| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. раахуласуд̇д̇аван̣н̣анаа
7. Rāhulasuttavaṇṇanā
177. сад̇д̇амз бат̇авийд̇хаад̇урзвзсаад̇и д̣̇увид̇хаабзсаа т̇ад̣̇д̇хадтзна, гагкал̣адтзна, парусадтзна згалагкан̣аа бат̇авийд̇хаад̇у зваад̇и аж̇жхад̇д̇игам̣ б̣аахирааяа сад̣̇д̇хим̣ яож̇зд̇ваа д̣̇ассзд̇и. гасмаа? б̣аахирааяа бат̇авийд̇хаад̇уяаа ажзд̇анаабхааво баагадо, на аж̇жхад̇д̇игааяа, д̇асмаа б̣аахирааяа сад̣̇д̇хим̣ згасад̣̇исаа ажзд̇анааязваад̇и г̇ан̣ханд̇асса сукабариг̇г̇аахаа ход̇и, яат̇аа гим̣? д̣̇анд̇зна г̇он̣зна сад̣̇д̇хим̣ яож̇ид̇о ад̣̇анд̇о гад̇ибаахамзва висугааяад̇и вибпанд̣̇ад̇и, ат̇а на жирассзва д̣̇амат̇ам̣ убзд̇и, звам̣ аж̇жхад̇д̇игам̣ б̣аахирааяа сад̣̇д̇хим̣ згасад̣̇исаад̇и г̇ан̣ханд̇асса гад̇ибаахамзва ажзд̇анабхаавзна убадтаад̇и, ат̇а на жирзнзвассаа ажзд̇анабхааво баагадо ход̇и д̇хаад̇умад̇д̇ад̇ааяа д̣̇ассанад̇о. нзд̇ам̣ мама…бз… д̣̇адтаб̣б̣анд̇и д̇ам̣ убхаяамби ‘‘на зд̇ам̣ мама, на зсохамасми, на зсо мз ад̇д̇аа’’д̇и звам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яат̇аабхууд̇анд̇и яат̇аасабхаавам̣. д̇ан̃хи анижжаад̣̇исабхаавам̣, д̇асмаа анижжам̣ д̣̇угкаманад̇д̇аад̇и звам̣ д̣̇адтаб̣б̣анд̇и ад̇т̇о. яасмаа ‘‘нзд̇ам̣ мама, нзсохамасми, на мзсо ад̇д̇аа’’д̇и бассанд̇о нзва гад̇т̇ажи ад̇д̇аанам̣ бассад̇и, на д̇ам̣ барасса гин̃жанабхаавз убанзд̇аб̣б̣ам̣ бассад̇и, на барасса ад̇д̇аанам̣ ад̇д̇ано гин̃жанабхаавз убанзд̇аб̣б̣ам̣ бассад̇и, д̇асмаа вуд̇д̇ам̣ ‘‘жад̇угодигасун̃н̃ад̇аа наама гат̇ид̇аа’’д̇и.
177. Sattame pathavīdhāturevesāti duvidhāpesā thaddhaṭṭhena, kakkhaḷaṭṭhena, pharusaṭṭhena ekalakkhaṇā pathavīdhātu evāti ajjhattikaṃ bāhirāya saddhiṃ yojetvā dasseti. Kasmā? Bāhirāya pathavīdhātuyā acetanābhāvo pākaṭo, na ajjhattikāya, tasmā bāhirāya saddhiṃ ekasadisā acetanāyevāti gaṇhantassa sukhapariggāhā hoti, yathā kiṃ? Dantena goṇena saddhiṃ yojito adanto katipāhameva visukāyati vipphandati, atha na cirasseva damathaṃ upeti, evaṃ ajjhattikaṃ bāhirāya saddhiṃ ekasadisāti gaṇhantassa katipāhameva acetanabhāvena upaṭṭhāti, atha na cirenevassā acetanabhāvo pākaṭo hoti dhātumattatāya dassanato. Netaṃ mama…pe… daṭṭhabbanti taṃ ubhayampi ‘‘na etaṃ mama, na esohamasmi, na eso me attā’’ti evaṃ yathābhūtaṃ sammappaññāya daṭṭhabbaṃ. Yathābhūtanti yathāsabhāvaṃ. Tañhi aniccādisabhāvaṃ, tasmā aniccaṃ dukkhamanattāti evaṃ daṭṭhabbanti attho. Yasmā ‘‘netaṃ mama, nesohamasmi, na meso attā’’ti passanto neva katthaci attānaṃ passati, na taṃ parassa kiñcanabhāve upanetabbaṃ passati, na parassa attānaṃ attano kiñcanabhāve upanetabbaṃ passati, tasmā vuttaṃ ‘‘catukoṭikasuññatā nāma kathitā’’ti.
раахуласуд̇д̇аван̣н̣анаа нидтид̇аа.
Rāhulasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. раахуласуд̇д̇ам̣ • 7. Rāhulasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. раахуласуд̇д̇аван̣н̣анаа • 7. Rāhulasuttavaṇṇanā
