̇д̇арамахаанигааяз аяам̣ жад̇угодигасун̃н̃ад̇аа наама гат̇ид̇аад̇и.
177. Sattame ajjhattikāti kesādīsu vīsatiyā koṭṭhāsesu thaddhākāralakkhaṇā pathavīdhātu. Bāhirāti bahiddhā anindriyabaddhesu pāsāṇapabbatādīsu thaddhākāralakkhaṇā pathavīdhātu . Imināva nayena sesāpi dhātuyo veditabbā. Netaṃ mama, nesohamasmi, na meso attāti idaṃ tayaṃ taṇhāmānadiṭṭhiggāhapaṭikkhepavasena vuttaṃ. Sammappaññāya daṭṭhabbanti hetunā kāraṇena maggapaññāya passitabbaṃ. Disvāti sahavipassanāya maggapaññāya passitvā. Acchecchi taṇhanti maggavajjhataṇhaṃ samūlakaṃ chindi. Vivattayi saṃyojananti dasavidhampi saṃyojanaṃ vivattayi ubbattetvā pajahi. Sammā mānābhisamayāti hetunā kāraṇena navavidhassa mānassa pahānābhisamayā. Antamakāsi dukkhassāti vaṭṭadukkhaṃ paricchinnaṃ parivaṭumaṃ akāsi, katvā ṭhitoti attho. Iti satthārā saṃyuttamahānikāye rāhulovāde (saṃ. ni. 3.91 ādayo) vipassanā kathitā, cūḷarāhulovādepi (ma. ni. 3.416 ādayo) vipassanā kathitā, ambalaṭṭhikarāhulovāde (ma. ni. 2.107 ādayo) daharasseva sato musāvādā veramaṇī kathitā, mahārāhulovāde (ma. ni. 2.113 ādayo) vipassanā kathitā. Imasmiṃ aṅguttaramahānikāye ayaṃ catukoṭikasuññatā nāma kathitāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. раахуласуд̇д̇ам̣ • 7. Rāhulasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. раахуласуд̇д̇аван̣н̣анаа • 7. Rāhulasuttavaṇṇanā
