| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. раахулад̇т̇зраабад̣̇аанаван̣н̣анаа
6. Rāhulattheraapadānavaṇṇanā
бад̣̇умуд̇д̇арасса бхаг̇авад̇од̇иаад̣̇игам̣ ааяасмад̇о раахулад̇т̇зрасса абад̣̇аанам̣. аяамби ааяасмаа буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇ваа сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ сигкаагаамаанам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ бад̇т̇знд̇о сзнаасанависод̇ханавиж̇ж̇од̇анаад̣̇игам̣ ул̣аарам̣ бун̃н̃ам̣ гад̇ваа бан̣ид̇хаанам̣ агааси. со д̇ад̇о жавид̇ваа д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з амхаагам̣ б̣од̇хисад̇д̇ам̣ бадижжа яасод̇харааяа д̣̇звияаа гужчимхи ниб̣б̣ад̇д̇ид̇ваа раахулод̇и лад̣̇д̇ханаамо махад̇аа кад̇д̇ияабариваарзна вад̣дхи. д̇асса баб̣б̣аж̇ж̇аавид̇хаанам̣ канд̇хагз (махаава. 105) ааг̇ад̇амзва. со баб̣б̣аж̇ид̇ваа сад̇т̇у санд̇игз анзгзхи суд̇д̇абад̣̇зхи сулад̣̇д̇ховаад̣̇о барибагган̃аан̣о вибассанам̣ уссуггаабзд̇ваа арахад̇д̇ам̣ баабун̣и. арахаа бана худ̇ваа ад̇д̇ано бадибад̇д̇им̣ бажжавзгкид̇ваа ан̃н̃ам̣ б̣яаагаронд̇о –
Padumuttarassabhagavatotiādikaṃ āyasmato rāhulattherassa apadānaṃ. Ayampi āyasmā purimajinavaresu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patvā satthu dhammadesanaṃ suṇanto satthāraṃ ekaṃ bhikkhuṃ sikkhākāmānaṃ aggaṭṭhāne ṭhapentaṃ disvā sayampi taṃ ṭhānantaraṃ patthento senāsanavisodhanavijjotanādikaṃ uḷāraṃ puññaṃ katvā paṇidhānaṃ akāsi. So tato cavitvā devamanussesu saṃsaranto ubhayasampattiyo anubhavitvā imasmiṃ buddhuppāde amhākaṃ bodhisattaṃ paṭicca yasodharāya deviyā kucchimhi nibbattitvā rāhuloti laddhanāmo mahatā khattiyaparivārena vaḍḍhi. Tassa pabbajjāvidhānaṃ khandhake (mahāva. 105) āgatameva. So pabbajitvā satthu santike anekehi suttapadehi suladdhovādo paripakkañāṇo vipassanaṃ ussukkāpetvā arahattaṃ pāpuṇi. Arahā pana hutvā attano paṭipattiṃ paccavekkhitvā aññaṃ byākaronto –
‘‘убхаязнзва самбанно, раахулабхад̣̇д̣̇од̇и мам̣ вид̣̇уу;
‘‘Ubhayeneva sampanno, rāhulabhaddoti maṃ vidū;
яан̃жамхи буд̇д̇о б̣уд̣̇д̇хасса, яан̃жа д̇хаммзсу жагкумаа.
Yañcamhi putto buddhassa, yañca dhammesu cakkhumā.
‘‘яан̃жа мз аасаваа кийн̣аа, яан̃жа над̇т̇и бунаб̣бхаво;
‘‘Yañca me āsavā khīṇā, yañca natthi punabbhavo;
арахаа д̣̇агкин̣зяяомхи, д̇звиж̇ж̇о амад̇ад̣̇д̣̇асо.
Arahā dakkhiṇeyyomhi, tevijjo amataddaso.
‘‘гааманд̇хаа ж̇аалабажчаннаа, д̇ан̣хаачад̣̇аначаад̣̇ид̇аа;
‘‘Kāmandhā jālapacchannā, taṇhāchadanachāditā;
бамад̇д̇аб̣анд̇хунаа б̣анд̇хаа, мажчаава гуминаа мукз.
Pamattabandhunā bandhā, macchāva kuminā mukhe.
‘‘д̇ам̣ гаамам̣ ахамуж̇жхид̇ваа, чзд̇ваа маарасса б̣анд̇ханам̣;
‘‘Taṃ kāmaṃ ahamujjhitvā, chetvā mārassa bandhanaṃ;
самуулам̣ д̇ан̣хамаб̣б̣уяха, сийд̇ибхууд̇осми ниб̣б̣уд̇о’’д̇и. (т̇зраг̇аа. 295-298);
Samūlaṃ taṇhamabbuyha, sītibhūtosmi nibbuto’’ti. (theragā. 295-298);
жад̇ассо г̇аат̇аа абхааси. д̇ад̇т̇а убхаязнзва самбаннод̇и ж̇аад̇исамбад̣̇аа бадибад̇д̇исамбад̣̇аад̇и убхаяасамбад̇д̇ияааби самбанно саманнааг̇ад̇о. раахулабхад̣̇д̣̇од̇и мам̣ вид̣̇ууд̇и ‘‘раахулабхад̣̇д̣̇о’’д̇и мам̣ саб̣рахмажаарино сан̃ж̇аананд̇и. д̇асса хи ж̇аад̇асаасанам̣ суд̇ваа б̣од̇хисад̇д̇зна, ‘‘рааху, ж̇аад̇о, б̣анд̇ханам̣ ж̇аад̇а’’нд̇и вуд̇д̇аважанам̣ убаад̣̇ааяа суд̣̇д̇ход̣̇анамахаарааж̇аа ‘‘раахуло’’д̇и наамам̣ г̇ан̣хи. д̇ад̇т̇а аад̣̇ид̇о бид̇араа вуд̇д̇абарияааяамзва г̇ахзд̇ваа ааха – ‘‘раахулабхад̣̇д̣̇од̇и мам̣ вид̣̇уу’’д̇и. бхад̣̇д̣̇од̇и басам̣сааважанамзва. абарабхааг̇з сад̇т̇аа д̇ам̣ сигкаагаамабхаавзна аг̇г̇адтаанз табзси ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ сигкаагаамаанам̣ яад̣̇ид̣̇ам̣ раахуло’’д̇и (а. ни. 1.209).
Catasso gāthā abhāsi. Tattha ubhayeneva sampannoti jātisampadā paṭipattisampadāti ubhayasampattiyāpi sampanno samannāgato. Rāhulabhaddoti maṃ vidūti ‘‘rāhulabhaddo’’ti maṃ sabrahmacārino sañjānanti. Tassa hi jātasāsanaṃ sutvā bodhisattena, ‘‘rāhu, jāto, bandhanaṃ jāta’’nti vuttavacanaṃ upādāya suddhodanamahārājā ‘‘rāhulo’’ti nāmaṃ gaṇhi. Tattha ādito pitarā vuttapariyāyameva gahetvā āha – ‘‘rāhulabhaddoti maṃ vidū’’ti. Bhaddoti pasaṃsāvacanameva. Aparabhāge satthā taṃ sikkhākāmabhāvena aggaṭṭhāne ṭhapesi ‘‘etadaggaṃ, bhikkhave, mama sāvakānaṃ bhikkhūnaṃ sikkhākāmānaṃ yadidaṃ rāhulo’’ti (a. ni. 1.209).
68. звам̣ со бад̇д̇азд̇ад̣̇аг̇г̇адтаано ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇арасса бхаг̇авад̇од̇иаад̣̇имааха. сад̇д̇абхуумимхи баасаад̣̇зд̇и басаад̣̇ам̣ соманассам̣ ж̇анзд̇ийд̇и баасаад̣̇о. убаруубари тид̇аа сад̇д̇а бхуумияо яасмим̣ баасаад̣̇з сояам̣ сад̇д̇абхууми, д̇асмим̣ сад̇д̇абхуумимхи баасаад̣̇з. аад̣̇аасам̣ сант̇арим̣ аханд̇и аад̣̇аасад̇алам̣ нибпаад̣̇зд̇ваа логаж̇здтасса бхаг̇авад̇о д̇аад̣̇ино ахам̣ сант̇арам̣ ад̣̇аасим̣, сант̇арид̇ваа бууж̇зсинд̇и ад̇т̇о.
68. Evaṃ so pattaetadaggaṭṭhāno attano pubbakammaṃ saritvā somanassajāto pubbacaritāpadānaṃ pakāsento padumuttarassa bhagavatotiādimāha. Sattabhūmimhi pāsādeti pasādaṃ somanassaṃ janetīti pāsādo. Uparūpari ṭhitā satta bhūmiyo yasmiṃ pāsāde soyaṃ sattabhūmi, tasmiṃ sattabhūmimhi pāsāde. Ādāsaṃ santhariṃ ahanti ādāsatalaṃ nipphādetvā lokajeṭṭhassa bhagavato tādino ahaṃ santharaṃ adāsiṃ, santharitvā pūjesinti attho.
69. кийн̣аасавасахассзхийд̇и араханд̇асахассзхи баригин̣н̣о баривуд̇о. д̣̇вибад̣̇инд̣̇о д̣̇вибад̣̇аанам̣ инд̣̇о саами нараасабхо махаамуни г̇анд̇хагудим̣ д̇зхи саха убааг̇ами баависийд̇и ад̇т̇о.
69.Khīṇāsavasahassehīti arahantasahassehi parikiṇṇo parivuto. Dvipadindo dvipadānaṃ indo sāmi narāsabho mahāmuni gandhakuṭiṃ tehi saha upāgami pāvisīti attho.
70. вирожзнд̇о г̇анд̇хагудинд̇и д̇ам̣ г̇анд̇хагудим̣ собхаяамаано д̣̇зваанам̣ д̣̇зво д̣̇звад̣̇зво нараанам̣ аасабхо нараасабхо ж̇здто сад̇т̇аа бхигкусан̇гхамаж̇жхз нисийд̣̇ид̇ваа имаа б̣яаагаран̣аг̇аат̇ааяо абхаасат̇а гат̇зсийд̇и самб̣анд̇хо.
70.Virocento gandhakuṭinti taṃ gandhakuṭiṃ sobhayamāno devānaṃ devo devadevo narānaṃ āsabho narāsabho jeṭṭho satthā bhikkhusaṅghamajjhe nisīditvā imā byākaraṇagāthāyo abhāsatha kathesīti sambandho.
71. язнааяам̣ ж̇од̇ид̇аа сзяяаад̇и язна убаасагзна аяам̣ баасаад̣̇асан̇каад̇аа сзяяаа ж̇од̇ид̇аа бабхаасид̇аа баж̇ж̇алид̇аа. аад̣̇аасова гам̣салохамаяам̣ аад̣̇аасад̇алам̣ ива судту самам̣ гад̇ваа сант̇ад̇аа. д̇ам̣ убаасагам̣ гид̇д̇аяиссаами баагадам̣ гариссаамийд̇и ад̇т̇о. сзсам̣ сувин̃н̃зяяамзва.
71.Yenāyaṃ jotitā seyyāti yena upāsakena ayaṃ pāsādasaṅkhātā seyyā jotitā pabhāsitā pajjalitā. Ādāsova kaṃsalohamayaṃ ādāsatalaṃ iva suṭṭhu samaṃ katvā santhatā. Taṃ upāsakaṃ kittayissāmi pākaṭaṃ karissāmīti attho. Sesaṃ suviññeyyameva.
81. адтаанамзд̇ам̣ яам̣ д̇аад̣̇ийд̇и яам̣ язна гааран̣зна д̇аад̣̇ий идтаанидтзсу агамбияасабхаавад̇д̇аа д̇аад̣̇ий аг̇аарз гхарааваасз рад̇им̣ аллийнабхаавам̣ аж̇жхаг̇аа баабун̣и, зд̇ам̣ гааран̣ам̣ адтаанам̣ агааран̣анд̇и ад̇т̇о.
81.Aṭṭhānametaṃ yaṃ tādīti yaṃ yena kāraṇena tādī iṭṭhāniṭṭhesu akampiyasabhāvattā tādī agāre gharāvāse ratiṃ allīnabhāvaṃ ajjhagā pāpuṇi, etaṃ kāraṇaṃ aṭṭhānaṃ akāraṇanti attho.
82. нигкамид̇ваа аг̇аарасмаад̇и гхарааваасад̇о нигкамид̇ваа д̇ам̣ д̇ин̣ад̣̇аламива барижжаж̇ид̇ваа суб̣б̣ад̇о сусигкид̇о баб̣б̣аж̇иссад̇и. раахуло наама наамзнаад̇и суд̣̇д̇ход̣̇анамахаарааж̇зна бзсид̇ам̣ гумаарасса ж̇аад̇асаасанам̣ суд̇ваа бид̇араа сид̣̇д̇хад̇т̇зна, ‘‘рааху ж̇аад̇о, б̣анд̇ханам̣ ж̇аад̇а’’нд̇и вуд̇д̇анаамад̇д̇аа раахуло наамаад̇и ад̇т̇о. ‘‘яат̇аа жанд̣̇асуурияаанам̣ вимаанабабхааяа гилидтагаран̣зна рааху асуринд̣̇о убзд̇и г̇ажчад̇и, звамзвааяам̣ мама абхинигкаманабаб̣б̣аж̇ж̇аад̣̇ийнам̣ анд̇арааяам̣ гаронд̇орива ж̇аад̇о’’д̇и ад̇хиббааязна, ‘‘рааху ж̇аад̇од̇и аахаа’’д̇и д̣̇адтаб̣б̣ам̣. арахаа со бхависсад̇ийд̇и со д̇аад̣̇исо убаниссаяасамбанно вибассанааяам̣ яуд̇д̇аббаяуд̇д̇о арахаа кийн̣аасаво бхависсад̇ийд̇и ад̇т̇о.
82.Nikkhamitvāagārasmāti gharāvāsato nikkhamitvā taṃ tiṇadalamiva pariccajitvā subbato susikkhito pabbajissati. Rāhulo nāmanāmenāti suddhodanamahārājena pesitaṃ kumārassa jātasāsanaṃ sutvā pitarā siddhatthena, ‘‘rāhu jāto, bandhanaṃ jāta’’nti vuttanāmattā rāhulo nāmāti attho. ‘‘Yathā candasūriyānaṃ vimānapabhāya kiliṭṭhakaraṇena rāhu asurindo upeti gacchati, evamevāyaṃ mama abhinikkhamanapabbajjādīnaṃ antarāyaṃ karontoriva jāto’’ti adhippāyena, ‘‘rāhu jātoti āhā’’ti daṭṭhabbaṃ. Arahā so bhavissatīti so tādiso upanissayasampanno vipassanāyaṃ yuttappayutto arahā khīṇāsavo bhavissatīti attho.
83. гигийва ан̣д̣ам̣ рагкзяяаад̇и ан̣д̣ам̣ б̣ийж̇ам̣ рагкамаанаа гигий сагун̣ий ива аббамад̇д̇о сийлам̣ рагкзяяа, жаамарий вияа ваалад̇хинд̇и ваалам̣ рагкамаанаа ган̣д̣агзсу ваалз лаг̇г̇анд̇з бхинд̣̇анабхаязна анаагад̣дхид̇ваа марамаанаа жаамарий вияа ж̇ийвид̇амби барижжаж̇ид̇ваа сийлам̣ абхинд̣̇ид̇ваа рагкзяяа. нибаго сийласамбаннод̇и нзбаггам̣ вужжад̇и бан̃н̃аа, д̇зна нзбаггзна саманнааг̇ад̇о нибаго кан̣д̣ачид̣̇д̣̇аад̣̇ибхаавам̣ абаабзд̇ваа рагкан̣ад̇о сийласамбанно бхависсад̇ийд̇и звам̣ со бхаг̇аваа б̣яаагаран̣амагааси. со звам̣ бад̇д̇аарахад̇д̇апало згад̣̇ивасам̣ вивзгадтаанз нисинно соманассавасзна звам̣ рагким̣ махаамунийд̇иаад̣̇имааха. д̇ам̣ сувин̃н̃зяяамзваад̇и.
83.Kikīva aṇḍaṃ rakkheyyāti aṇḍaṃ bījaṃ rakkhamānā kikī sakuṇī iva appamatto sīlaṃ rakkheyya, cāmarī viya vāladhinti vālaṃ rakkhamānā kaṇḍakesu vāle laggante bhindanabhayena anākaḍḍhitvā maramānā cāmarī viya jīvitampi pariccajitvā sīlaṃ abhinditvā rakkheyya. Nipako sīlasampannoti nepakkaṃ vuccati paññā, tena nepakkena samannāgato nipako khaṇḍachiddādibhāvaṃ apāpetvā rakkhaṇato sīlasampanno bhavissatīti evaṃ so bhagavā byākaraṇamakāsi. So evaṃ pattaarahattaphalo ekadivasaṃ vivekaṭṭhāne nisinno somanassavasena evaṃ rakkhiṃ mahāmunītiādimāha. Taṃ suviññeyyamevāti.
раахулад̇т̇зраабад̣̇аанаван̣н̣анаа самад̇д̇аа.
Rāhulattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. раахулад̇т̇зраабад̣̇аанам̣ • 6. Rāhulattheraapadānaṃ
