| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
41. раахулавад̇т̇у
41. Rāhulavatthu
105. ат̇а ко бхаг̇аваа рааж̇аг̇ахз яат̇аабхиранд̇ам̣ вихарид̇ваа язна габилавад̇т̇у д̇зна жааригам̣ баггаами. анубуб̣б̣зна жааригам̣ жарамаано язна габилавад̇т̇у д̇ад̣̇авасари. д̇ад̇ра суд̣̇ам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна суд̣̇д̇ход̣̇анасса саггасса нивзсанам̣ д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и. ат̇а ко раахуламаад̇аа д̣̇звий раахулам̣ гумаарам̣ зд̇ад̣̇авожа – ‘‘зсо д̇з, раахула, бид̇аа. г̇ажчассу 1, д̣̇ааяаж̇ж̇ам̣ яаажаахий’’д̇и. ат̇а ко раахуло гумааро язна бхаг̇аваа д̇знубасан̇гами, убасан̇гамид̇ваа бхаг̇авад̇о бурад̇о, адтааси – ‘‘сукаа д̇з, саман̣а, чааяаа’’д̇и. ат̇а ко бхаг̇аваа удтааяаасанаа баггаами. ат̇а ко раахуло гумааро бхаг̇аванд̇ам̣ бидтид̇о бидтид̇о ануб̣анд̇хи – ‘‘д̣̇ааяаж̇ж̇ам̣ мз, саман̣а, д̣̇зхи; д̣̇ааяаж̇ж̇ам̣ мз, саман̣а, д̣̇зхий’’д̇и. ат̇а ко бхаг̇аваа ааяасманд̇ам̣ саарибуд̇д̇ам̣ ааманд̇зси – ‘‘д̇зна хи д̇вам̣, саарибуд̇д̇а, раахулам̣ гумаарам̣ баб̣б̣ааж̇зхий’’д̇и. ‘‘гат̇аахам̣, бханд̇з, раахулам̣ гумаарам̣ баб̣б̣ааж̇змий’’д̇и? ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, д̇ийхи саран̣аг̇аманзхи сааман̣зрабаб̣б̣аж̇ж̇ам̣. зван̃жа бана, бхигкавз, баб̣б̣ааж̇зд̇аб̣б̣о – батамам̣ гзсамассум̣ охаараабзд̇ваа гаасааяаани вад̇т̇аани ажчаад̣̇аабзд̇ваа згам̣сам̣ уд̇д̇араасан̇г̇ам̣ гаараабзд̇ваа бхигкуунам̣ баад̣̇з ванд̣̇аабзд̇ваа уггудигам̣ нисийд̣̇аабзд̇ваа ан̃ж̇алим̣ баг̇г̇ан̣хаабзд̇ваа звам̣ вад̣̇зхийд̇и вад̇д̇аб̣б̣о – б̣уд̣̇д̇хам̣ саран̣ам̣ г̇ажчаами, д̇хаммам̣ саран̣ам̣ г̇ажчаами, сан̇гхам̣ саран̣ам̣ г̇ажчаами; д̣̇уд̇ияамби б̣уд̣̇д̇хам̣ саран̣ам̣ г̇ажчаами, д̣̇уд̇ияамби д̇хаммам̣ саран̣ам̣ г̇ажчаами, д̣̇уд̇ияамби сан̇гхам̣ саран̣ам̣ г̇ажчаами; д̇ад̇ияамби б̣уд̣̇д̇хам̣ саран̣ам̣ г̇ажчаами, д̇ад̇ияамби д̇хаммам̣ саран̣ам̣ г̇ажчаами, д̇ад̇ияамби сан̇гхам̣ саран̣ам̣ г̇ажчаамийд̇и. ануж̇аанаами, бхигкавз, имзхи д̇ийхи саран̣аг̇аманзхи сааман̣зрабаб̣б̣аж̇ж̇а’’нд̇и. ат̇а ко ааяасмаа саарибуд̇д̇о раахулам̣ гумаарам̣ баб̣б̣ааж̇зси.
105. Atha kho bhagavā rājagahe yathābhirantaṃ viharitvā yena kapilavatthu tena cārikaṃ pakkāmi. Anupubbena cārikaṃ caramāno yena kapilavatthu tadavasari. Tatra sudaṃ bhagavā sakkesu viharati kapilavatthusmiṃ nigrodhārāme. Atha kho bhagavā pubbaṇhasamayaṃ nivāsetvā pattacīvaramādāya yena suddhodanassa sakkassa nivesanaṃ tenupasaṅkami, upasaṅkamitvā paññatte āsane nisīdi. Atha kho rāhulamātā devī rāhulaṃ kumāraṃ etadavoca – ‘‘eso te, rāhula, pitā. Gacchassu 2, dāyajjaṃ yācāhī’’ti. Atha kho rāhulo kumāro yena bhagavā tenupasaṅkami, upasaṅkamitvā bhagavato purato, aṭṭhāsi – ‘‘sukhā te, samaṇa, chāyā’’ti. Atha kho bhagavā uṭṭhāyāsanā pakkāmi. Atha kho rāhulo kumāro bhagavantaṃ piṭṭhito piṭṭhito anubandhi – ‘‘dāyajjaṃ me, samaṇa, dehi; dāyajjaṃ me, samaṇa, dehī’’ti. Atha kho bhagavā āyasmantaṃ sāriputtaṃ āmantesi – ‘‘tena hi tvaṃ, sāriputta, rāhulaṃ kumāraṃ pabbājehī’’ti. ‘‘Kathāhaṃ, bhante, rāhulaṃ kumāraṃ pabbājemī’’ti? Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, tīhi saraṇagamanehi sāmaṇerapabbajjaṃ. Evañca pana, bhikkhave, pabbājetabbo – paṭhamaṃ kesamassuṃ ohārāpetvā kāsāyāni vatthāni acchādāpetvā ekaṃsaṃ uttarāsaṅgaṃ kārāpetvā bhikkhūnaṃ pāde vandāpetvā ukkuṭikaṃ nisīdāpetvā añjaliṃ paggaṇhāpetvā evaṃ vadehīti vattabbo – buddhaṃ saraṇaṃ gacchāmi, dhammaṃ saraṇaṃ gacchāmi, saṅghaṃ saraṇaṃ gacchāmi; dutiyampi buddhaṃ saraṇaṃ gacchāmi, dutiyampi dhammaṃ saraṇaṃ gacchāmi, dutiyampi saṅghaṃ saraṇaṃ gacchāmi; tatiyampi buddhaṃ saraṇaṃ gacchāmi, tatiyampi dhammaṃ saraṇaṃ gacchāmi, tatiyampi saṅghaṃ saraṇaṃ gacchāmīti. Anujānāmi, bhikkhave, imehi tīhi saraṇagamanehi sāmaṇerapabbajja’’nti. Atha kho āyasmā sāriputto rāhulaṃ kumāraṃ pabbājesi.
ат̇а ко суд̣̇д̇ход̣̇ано сагго язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко суд̣̇д̇ход̣̇ано сагго бхаг̇аванд̇ам̣ зд̇ад̣̇авожа – ‘‘згаахам̣, бханд̇з, бхаг̇аванд̇ам̣ варам̣ яаажаамий’’д̇и. ‘‘ад̇игганд̇авараа ко, г̇од̇ама, д̇ат̇ааг̇ад̇аа’’д̇и. ‘‘яан̃жа, бханд̇з, габбад̇и, яан̃жа анаваж̇ж̇а’’нд̇и. ‘‘вад̣̇зхи, г̇од̇амаа’’д̇и. ‘‘бхаг̇авад̇и мз, бханд̇з, баб̣б̣аж̇ид̇з анаббагам̣ д̣̇угкам̣ ахоси, д̇ат̇аа нанд̣̇з, ад̇химад̇д̇ам̣ раахулз. буд̇д̇абзмам̣ , бханд̇з, чавим̣ чинд̣̇ад̇и, чавим̣ чзд̇ваа жаммам̣ чинд̣̇ад̇и, жаммам̣ чзд̇ваа мам̣сам̣ чинд̣̇ад̇и, мам̣сам̣ чзд̇ваа нхаарум̣ чинд̣̇ад̇и, нхаарум̣ чзд̇ваа адтим̣ чинд̣̇ад̇и, адтим̣ чзд̇ваа адтимин̃ж̇ам̣ аахажжа д̇идтад̇и. саад̇ху, бханд̇з, аяяаа ананун̃н̃аад̇ам̣ маад̇аабид̇уухи буд̇д̇ам̣ на баб̣б̣ааж̇зяяу’’нд̇и. ат̇а ко бхаг̇аваа суд̣̇д̇ход̣̇анам̣ саггам̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко суд̣̇д̇ход̣̇ано сагго бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, ананун̃н̃аад̇о маад̇аабид̇уухи буд̇д̇о баб̣б̣ааж̇зд̇аб̣б̣о. яо баб̣б̣ааж̇зяяа, аабад̇д̇и д̣̇уггадассаа’’д̇и.
Atha kho suddhodano sakko yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho suddhodano sakko bhagavantaṃ etadavoca – ‘‘ekāhaṃ, bhante, bhagavantaṃ varaṃ yācāmī’’ti. ‘‘Atikkantavarā kho, gotama, tathāgatā’’ti. ‘‘Yañca, bhante, kappati, yañca anavajja’’nti. ‘‘Vadehi, gotamā’’ti. ‘‘Bhagavati me, bhante, pabbajite anappakaṃ dukkhaṃ ahosi, tathā nande, adhimattaṃ rāhule. Puttapemaṃ , bhante, chaviṃ chindati, chaviṃ chetvā cammaṃ chindati, cammaṃ chetvā maṃsaṃ chindati, maṃsaṃ chetvā nhāruṃ chindati, nhāruṃ chetvā aṭṭhiṃ chindati, aṭṭhiṃ chetvā aṭṭhimiñjaṃ āhacca tiṭṭhati. Sādhu, bhante, ayyā ananuññātaṃ mātāpitūhi puttaṃ na pabbājeyyu’’nti. Atha kho bhagavā suddhodanaṃ sakkaṃ dhammiyā kathāya sandassesi samādapesi samuttejesi sampahaṃsesi. Atha kho suddhodano sakko bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘na, bhikkhave, ananuññāto mātāpitūhi putto pabbājetabbo. Yo pabbājeyya, āpatti dukkaṭassā’’ti.
ат̇а ко бхаг̇аваа габилавад̇т̇усмим̣ яат̇аабхиранд̇ам̣ вихарид̇ваа язна саавад̇т̇и д̇зна жааригам̣ баггаами. анубуб̣б̣зна жааригам̣ жарамаано язна саавад̇т̇и д̇ад̣̇авасари. д̇ад̇ра суд̣̇ам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмад̇о саарибуд̇д̇асса убадтаагагулам̣ ааяасмад̇о саарибуд̇д̇асса санд̇игз д̣̇аарагам̣ баахзси – ‘‘имам̣ д̣̇аарагам̣ т̇зро баб̣б̣ааж̇зд̇уу’’д̇и. ат̇а ко ааяасмад̇о саарибуд̇д̇асса зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘на згзна д̣̇вз сааман̣зраа убадтаабзд̇аб̣б̣аа’д̇и. аяан̃жа мз раахуло сааман̣зро. гат̇ам̣ ну ко маяаа бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзси. ануж̇аанаами, бхигкавз, б̣яад̇д̇зна бхигкунаа бадиб̣алзна згзна д̣̇вз сааман̣зрз убадтаабзд̇ум̣, яаавад̇агз ваа бана уссахад̇и овад̣̇ид̇ум̣ анусаасид̇ум̣ д̇аавад̇агз убадтаабзд̇унд̇и.
Atha kho bhagavā kapilavatthusmiṃ yathābhirantaṃ viharitvā yena sāvatthi tena cārikaṃ pakkāmi. Anupubbena cārikaṃ caramāno yena sāvatthi tadavasari. Tatra sudaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmato sāriputtassa upaṭṭhākakulaṃ āyasmato sāriputtassa santike dārakaṃ pāhesi – ‘‘imaṃ dārakaṃ thero pabbājetū’’ti. Atha kho āyasmato sāriputtassa etadahosi – ‘‘bhagavatā paññattaṃ ‘na ekena dve sāmaṇerā upaṭṭhāpetabbā’ti. Ayañca me rāhulo sāmaṇero. Kathaṃ nu kho mayā paṭipajjitabba’’nti? Bhagavato etamatthaṃ ārocesi. Anujānāmi, bhikkhave, byattena bhikkhunā paṭibalena ekena dve sāmaṇere upaṭṭhāpetuṃ, yāvatake vā pana ussahati ovadituṃ anusāsituṃ tāvatake upaṭṭhāpetunti.
раахулавад̇т̇у нидтид̇ам̣.
Rāhulavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / раахулавад̇т̇угат̇аа • Rāhulavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / раахулавад̇т̇угат̇ааван̣н̣анаа • Rāhulavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / раахулавад̇т̇угат̇ааван̣н̣анаа • Rāhulavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / раахулавад̇т̇угат̇ааван̣н̣анаа • Rāhulavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 41. раахулавад̇т̇угат̇аа • 41. Rāhulavatthukathā
