| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. राहुलत्थेरअपदानं
6. Rāhulattheraapadānaṃ
६८.
68.
‘‘पदुमुत्तरस्स भगवतो, लोकजेट्ठस्स तादिनो।
‘‘Padumuttarassa bhagavato, lokajeṭṭhassa tādino;
सत्तभूमम्हि पासादे, आदासं सन्थरिं अहं॥
Sattabhūmamhi pāsāde, ādāsaṃ santhariṃ ahaṃ.
६९.
69.
‘‘खीणासवसहस्सेहि, परिकिण्णो महामुनि।
‘‘Khīṇāsavasahassehi, parikiṇṇo mahāmuni;
७०.
70.
भिक्खुसङ्घे ठितो सत्था, इमा गाथा अभासथ॥
Bhikkhusaṅghe ṭhito satthā, imā gāthā abhāsatha.
७१.
71.
‘‘‘येनायं जोतिता सेय्या, आदासोव सुसन्थतो।
‘‘‘Yenāyaṃ jotitā seyyā, ādāsova susanthato;
तमहं कित्तयिस्सामि, सुणाथ मम भासतो॥
Tamahaṃ kittayissāmi, suṇātha mama bhāsato.
७२.
72.
‘‘‘सोण्णमया रूपिमया, अथो वेळुरियामया।
‘‘‘Soṇṇamayā rūpimayā, atho veḷuriyāmayā;
निब्बत्तिस्सन्ति पासादा, ये केचि मनसो पिया॥
Nibbattissanti pāsādā, ye keci manaso piyā.
७३.
73.
‘‘‘चतुसट्ठिक्खत्तुं देविन्दो, देवरज्जं करिस्सति।
‘‘‘Catusaṭṭhikkhattuṃ devindo, devarajjaṃ karissati;
सहस्सक्खत्तुं चक्कवत्ती, भविस्सति अनन्तरा॥
Sahassakkhattuṃ cakkavattī, bhavissati anantarā.
७४.
74.
‘‘‘एकवीसतिकप्पम्हि, विमलो नाम खत्तियो।
‘‘‘Ekavīsatikappamhi, vimalo nāma khattiyo;
चातुरन्तो विजितावी, चक्कवत्ती भविस्सति॥
Cāturanto vijitāvī, cakkavattī bhavissati.
७५.
75.
‘‘‘नगरं रेणुवती नाम, इट्ठकाहि सुमापितं।
‘‘‘Nagaraṃ reṇuvatī nāma, iṭṭhakāhi sumāpitaṃ;
आयामतो तीणि सतं, चतुरस्ससमायुतं॥
Āyāmato tīṇi sataṃ, caturassasamāyutaṃ.
७६.
76.
कूटागारवरूपेतो, सत्तरतनभूसितो॥
Kūṭāgāravarūpeto, sattaratanabhūsito.
७७.
77.
सुदस्सनंव नगरं, देवतानं भविस्सति॥
Sudassanaṃva nagaraṃ, devatānaṃ bhavissati.
७८.
78.
‘‘‘पभा निग्गच्छते तस्स, उग्गच्छन्तेव सूरिये।
‘‘‘Pabhā niggacchate tassa, uggacchanteva sūriye;
विरोचेस्सति तं निच्चं, समन्ता अट्ठयोजनं॥
Virocessati taṃ niccaṃ, samantā aṭṭhayojanaṃ.
७९.
79.
‘‘‘कप्पसतसहस्सम्हि, ओक्काककुलसम्भवो।
‘‘‘Kappasatasahassamhi, okkākakulasambhavo;
गोतमो नाम गोत्तेन, सत्था लोके भविस्सति॥
Gotamo nāma gottena, satthā loke bhavissati.
८०.
80.
‘‘‘तुसिता सो चवित्वान, सुक्कमूलेन चोदितो।
‘‘‘Tusitā so cavitvāna, sukkamūlena codito;
गोतमस्स भगवतो, अत्रजो सो भविस्सति॥
Gotamassa bhagavato, atrajo so bhavissati.
८१.
81.
अट्ठानमेतं यं तादी, अगारे रतिमज्झगा॥
Aṭṭhānametaṃ yaṃ tādī, agāre ratimajjhagā.
८२.
82.
‘‘‘निक्खमित्वा अगारम्हा, पब्बजिस्सति सुब्बतो।
‘‘‘Nikkhamitvā agāramhā, pabbajissati subbato;
राहुलो नाम नामेन, अरहा सो भविस्सति’॥
Rāhulo nāma nāmena, arahā so bhavissati’.
८३.
83.
‘‘किकीव अण्डं रक्खेय्य, चामरी विय वालधिं।
‘‘Kikīva aṇḍaṃ rakkheyya, cāmarī viya vāladhiṃ;
८४.
84.
‘‘तस्साहं धम्ममञ्ञाय, विहासिं सासने रतो।
‘‘Tassāhaṃ dhammamaññāya, vihāsiṃ sāsane rato;
सब्बासवे परिञ्ञाय, विहरामि अनासवो॥
Sabbāsave pariññāya, viharāmi anāsavo.
८५.
85.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा राहुलो थेरो इमा गाथायो अभासित्थाति।
Itthaṃ sudaṃ āyasmā rāhulo thero imā gāthāyo abhāsitthāti.
राहुलत्थेरस्सापदानं छट्ठं।
Rāhulattherassāpadānaṃ chaṭṭhaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ६. राहुलत्थेरअपदानवण्णना • 6. Rāhulattheraapadānavaṇṇanā
