| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਰਾਹੁਲਸੁਤ੍ਤવਣ੍ਣਨਾ
7. Rāhulasuttavaṇṇanā
੧੭੭. ਸਤ੍ਤਮੇ ਅਜ੍ਝਤ੍ਤਿਕਾਤਿ ਕੇਸਾਦੀਸੁ વੀਸਤਿਯਾ ਕੋਟ੍ਠਾਸੇਸੁ ਥਦ੍ਧਾਕਾਰਲਕ੍ਖਣਾ ਪਥવੀਧਾਤੁ। ਬਾਹਿਰਾਤਿ ਬਹਿਦ੍ਧਾ ਅਨਿਨ੍ਦ੍ਰਿਯਬਦ੍ਧੇਸੁ ਪਾਸਾਣਪਬ੍ਬਤਾਦੀਸੁ ਥਦ੍ਧਾਕਾਰਲਕ੍ਖਣਾ ਪਥવੀਧਾਤੁ । ਇਮਿਨਾવ ਨਯੇਨ ਸੇਸਾਪਿ ਧਾਤੁਯੋ વੇਦਿਤਬ੍ਬਾ। ਨੇਤਂ ਮਮ, ਨੇਸੋਹਮਸ੍ਮਿ, ਨ ਮੇਸੋ ਅਤ੍ਤਾਤਿ ਇਦਂ ਤਯਂ ਤਣ੍ਹਾਮਾਨਦਿਟ੍ਠਿਗ੍ਗਾਹਪਟਿਕ੍ਖੇਪવਸੇਨ વੁਤ੍ਤਂ। ਸਮ੍ਮਪ੍ਪਞ੍ਞਾਯ ਦਟ੍ਠਬ੍ਬਨ੍ਤਿ ਹੇਤੁਨਾ ਕਾਰਣੇਨ ਮਗ੍ਗਪਞ੍ਞਾਯ ਪਸ੍ਸਿਤਬ੍ਬਂ। ਦਿਸ੍વਾਤਿ ਸਹવਿਪਸ੍ਸਨਾਯ ਮਗ੍ਗਪਞ੍ਞਾਯ ਪਸ੍ਸਿਤ੍વਾ। ਅਚ੍ਛੇਚ੍ਛਿ ਤਣ੍ਹਨ੍ਤਿ ਮਗ੍ਗવਜ੍ਝਤਣ੍ਹਂ ਸਮੂਲਕਂ ਛਿਨ੍ਦਿ। વਿવਤ੍ਤਯਿ ਸਂਯੋਜਨਨ੍ਤਿ ਦਸવਿਧਮ੍ਪਿ ਸਂਯੋਜਨਂ વਿવਤ੍ਤਯਿ ਉਬ੍ਬਤ੍ਤੇਤ੍વਾ ਪਜਹਿ। ਸਮ੍ਮਾ ਮਾਨਾਭਿਸਮਯਾਤਿ ਹੇਤੁਨਾ ਕਾਰਣੇਨ ਨવવਿਧਸ੍ਸ ਮਾਨਸ੍ਸ ਪਹਾਨਾਭਿਸਮਯਾ। ਅਨ੍ਤਮਕਾਸਿ ਦੁਕ੍ਖਸ੍ਸਾਤਿ વਟ੍ਟਦੁਕ੍ਖਂ ਪਰਿਚ੍ਛਿਨ੍ਨਂ ਪਰਿવਟੁਮਂ ਅਕਾਸਿ, ਕਤ੍વਾ ਠਿਤੋਤਿ ਅਤ੍ਥੋ। ਇਤਿ ਸਤ੍ਥਾਰਾ ਸਂਯੁਤ੍ਤਮਹਾਨਿਕਾਯੇ ਰਾਹੁਲੋવਾਦੇ (ਸਂ॰ ਨਿ॰ ੩.੯੧ ਆਦਯੋ) વਿਪਸ੍ਸਨਾ ਕਥਿਤਾ, ਚੂਲ਼ਰਾਹੁਲੋવਾਦੇਪਿ (ਮ॰ ਨਿ॰ ੩.੪੧੬ ਆਦਯੋ) વਿਪਸ੍ਸਨਾ ਕਥਿਤਾ, ਅਮ੍ਬਲਟ੍ਠਿਕਰਾਹੁਲੋવਾਦੇ (ਮ॰ ਨਿ॰ ੨.੧੦੭ ਆਦਯੋ) ਦਹਰਸ੍ਸੇવ ਸਤੋ ਮੁਸਾવਾਦਾ વੇਰਮਣੀ ਕਥਿਤਾ, ਮਹਾਰਾਹੁਲੋવਾਦੇ (ਮ॰ ਨਿ॰ ੨.੧੧੩ ਆਦਯੋ) વਿਪਸ੍ਸਨਾ ਕਥਿਤਾ। ਇਮਸ੍ਮਿਂ ਅਙ੍ਗੁਤ੍ਤਰਮਹਾਨਿਕਾਯੇ ਅਯਂ ਚਤੁਕੋਟਿਕਸੁਞ੍ਞਤਾ ਨਾਮ ਕਥਿਤਾਤਿ।
177. Sattame ajjhattikāti kesādīsu vīsatiyā koṭṭhāsesu thaddhākāralakkhaṇā pathavīdhātu. Bāhirāti bahiddhā anindriyabaddhesu pāsāṇapabbatādīsu thaddhākāralakkhaṇā pathavīdhātu . Imināva nayena sesāpi dhātuyo veditabbā. Netaṃ mama, nesohamasmi, na meso attāti idaṃ tayaṃ taṇhāmānadiṭṭhiggāhapaṭikkhepavasena vuttaṃ. Sammappaññāya daṭṭhabbanti hetunā kāraṇena maggapaññāya passitabbaṃ. Disvāti sahavipassanāya maggapaññāya passitvā. Acchecchi taṇhanti maggavajjhataṇhaṃ samūlakaṃ chindi. Vivattayi saṃyojananti dasavidhampi saṃyojanaṃ vivattayi ubbattetvā pajahi. Sammā mānābhisamayāti hetunā kāraṇena navavidhassa mānassa pahānābhisamayā. Antamakāsi dukkhassāti vaṭṭadukkhaṃ paricchinnaṃ parivaṭumaṃ akāsi, katvā ṭhitoti attho. Iti satthārā saṃyuttamahānikāye rāhulovāde (saṃ. ni. 3.91 ādayo) vipassanā kathitā, cūḷarāhulovādepi (ma. ni. 3.416 ādayo) vipassanā kathitā, ambalaṭṭhikarāhulovāde (ma. ni. 2.107 ādayo) daharasseva sato musāvādā veramaṇī kathitā, mahārāhulovāde (ma. ni. 2.113 ādayo) vipassanā kathitā. Imasmiṃ aṅguttaramahānikāye ayaṃ catukoṭikasuññatā nāma kathitāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਰਾਹੁਲਸੁਤ੍ਤਂ • 7. Rāhulasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਰਾਹੁਲਸੁਤ੍ਤવਣ੍ਣਨਾ • 7. Rāhulasuttavaṇṇanā
