| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
раахулавад̇т̇угат̇аа
Rāhulavatthukathā
105. язна габилавад̇т̇у д̇зна жааригам̣ баггаамийд̇и зд̇т̇а аяам̣ анубуб̣б̣игат̇аа. суд̣̇д̇ход̣̇анамахаарааж̇аа гира б̣од̇хисад̇д̇асса абхинигкаманад̣̇ивасад̇о бадтааяа ‘‘мама буд̇д̇о б̣уд̣̇д̇хо бхависсаамийд̇и нигканд̇о, ж̇аад̇о ну ко б̣уд̣̇д̇хо’’д̇и бавад̇д̇исаванад̇т̇ам̣ охид̇асод̇ова вихарад̇и. со бхаг̇авад̇о бад̇хаанажарияан̃жа самб̣од̇хин̃жа д̇хаммажаггаббавад̇д̇анаад̣̇ийни жа сун̣анд̇о ‘‘ид̣̇аани гира мз буд̇д̇о рааж̇аг̇ахам̣ убаниссааяа вихарад̇ий’’д̇и суд̇ваа згам̣ амажжам̣ аан̣аабзси – ‘‘ахам̣ д̇аад̇а вуд̣дхо махаллаго, саад̇ху мз ж̇ийванд̇ассзва буд̇д̇ам̣ д̣̇ассзхий’’д̇и. со ‘‘саад̇хуу’’д̇и бадиссун̣ид̇ваа бурисасахассабаривааро рааж̇аг̇ахам̣ г̇анд̇ваа бхаг̇авад̇о баад̣̇з ванд̣̇ид̇ваа нисийд̣̇и. ат̇асса бхаг̇аваа д̇хаммагат̇ам̣ гат̇зси, со басийд̣̇ид̇ваа баб̣б̣аж̇ж̇ан̃жзва убасамбад̣̇ан̃жа яаажи. д̇ад̇о нам̣ бхаг̇аваа зхибхигкуубасамбад̣̇ааяа убасамбаад̣̇зси , со сабарисо арахад̇д̇ам̣ бад̇ваа д̇ад̇т̇зва паласамаабад̇д̇исукам̣ анубхавамаано вихааси. рааж̇аа д̇знзва убааязна абарзби адта д̣̇ууд̇з бахин̣и, д̇зби саб̣б̣з сабарисаа д̇ат̇зва арахад̇д̇ам̣ бад̇ваа д̇ад̇т̇зва вихарим̣су. ‘‘иминаа наама гааран̣зна д̇з нааг̇ажчанд̇ий’’д̇и ран̃н̃о гожи бавад̇д̇имад̇д̇амби аарожзнд̇о над̇т̇и.
105.Yenakapilavatthu tena cārikaṃ pakkāmīti ettha ayaṃ anupubbikathā. Suddhodanamahārājā kira bodhisattassa abhinikkhamanadivasato paṭṭhāya ‘‘mama putto buddho bhavissāmīti nikkhanto, jāto nu kho buddho’’ti pavattisavanatthaṃ ohitasotova viharati. So bhagavato padhānacariyañca sambodhiñca dhammacakkappavattanādīni ca suṇanto ‘‘idāni kira me putto rājagahaṃ upanissāya viharatī’’ti sutvā ekaṃ amaccaṃ āṇāpesi – ‘‘ahaṃ tāta vuḍḍho mahallako, sādhu me jīvantasseva puttaṃ dassehī’’ti. So ‘‘sādhū’’ti paṭissuṇitvā purisasahassaparivāro rājagahaṃ gantvā bhagavato pāde vanditvā nisīdi. Athassa bhagavā dhammakathaṃ kathesi, so pasīditvā pabbajjañceva upasampadañca yāci. Tato naṃ bhagavā ehibhikkhūpasampadāya upasampādesi , so sapariso arahattaṃ patvā tattheva phalasamāpattisukhaṃ anubhavamāno vihāsi. Rājā teneva upāyena aparepi aṭṭha dūte pahiṇi, tepi sabbe saparisā tatheva arahattaṃ patvā tattheva vihariṃsu. ‘‘Iminā nāma kāraṇena te nāgacchantī’’ti rañño koci pavattimattampi ārocento natthi.
ат̇а рааж̇аа б̣од̇хисад̇д̇зна сад̣̇д̇хим̣ згад̣̇ивасам̣ж̇аад̇ам̣ гаал̣уд̣̇ааяим̣ наама амажжам̣ бахин̣ид̇угаамо буриманаязнзва яаажи, со ‘‘сажз ахам̣ баб̣б̣аж̇ид̇ум̣ лабхаами, д̣̇ассзссаамий’’д̇и ааха. д̇ам̣ рааж̇аа ‘‘баб̣б̣аж̇ид̇вааби мз буд̇д̇ам̣ д̣̇ассзхий’’д̇и бахин̣и; соби бурисасахассабаривааро г̇анд̇ваа д̇ат̇зва сабаривааро арахад̇д̇ам̣ баабун̣и. со згад̣̇ивасам̣ самбхад̇зсу саб̣б̣асассзсу виссадтагамманд̇зсу ж̇анабад̣̇амануссзсу бубпид̇зсу т̇алаж̇аж̇алаж̇абубпзсу бадибаж̇ж̇анагкамз маг̇г̇з бхаг̇аванд̇ам̣ ванд̣̇ид̇ваа садтимад̇д̇аахи г̇аат̇аахи г̇аманаван̣н̣ам̣ ван̣н̣зси. бхаг̇аваа ‘‘гимзд̇а’’нд̇и бужчи. ‘‘бханд̇з д̇умхаагам̣ бид̇аа суд̣̇д̇ход̣̇анамахаарааж̇аа махаллагомхи, ж̇ийванд̇ассзва мз буд̇д̇ам̣ д̣̇ассзхий’’д̇и мам̣ бзсзси, саад̇ху бханд̇з бхаг̇аваа н̃аад̇агаанам̣ сан̇г̇ахам̣ гарод̇у, гаало жааригам̣ баггамид̇унд̇и. д̇зна хи сан̇гхасса аарожзхи, ‘‘бхигкуу г̇амияавад̇д̇ам̣ буурзссанд̇ий’’д̇и. ‘‘саад̇ху бханд̇з’’д̇и т̇зро д̇ат̇аа агааси. бхаг̇аваа ан̇г̇амаг̇ад̇хаваасийнам̣ гулабуд̇д̇аанам̣ д̣̇асахи сахассзхи габилавад̇т̇уваасийнам̣ д̣̇асахийд̇и саб̣б̣зхзва вийсад̇исахассзхи кийн̣аасавзхи баривуд̇о рааж̇аг̇ахаа нигкамид̇ваа рааж̇аг̇ахад̇о садтияож̇анигам̣ габилавад̇т̇ум̣ д̣̇ивасз д̣̇ивасз яож̇анам̣ г̇ажчанд̇о д̣̇вийхи маасзхи баабун̣иссаамийд̇и ад̇урид̇ажааригам̣ баггаами. д̇зна вуд̇д̇ам̣ – ‘‘язна габилавад̇т̇у д̇зна жааригам̣ баггаамий’’д̇и.
Atha rājā bodhisattena saddhiṃ ekadivasaṃjātaṃ kāḷudāyiṃ nāma amaccaṃ pahiṇitukāmo purimanayeneva yāci, so ‘‘sace ahaṃ pabbajituṃ labhāmi, dassessāmī’’ti āha. Taṃ rājā ‘‘pabbajitvāpi me puttaṃ dassehī’’ti pahiṇi; sopi purisasahassaparivāro gantvā tatheva saparivāro arahattaṃ pāpuṇi. So ekadivasaṃ sambhatesu sabbasassesu vissaṭṭhakammantesu janapadamanussesu pupphitesu thalajajalajapupphesu paṭipajjanakkhame magge bhagavantaṃ vanditvā saṭṭhimattāhi gāthāhi gamanavaṇṇaṃ vaṇṇesi. Bhagavā ‘‘kimeta’’nti pucchi. ‘‘Bhante tumhākaṃ pitā suddhodanamahārājā mahallakomhi, jīvantasseva me puttaṃ dassehī’’ti maṃ pesesi, sādhu bhante bhagavā ñātakānaṃ saṅgahaṃ karotu, kālo cārikaṃ pakkamitunti. Tena hi saṅghassa ārocehi, ‘‘bhikkhū gamiyavattaṃ pūressantī’’ti. ‘‘Sādhu bhante’’ti thero tathā akāsi. Bhagavā aṅgamagadhavāsīnaṃ kulaputtānaṃ dasahi sahassehi kapilavatthuvāsīnaṃ dasahīti sabbeheva vīsatisahassehi khīṇāsavehi parivuto rājagahā nikkhamitvā rājagahato saṭṭhiyojanikaṃ kapilavatthuṃ divase divase yojanaṃ gacchanto dvīhi māsehi pāpuṇissāmīti aturitacārikaṃ pakkāmi. Tena vuttaṃ – ‘‘yena kapilavatthu tena cārikaṃ pakkāmī’’ti.
звам̣ багганд̇з жа бхаг̇авад̇и уд̣̇ааяид̇т̇зро нигканд̇ад̣̇ивасад̇о бадтааяа суд̣̇д̇ход̣̇анамахаарааж̇асса г̇зхз бхад̇д̇агижжам̣ гарод̇и. рааж̇аа т̇зрам̣ баривисид̇ваа бад̇д̇ам̣ г̇анд̇хажун̣н̣зна уб̣б̣аддзд̇ваа уд̇д̇амабхож̇анасса буурзд̇ваа ‘‘бхаг̇авад̇о д̣̇зхий’’д̇и т̇зрасса хад̇т̇з табзд̇и. т̇зроби д̇ат̇зва гарод̇и. ид̇и бхаг̇аваа анд̇араамаг̇г̇з ран̃н̃оязва бин̣д̣абаад̇ам̣ барибхун̃ж̇и. т̇зроби жа бхад̇д̇агижжаавасаанз д̣̇ивасз д̣̇ивасз ран̃н̃о аарожзд̇и ‘‘аж̇ж̇а бхаг̇аваа зд̇д̇агам̣ ааг̇ад̇о’’д̇и, б̣уд̣̇д̇хаг̇ун̣абадисам̣яуд̇д̇ааяа жа гат̇ааяа саагияаанам̣ бхаг̇авад̇и сад̣̇д̇хам̣ уббаад̣̇зси. д̇знзва нам̣ бхаг̇аваа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ гулаббасаад̣̇агаанам̣ яад̣̇ид̣̇ам̣ гаал̣уд̣̇ааяий’’д̇и зд̇ад̣̇аг̇г̇з табзси.
Evaṃ pakkante ca bhagavati udāyitthero nikkhantadivasato paṭṭhāya suddhodanamahārājassa gehe bhattakiccaṃ karoti. Rājā theraṃ parivisitvā pattaṃ gandhacuṇṇena ubbaṭṭetvā uttamabhojanassa pūretvā ‘‘bhagavato dehī’’ti therassa hatthe ṭhapeti. Theropi tatheva karoti. Iti bhagavā antarāmagge raññoyeva piṇḍapātaṃ paribhuñji. Theropi ca bhattakiccāvasāne divase divase rañño āroceti ‘‘ajja bhagavā ettakaṃ āgato’’ti, buddhaguṇapaṭisaṃyuttāya ca kathāya sākiyānaṃ bhagavati saddhaṃ uppādesi. Teneva naṃ bhagavā ‘‘etadaggaṃ, bhikkhave, mama sāvakānaṃ bhikkhūnaṃ kulappasādakānaṃ yadidaṃ kāḷudāyī’’ti etadagge ṭhapesi.
саагияааби ко ануббад̇д̇з бхаг̇авад̇и ‘‘амхаагам̣ н̃аад̇исздтам̣ бассиссаамаа’’д̇и саннибад̇ид̇ваа бхаг̇авад̇о васанадтаанам̣ виймам̣самаанаа ниг̇род̇хасаггасса аараамо раман̣ийяод̇и саллагкзд̇ваа д̇ад̇т̇а саб̣б̣ам̣ бадиж̇аг̇г̇анавид̇хим̣ гаарзд̇ваа г̇анд̇хабубпаад̣̇ихад̇т̇аа бажжуг̇г̇аманам̣ гаронд̇аа саб̣б̣аалан̇гаарабадиман̣д̣ид̇з д̣̇ахарад̣̇ахарз нааг̇аригад̣̇аарагз жа д̣̇ааригааяо жа батамам̣ бахин̣им̣су, д̇ад̇о рааж̇агумаарз жа рааж̇агумааригааяо жа д̇зсам̣ ананд̇араа саамам̣ г̇анд̇ваа г̇анд̇хабубпажун̣н̣аад̣̇ийхи бууж̇аяамаанаа бхаг̇аванд̇ам̣ г̇ахзд̇ваа ниг̇род̇хаараамамзва аг̇амам̣су. д̇ад̇ра бхаг̇аваа вийсад̇исахассакийн̣аасавабаривуд̇о бан̃н̃ад̇д̇авараб̣уд̣̇д̇хаасанз нисийд̣̇и. саагияаа маанаж̇аад̇игаа маанат̇ад̣̇д̇хаа, д̇з ‘‘сид̣̇д̇хад̇т̇агумааро амхзхи д̣̇ахарад̇арова амхаагам̣ ганидто, бхааг̇инзяяо, буд̇д̇о, над̇д̇аа’’д̇и жинд̇зд̇ваа д̣̇ахарад̣̇ахарз рааж̇агумаарз аахам̣су – ‘‘д̇умхз ванд̣̇ат̇а, маяам̣ д̇умхаагам̣ бидтид̇о нисийд̣̇иссаамаа’’д̇и.
Sākiyāpi kho anuppatte bhagavati ‘‘amhākaṃ ñātiseṭṭhaṃ passissāmā’’ti sannipatitvā bhagavato vasanaṭṭhānaṃ vīmaṃsamānā nigrodhasakkassa ārāmo ramaṇīyoti sallakkhetvā tattha sabbaṃ paṭijagganavidhiṃ kāretvā gandhapupphādihatthā paccuggamanaṃ karontā sabbālaṅkārapaṭimaṇḍite daharadahare nāgarikadārake ca dārikāyo ca paṭhamaṃ pahiṇiṃsu, tato rājakumāre ca rājakumārikāyo ca tesaṃ anantarā sāmaṃ gantvā gandhapupphacuṇṇādīhi pūjayamānā bhagavantaṃ gahetvā nigrodhārāmameva agamaṃsu. Tatra bhagavā vīsatisahassakhīṇāsavaparivuto paññattavarabuddhāsane nisīdi. Sākiyā mānajātikā mānathaddhā, te ‘‘siddhatthakumāro amhehi daharatarova amhākaṃ kaniṭṭho, bhāgineyyo, putto, nattā’’ti cintetvā daharadahare rājakumāre āhaṃsu – ‘‘tumhe vandatha, mayaṃ tumhākaṃ piṭṭhito nisīdissāmā’’ti.
д̇зсу звам̣ нисиннзсу бхаг̇аваа д̇зсам̣ аж̇жхаасаяам̣ ологзд̇ваа ‘‘на мам̣ н̃аад̇ий ванд̣̇анд̇и, ханд̣̇а нз ванд̣̇аабаяиссаамий’’д̇и абхин̃н̃аабаад̣̇агам̣ жад̇уд̇т̇аж̇жхаанам̣ самаабаж̇ж̇ид̇ваа вудтааяа ид̣̇д̇хияаа аагаасам̣ аб̣бхуг̇г̇анд̇ваа д̇зсам̣ сийсз баад̣̇абам̣сум̣ огирамаано вияа ган̣д̣амб̣амуулз яамагабаадихаарияасад̣̇исам̣ баадихаарияамагааси. рааж̇аа д̇ам̣ ажчарияам̣ д̣̇исваа ааха – ‘‘бхаг̇аваа д̇умхаагам̣ ман̇г̇алад̣̇ивасз б̣раахман̣асса ванд̣̇анад̇т̇ам̣ убанийд̇аанам̣ баад̣̇з во баривад̇д̇ид̇ваа б̣раахман̣асса мад̇т̇агз бад̇идтид̇з д̣̇исвааби ахам̣ д̇умхз ванд̣̇им̣, аяам̣ мз батамаванд̣̇анаа. ваббаман̇г̇алад̣̇ивасз ж̇амб̣ужчааяааяа сирисаяанз нибаннаанам̣ во ж̇амб̣ужчааяааяа абаривад̇д̇анам̣ д̣̇исвааби баад̣̇з ванд̣̇им̣, аяам̣ мз д̣̇уд̇ияаванд̣̇анаа. ид̣̇аани имам̣ ад̣̇идтабуб̣б̣ам̣ баадихаарияам̣ д̣̇исвааби д̇умхаагам̣ баад̣̇з ванд̣̇аами, аяам̣ мз д̇ад̇ияаванд̣̇анаа’’д̇и.
Tesu evaṃ nisinnesu bhagavā tesaṃ ajjhāsayaṃ oloketvā ‘‘na maṃ ñātī vandanti, handa ne vandāpayissāmī’’ti abhiññāpādakaṃ catutthajjhānaṃ samāpajjitvā vuṭṭhāya iddhiyā ākāsaṃ abbhuggantvā tesaṃ sīse pādapaṃsuṃ okiramāno viya kaṇḍambamūle yamakapāṭihāriyasadisaṃ pāṭihāriyamakāsi. Rājā taṃ acchariyaṃ disvā āha – ‘‘bhagavā tumhākaṃ maṅgaladivase brāhmaṇassa vandanatthaṃ upanītānaṃ pāde vo parivattitvā brāhmaṇassa matthake patiṭṭhite disvāpi ahaṃ tumhe vandiṃ, ayaṃ me paṭhamavandanā. Vappamaṅgaladivase jambucchāyāya sirisayane nipannānaṃ vo jambucchāyāya aparivattanaṃ disvāpi pāde vandiṃ, ayaṃ me dutiyavandanā. Idāni imaṃ adiṭṭhapubbaṃ pāṭihāriyaṃ disvāpi tumhākaṃ pāde vandāmi, ayaṃ me tatiyavandanā’’ti.
суд̣̇д̇ход̣̇анамахаарааж̇зна бана ванд̣̇ид̇з бхаг̇авад̇и аванд̣̇ид̇ваа тид̇о наама згасаагияоби наахоси, саб̣б̣зязва ванд̣̇им̣су. ид̇и бхаг̇аваа н̃аад̇аяо ванд̣̇аабзд̇ваа аагаасад̇о оруяха бан̃н̃ад̇д̇з аасанз нисийд̣̇и. нисиннз бхаг̇авад̇и сикааббад̇д̇о н̃аад̇исамааг̇амо ахоси, саб̣б̣з згаг̇г̇аа саннибад̇им̣су. д̇ад̇о махаамзгхо богкаравассам̣ васси, д̇амб̣аван̣н̣амуд̣̇агам̣ хздтаа вираванд̇ам̣ г̇ажчад̇и. гассажи сарийрз згаб̣инд̣̇умад̇д̇амби на бад̇ад̇и, д̇ам̣ д̣̇исваа саб̣б̣з ажчарияаб̣бхуд̇аж̇аад̇аа ахзсум̣. бхаг̇аваа ‘‘на ид̣̇аанзва маяхам̣ н̃аад̇исамааг̇амз богкаравассам̣ вассад̇и, ад̇ийд̇зби вассий’’д̇и имиссаа адтуббад̇д̇ияаа взссанд̇араж̇аад̇агам̣ гат̇зси. д̇хаммад̣̇зсанам̣ суд̇ваа саб̣б̣з удтааяа ванд̣̇ид̇ваа бад̣̇агкин̣ам̣ гад̇ваа баггамим̣су. згоби рааж̇аа ваа рааж̇амахаамад̇д̇о ваа ‘‘свз амхаагам̣ бхигкам̣ г̇ан̣хат̇аа’’д̇и вад̇ваа г̇ад̇о наама над̇т̇и.
Suddhodanamahārājena pana vandite bhagavati avanditvā ṭhito nāma ekasākiyopi nāhosi, sabbeyeva vandiṃsu. Iti bhagavā ñātayo vandāpetvā ākāsato oruyha paññatte āsane nisīdi. Nisinne bhagavati sikhāppatto ñātisamāgamo ahosi, sabbe ekaggā sannipatiṃsu. Tato mahāmegho pokkharavassaṃ vassi, tambavaṇṇamudakaṃ heṭṭhā viravantaṃ gacchati. Kassaci sarīre ekabindumattampi na patati, taṃ disvā sabbe acchariyabbhutajātā ahesuṃ. Bhagavā ‘‘na idāneva mayhaṃ ñātisamāgame pokkharavassaṃ vassati, atītepi vassī’’ti imissā aṭṭhuppattiyā vessantarajātakaṃ kathesi. Dhammadesanaṃ sutvā sabbe uṭṭhāya vanditvā padakkhiṇaṃ katvā pakkamiṃsu. Ekopi rājā vā rājamahāmatto vā ‘‘sve amhākaṃ bhikkhaṃ gaṇhathā’’ti vatvā gato nāma natthi.
бхаг̇аваа д̣̇уд̇ияад̣̇ивасз вийсад̇ибхигкусахассабаривааро габилавад̇т̇ум̣ бин̣д̣ааяа баависи, на гожи бажжуг̇г̇анд̇ваа ниманд̇зси ваа бад̇д̇ам̣ ваа аг̇г̇ахзси. бхаг̇аваа инд̣̇акийлз тид̇о ааваж̇ж̇зси – ‘‘гат̇ам̣ ну ко буб̣б̣з б̣уд̣̇д̇хаа гуланаг̇арз бин̣д̣ааяа жарим̣су, гим̣ уббадибаадияаа иссараж̇анаанам̣ гхараани аг̇амам̣су, уд̣̇ааху сабад̣̇аанажааригам̣ жарим̣суу’’д̇и. д̇ад̇о згаб̣уд̣̇д̇хассаби уббадибаадияаа г̇аманам̣ ад̣̇исваа ‘‘маяааби ид̣̇аани аяамзва вам̣со аяам̣ бавзн̣ий баг̇г̇ахзд̇аб̣б̣аа, ааяад̇ин̃жа мз саавагааби мамзва анусигканд̇аа бин̣д̣ажаарияавад̇д̇ам̣ буурзссанд̇ий’’д̇и годияам̣ нивидтаг̇зхад̇о бадтааяа сабад̣̇аанам̣ бин̣д̣ааяа жарад̇и. ‘‘аяяо гира сид̣̇д̇хад̇т̇агумааро бин̣д̣ааяа жарад̇ий’’д̇и жад̇убхуумагаад̣̇ийсу баасаад̣̇зсу сийхабан̃ж̇арам̣ виварид̇ваа махааж̇ано д̣̇ассанаб̣яаавадо ахоси. раахуламаад̇ааби д̣̇звий ‘‘аяяабуд̇д̇о гира имасмим̣язва наг̇арз махад̇аа рааж̇аанубхаавзна суван̣н̣асивигаад̣̇ийхи вижарид̇ваа ид̣̇аани гзсамассум̣ охаарзд̇ваа гаасааяавад̇т̇авасано габаалахад̇т̇о бин̣д̣ааяа жарад̇и, ‘‘собхад̇и ну ко но ваа’’д̇и сийхабан̃ж̇арам̣ виварид̇ваа ологаяамаанаа бхаг̇аванд̇ам̣ наанаавирааг̇асамуж̇ж̇алааяа сарийраббабхааяа наг̇аравийт̇ияо обхаасзд̇ваа б̣уд̣̇д̇хасирияаа вирожамаанам̣ д̣̇исваа ун̣хийсад̇о бадтааяа яаава баад̣̇ад̇алаа нарасийхаг̇аат̇аахи наама адтахи г̇аат̇аахи абхид̇т̇авид̇ваа ран̃н̃о санд̇игам̣ г̇анд̇ваа ‘‘д̇умхаагам̣ буд̇д̇о бин̣д̣ааяа жарад̇ий’’д̇и ран̃н̃о аарожзси. рааж̇аа сам̣виг̇г̇ахад̣̇аяо хад̇т̇зна саадагам̣ сан̣таабаяамаано д̇урид̇ад̇урид̇ам̣ нигкамид̇ваа взг̇зна г̇анд̇ваа бхаг̇авад̇о бурад̇о тад̇ваа ааха – ‘‘гим̣ бханд̇з амхз лаж̇ж̇аабзт̇а, гимад̇т̇ам̣ бин̣д̣ааяа жарат̇а, гим̣ зд̇д̇агаанам̣ бхигкуунам̣ на саггаа бхад̇д̇ам̣ лад̣̇д̇хунд̇и звам̣сан̃н̃ино ахувад̇т̇аа’’д̇и. вам̣сажаарид̇д̇амзд̇ам̣ махаарааж̇а амхааганд̇и. нану бханд̇з амхаагам̣ махаасаммад̇акад̇д̇ияавам̣со наама вам̣со, д̇ад̇т̇а жа згакад̇д̇ияоби бхигкаажааро наама над̇т̇ийд̇и. аяам̣ махаарааж̇а вам̣со наама д̇ава вам̣со, амхаагам̣ бана б̣уд̣̇д̇хавам̣со вам̣со наама, саб̣б̣аб̣уд̣̇д̇хаа жа бин̣д̣ажааригаа ахзсунд̇и анд̇аравийт̇ияам̣ тид̇ова –
Bhagavā dutiyadivase vīsatibhikkhusahassaparivāro kapilavatthuṃ piṇḍāya pāvisi, na koci paccuggantvā nimantesi vā pattaṃ vā aggahesi. Bhagavā indakhīle ṭhito āvajjesi – ‘‘kathaṃ nu kho pubbe buddhā kulanagare piṇḍāya cariṃsu, kiṃ uppaṭipāṭiyā issarajanānaṃ gharāni agamaṃsu, udāhu sapadānacārikaṃ cariṃsū’’ti. Tato ekabuddhassapi uppaṭipāṭiyā gamanaṃ adisvā ‘‘mayāpi idāni ayameva vaṃso ayaṃ paveṇī paggahetabbā, āyatiñca me sāvakāpi mameva anusikkhantā piṇḍacāriyavattaṃ pūressantī’’ti koṭiyaṃ niviṭṭhagehato paṭṭhāya sapadānaṃ piṇḍāya carati. ‘‘Ayyo kira siddhatthakumāro piṇḍāya caratī’’ti catubhūmakādīsu pāsādesu sīhapañjaraṃ vivaritvā mahājano dassanabyāvaṭo ahosi. Rāhulamātāpi devī ‘‘ayyaputto kira imasmiṃyeva nagare mahatā rājānubhāvena suvaṇṇasivikādīhi vicaritvā idāni kesamassuṃ ohāretvā kāsāyavatthavasano kapālahattho piṇḍāya carati, ‘‘sobhati nu kho no vā’’ti sīhapañjaraṃ vivaritvā olokayamānā bhagavantaṃ nānāvirāgasamujjalāya sarīrappabhāya nagaravīthiyo obhāsetvā buddhasiriyā virocamānaṃ disvā uṇhīsato paṭṭhāya yāva pādatalā narasīhagāthāhi nāma aṭṭhahi gāthāhi abhitthavitvā rañño santikaṃ gantvā ‘‘tumhākaṃ putto piṇḍāya caratī’’ti rañño ārocesi. Rājā saṃviggahadayo hatthena sāṭakaṃ saṇṭhāpayamāno turitaturitaṃ nikkhamitvā vegena gantvā bhagavato purato ṭhatvā āha – ‘‘kiṃ bhante amhe lajjāpetha, kimatthaṃ piṇḍāya caratha, kiṃ ettakānaṃ bhikkhūnaṃ na sakkā bhattaṃ laddhunti evaṃsaññino ahuvatthā’’ti. Vaṃsacārittametaṃ mahārāja amhākanti. Nanu bhante amhākaṃ mahāsammatakhattiyavaṃso nāma vaṃso, tattha ca ekakhattiyopi bhikkhācāro nāma natthīti. Ayaṃ mahārāja vaṃso nāma tava vaṃso, amhākaṃ pana buddhavaṃso vaṃso nāma, sabbabuddhā ca piṇḍacārikā ahesunti antaravīthiyaṃ ṭhitova –
‘‘уд̇д̇идтз наббамаж̇ж̇зяяа, д̇хаммам̣ сужарид̇ам̣ жарз;
‘‘Uttiṭṭhe nappamajjeyya, dhammaṃ sucaritaṃ care;
д̇хаммажаарий сукам̣ сзд̇и, асмим̣ логз барамхи жаа’’д̇и.
Dhammacārī sukhaṃ seti, asmiṃ loke paramhi cā’’ti.
имам̣ г̇аат̇амааха. г̇аат̇аабарияосаанз рааж̇аа сод̇аабад̇д̇ипалам̣ сажчаагааси.
Imaṃ gāthamāha. Gāthāpariyosāne rājā sotāpattiphalaṃ sacchākāsi.
‘‘д̇хаммам̣ жарз сужарид̇ам̣, на нам̣ д̣̇ужжарид̇ам̣ жарз;
‘‘Dhammaṃ care sucaritaṃ, na naṃ duccaritaṃ care;
д̇хаммажаарий сукам̣ сзд̇и, асмим̣ логз барамхи жаа’’д̇и.
Dhammacārī sukhaṃ seti, asmiṃ loke paramhi cā’’ti.
имам̣ бана г̇аат̇ам̣ суд̇ваа сагад̣̇ааг̇аамипалз бад̇идтааси, д̇хаммабаалаж̇аад̇агам̣ суд̇ваа анааг̇аамипалз бад̇идтааси, маран̣асамаяз сзд̇ажчад̇д̇асса хздтаа сирисаяанз нибанноязва арахад̇д̇ам̣ баабун̣и. аран̃н̃аваасзна бад̇хаанаануяог̇агижжам̣ ран̃н̃о наахоси.
Imaṃ pana gāthaṃ sutvā sakadāgāmiphale patiṭṭhāsi, dhammapālajātakaṃ sutvā anāgāmiphale patiṭṭhāsi, maraṇasamaye setacchattassa heṭṭhā sirisayane nipannoyeva arahattaṃ pāpuṇi. Araññavāsena padhānānuyogakiccaṃ rañño nāhosi.
сод̇аабад̇д̇ипалан̃жа сажчигад̇ваа зва бана бхаг̇авад̇о бад̇д̇ам̣ г̇ахзд̇ваа сабарисам̣ бхаг̇аванд̇ам̣ махаабаасаад̣̇ам̣ ааробзд̇ваа бан̣ийд̇зна каад̣̇анийязна бхож̇анийязна баривиси. бхад̇д̇агижжаавасаанз саб̣б̣ам̣ ид̇т̇ааг̇аарам̣ ааг̇анд̇ваа бхаг̇аванд̇ам̣ ванд̣̇и табзд̇ваа раахуламаад̇арам̣. саа бана ‘‘г̇ажча аяяабуд̇д̇ам̣ ванд̣̇аахий’’д̇и бариж̇анзна вужжамаанааби ‘‘сажз маяхам̣ г̇ун̣о ад̇т̇и, саяамзва аяяабуд̇д̇о ааг̇амиссад̇и , ааг̇ад̇ам̣ нам̣ ванд̣̇иссаамий’’д̇и вад̇ваа на аг̇амааси. ат̇а бхаг̇аваа рааж̇аанам̣ бад̇д̇ам̣ г̇аахаабзд̇ваа д̣̇вийхи аг̇г̇асаавагзхи сад̣̇д̇хим̣ рааж̇ад̇хийд̇ааяа сириг̇аб̣бхам̣ г̇анд̇ваа ‘‘рааж̇ад̇хийд̇аа яат̇ааружияаа ванд̣̇амаанаа на гин̃жи вад̇д̇аб̣б̣аа’’д̇и вад̇ваа бан̃н̃ад̇д̇з аасанз нисийд̣̇и. саа взг̇зна ааг̇анд̇ваа г̇обпагзсу г̇ахзд̇ваа баад̣̇абидтияам̣ сийсам̣ баривад̇д̇зд̇ваа баривад̇д̇зд̇ваа яат̇ааж̇жхаасаяам̣ ванд̣̇и.
Sotāpattiphalañca sacchikatvā eva pana bhagavato pattaṃ gahetvā saparisaṃ bhagavantaṃ mahāpāsādaṃ āropetvā paṇītena khādanīyena bhojanīyena parivisi. Bhattakiccāvasāne sabbaṃ itthāgāraṃ āgantvā bhagavantaṃ vandi ṭhapetvā rāhulamātaraṃ. Sā pana ‘‘gaccha ayyaputtaṃ vandāhī’’ti parijanena vuccamānāpi ‘‘sace mayhaṃ guṇo atthi, sayameva ayyaputto āgamissati , āgataṃ naṃ vandissāmī’’ti vatvā na agamāsi. Atha bhagavā rājānaṃ pattaṃ gāhāpetvā dvīhi aggasāvakehi saddhiṃ rājadhītāya sirigabbhaṃ gantvā ‘‘rājadhītā yathāruciyā vandamānā na kiñci vattabbā’’ti vatvā paññatte āsane nisīdi. Sā vegena āgantvā gopphakesu gahetvā pādapiṭṭhiyaṃ sīsaṃ parivattetvā parivattetvā yathājjhāsayaṃ vandi.
рааж̇аа рааж̇ад̇хийд̇ааяа бхаг̇авад̇и синзхаб̣ахумаанаад̣̇иг̇ун̣асамбад̇д̇им̣ гат̇зси. бхаг̇аваа ‘‘анажчарияам̣ махаарааж̇а яам̣ ид̣̇аани барибаггз н̃аан̣з д̇аяаа рагкияамаанаа рааж̇ад̇хийд̇аа ад̇д̇аанам̣ рагки, саа буб̣б̣з анаарагкаа баб̣б̣ад̇абаад̣̇з вижарамаанаа абарибаггз н̃аан̣з ад̇д̇аанам̣ рагкий’’д̇и вад̇ваа жанд̣̇агиннарийж̇аад̇агам̣ гат̇зси.
Rājā rājadhītāya bhagavati sinehabahumānādiguṇasampattiṃ kathesi. Bhagavā ‘‘anacchariyaṃ mahārāja yaṃ idāni paripakke ñāṇe tayā rakkhiyamānā rājadhītā attānaṃ rakkhi, sā pubbe anārakkhā pabbatapāde vicaramānā aparipakke ñāṇe attānaṃ rakkhī’’ti vatvā candakinnarījātakaṃ kathesi.
д̇ам̣д̣̇ивасамзва жа нанд̣̇арааж̇агумаарасса гзсависсаж̇ж̇анам̣ баддаб̣анд̇хо гхараман̇г̇алам̣ ааваахаман̇г̇алам̣ чад̇д̇аман̇г̇аланд̇и бан̃жа махааман̇г̇алаани хонд̇и. бхаг̇аваа нанд̣̇ам̣ бад̇д̇ам̣ г̇аахаабзд̇ваа ман̇г̇алам̣ вад̇ваа удтааяаасанаа баггаами. ж̇анабад̣̇агаляаан̣ий гумаарам̣ г̇ажчанд̇ам̣ д̣̇исваа ‘‘д̇увадам̣ ко аяяабуд̇д̇а ааг̇ажчзяяаасий’’д̇и вад̇ваа г̇ийвам̣ басаарзд̇ваа ологзси. соби бхаг̇аванд̇ам̣ ‘‘бад̇д̇ам̣ г̇ан̣хат̇аа’’д̇и вад̇д̇ум̣ ависахамаано вихаарам̣язва аг̇амааси. д̇ам̣ анижчамаанам̣язва бхаг̇аваа баб̣б̣ааж̇зси. ид̇и бхаг̇аваа габилабурам̣ ааг̇анд̇ваа д̣̇уд̇ияад̣̇ивасз нанд̣̇ам̣ баб̣б̣ааж̇зси.
Taṃdivasameva ca nandarājakumārassa kesavissajjanaṃ paṭṭabandho gharamaṅgalaṃ āvāhamaṅgalaṃ chattamaṅgalanti pañca mahāmaṅgalāni honti. Bhagavā nandaṃ pattaṃ gāhāpetvā maṅgalaṃ vatvā uṭṭhāyāsanā pakkāmi. Janapadakalyāṇī kumāraṃ gacchantaṃ disvā ‘‘tuvaṭaṃ kho ayyaputta āgaccheyyāsī’’ti vatvā gīvaṃ pasāretvā olokesi. Sopi bhagavantaṃ ‘‘pattaṃ gaṇhathā’’ti vattuṃ avisahamāno vihāraṃyeva agamāsi. Taṃ anicchamānaṃyeva bhagavā pabbājesi. Iti bhagavā kapilapuraṃ āgantvā dutiyadivase nandaṃ pabbājesi.
сад̇д̇амз д̣̇ивасз раахуламаад̇аа гумаарам̣ алан̇гарид̇ваа бхаг̇авад̇о санд̇игам̣ бзсзси – ‘‘басса д̇аад̇а зд̇ам̣ вийсад̇исахассасаман̣абаривуд̇ам̣ суван̣н̣аван̣н̣ам̣ б̣рахмаруубаван̣н̣ам̣ саман̣ам̣, аяам̣ д̇з бид̇аа, зд̇асса маханд̇аа нид̇хаяо ахзсум̣, д̇яасса нигкаманад̇о бадтааяа на бассаама, г̇ажча нам̣ д̣̇ааяаж̇ж̇ам̣ яаажа, ахам̣ д̇аад̇а гумааро чад̇д̇ам̣ уссаабзд̇ваа жаггавад̇д̇ий бхависсаами, д̇ханзна мз ад̇т̇о, д̇ханам̣ мз д̣̇зхи, саамиго хи буд̇д̇о бид̇усанд̇агассаа’’д̇и. раахулагумааро бхаг̇авад̇о санд̇игам̣ г̇анд̇ваава бид̇усинзхам̣ бадилабхид̇ваа хадтажид̇д̇о ‘‘сукаа д̇з саман̣а чааяаа’’д̇и вад̇ваа ан̃н̃амби б̣ахум̣ ад̇д̇ано ануруубам̣ вад̣̇анд̇о адтааси. бхаг̇аваа гад̇абхад̇д̇агижжо анумод̣̇анам̣ гад̇ваа удтааяаасанаа баггаами. гумаароби ‘‘д̣̇ааяаж̇ж̇ам̣ мз саман̣а д̣̇зхи, д̣̇ааяаж̇ж̇ам̣ мз саман̣а д̣̇зхий’’д̇и бхаг̇аванд̇ам̣ ануб̣анд̇хи. д̇зна вуд̇д̇ам̣ – ‘‘анубуб̣б̣зна жааригам̣ жарамаано язна габилавад̇т̇у…бз… д̣̇ааяаж̇ж̇ам̣ мз саман̣а д̣̇зхий’’д̇и.
Sattame divase rāhulamātā kumāraṃ alaṅkaritvā bhagavato santikaṃ pesesi – ‘‘passa tāta etaṃ vīsatisahassasamaṇaparivutaṃ suvaṇṇavaṇṇaṃ brahmarūpavaṇṇaṃ samaṇaṃ, ayaṃ te pitā, etassa mahantā nidhayo ahesuṃ, tyassa nikkhamanato paṭṭhāya na passāma, gaccha naṃ dāyajjaṃ yāca, ahaṃ tāta kumāro chattaṃ ussāpetvā cakkavattī bhavissāmi, dhanena me attho, dhanaṃ me dehi, sāmiko hi putto pitusantakassā’’ti. Rāhulakumāro bhagavato santikaṃ gantvāva pitusinehaṃ paṭilabhitvā haṭṭhacitto ‘‘sukhā te samaṇa chāyā’’ti vatvā aññampi bahuṃ attano anurūpaṃ vadanto aṭṭhāsi. Bhagavā katabhattakicco anumodanaṃ katvā uṭṭhāyāsanā pakkāmi. Kumāropi ‘‘dāyajjaṃ me samaṇa dehi, dāyajjaṃ me samaṇa dehī’’ti bhagavantaṃ anubandhi. Tena vuttaṃ – ‘‘anupubbena cārikaṃ caramāno yena kapilavatthu…pe… dāyajjaṃ me samaṇa dehī’’ti.
ат̇а ко бхаг̇аваа ааяасманд̇ам̣ саарибуд̇д̇ам̣ ааманд̇зсийд̇и бхаг̇аваа гумаарам̣ на нивад̇д̇аабзси, бариж̇аноби бхаг̇авад̇аа сад̣̇д̇хим̣ г̇ажчанд̇ам̣ нивад̇д̇зд̇ум̣ на висахад̇и. ат̇а аараамам̣ г̇анд̇ваа ‘‘яам̣ аяам̣ бид̇усанд̇агам̣ д̇ханам̣ ижчад̇и, д̇ам̣ ваддаануг̇ад̇ам̣ савигхаад̇агам̣, ханд̣̇асса б̣од̇химан̣д̣з бадилад̣̇д̇хам̣ сад̇д̇авид̇хам̣ арияад̇ханам̣ д̣̇зми, логуд̇д̇арад̣̇ааяаж̇ж̇асса нам̣ саамигам̣ гаромий’’д̇и ааяасманд̇ам̣ саарибуд̇д̇ам̣ ааманд̇зси. ааманд̇зд̇ваа жа банааха – ‘‘д̇зна хи д̇вам̣ саарибуд̇д̇а раахулагумаарам̣ баб̣б̣ааж̇зхий’’д̇и. яасмаа аяам̣ д̣̇ааяаж̇ж̇ам̣ яаажад̇и, д̇асмаа нам̣ логуд̇д̇арад̣̇ааяаж̇ж̇абадилаабхааяа баб̣б̣ааж̇зхийд̇и ад̇т̇о.
Athakho bhagavā āyasmantaṃ sāriputtaṃ āmantesīti bhagavā kumāraṃ na nivattāpesi, parijanopi bhagavatā saddhiṃ gacchantaṃ nivattetuṃ na visahati. Atha ārāmaṃ gantvā ‘‘yaṃ ayaṃ pitusantakaṃ dhanaṃ icchati, taṃ vaṭṭānugataṃ savighātakaṃ, handassa bodhimaṇḍe paṭiladdhaṃ sattavidhaṃ ariyadhanaṃ demi, lokuttaradāyajjassa naṃ sāmikaṃ karomī’’ti āyasmantaṃ sāriputtaṃ āmantesi. Āmantetvā ca panāha – ‘‘tena hi tvaṃ sāriputta rāhulakumāraṃ pabbājehī’’ti. Yasmā ayaṃ dāyajjaṃ yācati, tasmā naṃ lokuttaradāyajjapaṭilābhāya pabbājehīti attho.
ид̣̇аани яаа саа бхаг̇авад̇аа б̣аараан̣асияам̣ д̇ийхи саран̣аг̇аманзхи баб̣б̣аж̇ж̇аа жа убасамбад̣̇аа жа анун̃н̃аад̇аа, д̇ад̇о яасмаа убасамбад̣̇ам̣ бадигкибид̇ваа г̇арубхаавз табзд̇ваа н̃ад̇д̇ижад̇уд̇т̇зна гаммзна убасамбад̣̇аа анун̃н̃аад̇аа, баб̣б̣аж̇ж̇аа бана нзва бадигкид̇д̇аа, на буна анун̃н̃аад̇аа, д̇асмаа анааг̇ад̇з бхигкуунам̣ вимад̇и уббаж̇ж̇иссад̇и – ‘‘аяам̣ баб̣б̣аж̇ж̇аа наама буб̣б̣з убасамбад̣̇аасад̣̇исаа, гим̣ ну ко ид̣̇ааниби убасамбад̣̇аа вияа гаммаваажааяа зва гад̇д̇аб̣б̣аа, уд̣̇ааху саран̣аг̇аманзхий’’д̇и. иман̃жа банад̇т̇ам̣ вид̣̇ид̇ваа бхаг̇аваа буна д̇ийхи саран̣аг̇аманзхи сааман̣зрабаб̣б̣аж̇ж̇ам̣ ануж̇аанид̇угаамо, д̇асмаа д̇хаммасзнаабад̇и д̇ам̣ бхаг̇авад̇о аж̇жхаасаяам̣ вид̣̇ид̇ваа бхаг̇аванд̇ам̣ буна баб̣б̣аж̇ж̇ам̣ ануж̇аанаабзд̇угаамо ааха – ‘‘гат̇аахам̣ бханд̇з раахулагумаарам̣ баб̣б̣ааж̇змий’’д̇и.
Idāni yā sā bhagavatā bārāṇasiyaṃ tīhi saraṇagamanehi pabbajjā ca upasampadā ca anuññātā, tato yasmā upasampadaṃ paṭikkhipitvā garubhāve ṭhapetvā ñatticatutthena kammena upasampadā anuññātā, pabbajjā pana neva paṭikkhittā, na puna anuññātā, tasmā anāgate bhikkhūnaṃ vimati uppajjissati – ‘‘ayaṃ pabbajjā nāma pubbe upasampadāsadisā, kiṃ nu kho idānipi upasampadā viya kammavācāya eva kattabbā, udāhu saraṇagamanehī’’ti. Imañca panatthaṃ viditvā bhagavā puna tīhi saraṇagamanehi sāmaṇerapabbajjaṃ anujānitukāmo, tasmā dhammasenāpati taṃ bhagavato ajjhāsayaṃ viditvā bhagavantaṃ puna pabbajjaṃ anujānāpetukāmo āha – ‘‘kathāhaṃ bhante rāhulakumāraṃ pabbājemī’’ti.
ат̇а ко ааяасмаа саарибуд̇д̇о раахулагумаарам̣ баб̣б̣ааж̇зсийд̇и гумаарасса махаамог̇г̇аллаанад̇т̇зро гзсз чинд̣̇ид̇ваа гаасааяаани д̣̇ад̇ваа саран̣аани ад̣̇ааси. махаагассабад̇т̇зро оваад̣̇аажарияо ахоси. яасмаа бана убаж̇жхааяамуулагаа баб̣б̣аж̇ж̇аа жа убасамбад̣̇аа жа, убаж̇жхааяова д̇ад̇т̇а иссаро, на аажарияо, д̇асмаа вуд̇д̇ам̣ – ‘‘ат̇а ко ааяасмаа саарибуд̇д̇о раахулагумаарам̣ баб̣б̣ааж̇зсий’’д̇и.
Atha kho āyasmā sāriputto rāhulakumāraṃ pabbājesīti kumārassa mahāmoggallānatthero kese chinditvā kāsāyāni datvā saraṇāni adāsi. Mahākassapatthero ovādācariyo ahosi. Yasmā pana upajjhāyamūlakā pabbajjā ca upasampadā ca, upajjhāyova tattha issaro, na ācariyo, tasmā vuttaṃ – ‘‘atha kho āyasmā sāriputto rāhulakumāraṃ pabbājesī’’ti.
звам̣ ‘‘гумааро баб̣б̣аж̇ид̇о’’д̇и суд̇ваа уббаннасам̣взг̇зна хад̣̇аязна ат̇а ко суд̣̇д̇ход̣̇ано саггод̇и саб̣б̣ам̣ вад̇д̇аб̣б̣ам̣. д̇ад̇т̇а яасмаа ун̃чаажарияааяа ж̇ийвад̇о баб̣б̣аж̇ид̇асса ависзсзна ‘‘варам̣ яаажаамий’’д̇и вуд̇д̇з ‘‘яаажассуу’’д̇и важанам̣ аббад̇ируубам̣, на жа б̣уд̣̇д̇хаанам̣ аажин̣н̣ам̣, д̇асмаа ‘‘ад̇игганд̇авараа ко г̇од̇ама д̇ат̇ааг̇ад̇аа’’д̇и вуд̇д̇ам̣. яан̃жа бханд̇з габбад̇и яан̃жа анаваж̇ж̇анд̇и яам̣ д̇умхааган̃жзва д̣̇аад̇ум̣ габбад̇и, анаваж̇ж̇ан̃жа ход̇и, мама жа самбадижчанабажжаяаа вин̃н̃уухи на г̇арахид̇аб̣б̣ам̣ , д̇ам̣ яаажаамийд̇и ад̇т̇о. д̇ат̇аа нанд̣̇з ад̇химад̇д̇ам̣ раахулзд̇и яат̇зва гира б̣од̇хисад̇д̇ам̣ звам̣ нанд̣̇амби раахуламби ман̇г̇алад̣̇ивасз нзмид̇д̇агаа ‘‘жаггавад̇д̇ий бхависсад̇ий’’д̇и б̣яаагарим̣су. ат̇а рааж̇аа ‘‘буд̇д̇асса жаггавад̇д̇исирим̣ бассиссаамий’’д̇и уссаахаж̇аад̇о бхаг̇авад̇о баб̣б̣аж̇ж̇ааяа маханд̇ам̣ ижчаавигхаад̇ам̣ баабун̣и. д̇ад̇о ‘‘нанд̣̇асса жаггавад̇д̇исирим̣ бассиссаамий’’д̇и уссаахам̣ ж̇анзси, д̇амби бхаг̇аваа баб̣б̣ааж̇зси. ид̇и д̇амби д̣̇угкам̣ ад̇хиваасзд̇ваа ‘‘ид̣̇аани раахуласса жаггавад̇д̇исирим̣ бассиссаамий’’д̇и уссаахам̣ ж̇анзси, д̇амби бхаг̇аваа баб̣б̣ааж̇зси. д̇знасса ‘‘ид̣̇аани гулавам̣соби бажчинно, гуд̇о жаггавад̇д̇исирий’’д̇и ад̇хигад̇арам̣ д̣̇угкам̣ уббаж̇ж̇и. д̇зна вуд̇д̇ам̣ – ‘‘д̇ат̇аа нанд̣̇з ад̇химад̇д̇ам̣ раахулз’’д̇и. ран̃н̃о бана ид̇о бажчаа анааг̇аамипалаббад̇д̇и взд̣̇ид̇аб̣б̣аа.
Evaṃ ‘‘kumāro pabbajito’’ti sutvā uppannasaṃvegena hadayena athakho suddhodano sakkoti sabbaṃ vattabbaṃ. Tattha yasmā uñchācariyāya jīvato pabbajitassa avisesena ‘‘varaṃ yācāmī’’ti vutte ‘‘yācassū’’ti vacanaṃ appatirūpaṃ, na ca buddhānaṃ āciṇṇaṃ, tasmā ‘‘atikkantavarā kho gotama tathāgatā’’ti vuttaṃ. Yañca bhante kappati yañca anavajjanti yaṃ tumhākañceva dātuṃ kappati, anavajjañca hoti, mama ca sampaṭicchanapaccayā viññūhi na garahitabbaṃ , taṃ yācāmīti attho. Tathā nande adhimattaṃ rāhuleti yatheva kira bodhisattaṃ evaṃ nandampi rāhulampi maṅgaladivase nemittakā ‘‘cakkavattī bhavissatī’’ti byākariṃsu. Atha rājā ‘‘puttassa cakkavattisiriṃ passissāmī’’ti ussāhajāto bhagavato pabbajjāya mahantaṃ icchāvighātaṃ pāpuṇi. Tato ‘‘nandassa cakkavattisiriṃ passissāmī’’ti ussāhaṃ janesi, tampi bhagavā pabbājesi. Iti tampi dukkhaṃ adhivāsetvā ‘‘idāni rāhulassa cakkavattisiriṃ passissāmī’’ti ussāhaṃ janesi, tampi bhagavā pabbājesi. Tenassa ‘‘idāni kulavaṃsopi pacchinno, kuto cakkavattisirī’’ti adhikataraṃ dukkhaṃ uppajji. Tena vuttaṃ – ‘‘tathā nande adhimattaṃ rāhule’’ti. Rañño pana ito pacchā anāgāmiphalappatti veditabbā.
саад̇ху бханд̇з аяяаад̇и ид̣̇ам̣ гасмаа ааха? со гира жинд̇зси – ‘‘яад̇ра хи наама ахамби б̣уд̣̇д̇хамаамаго д̇хаммамаамаго сан̇гхамаамаго самаано ад̇д̇ано бияад̇арабуд̇д̇з баб̣б̣ааж̇ияамаанз н̃аад̇ивияог̇ад̣̇угкам̣ ад̇хиваасзд̇ум̣ на саггоми, ан̃н̃з ж̇анаа буд̇д̇анад̇д̇агзсу баб̣б̣ааж̇ид̇зсу гат̇ам̣ ад̇хиваасзссанд̇и, д̇асмаа ан̃н̃зсамби д̇аава зваруубам̣ д̣̇угкам̣ маа ахосий’’д̇и ааха. бхаг̇аваа ‘‘саасанз нияяаанигагааран̣ам̣ рааж̇аа вад̣̇ад̇ий’’д̇и д̇хаммагат̇ам̣ гад̇ваа ‘‘на бхигкавз ананун̃н̃аад̇о маад̇аабид̇уухи буд̇д̇о баб̣б̣ааж̇зд̇аб̣б̣о’’д̇и сигкаабад̣̇ам̣ бан̃н̃абзси.
Sādhu bhante ayyāti idaṃ kasmā āha? So kira cintesi – ‘‘yatra hi nāma ahampi buddhamāmako dhammamāmako saṅghamāmako samāno attano piyataraputte pabbājiyamāne ñātiviyogadukkhaṃ adhivāsetuṃ na sakkomi, aññe janā puttanattakesu pabbājitesu kathaṃ adhivāsessanti, tasmā aññesampi tāva evarūpaṃ dukkhaṃ mā ahosī’’ti āha. Bhagavā ‘‘sāsane niyyānikakāraṇaṃ rājā vadatī’’ti dhammakathaṃ katvā ‘‘na bhikkhave ananuññāto mātāpitūhi putto pabbājetabbo’’ti sikkhāpadaṃ paññapesi.
д̇ад̇т̇а маад̇аабид̇уухийд̇и ж̇ананиж̇анагз санд̇хааяа вуд̇д̇ам̣. сажз д̣̇вз ад̇т̇и, д̣̇взби аабужчид̇аб̣б̣аа. сажз бид̇аа мад̇о маад̇аа ваа, яо ж̇ийвад̇и со аабужчид̇аб̣б̣о. баб̣б̣аж̇ид̇ааби аабужчид̇аб̣б̣аава. аабужчанд̇зна саяам̣ ваа г̇анд̇ваа аабужчид̇аб̣б̣ам̣, ан̃н̃о ваа бзсзд̇аб̣б̣о, со зва ваа бзсзд̇аб̣б̣о ‘‘г̇ажча маад̇аабид̇аро аабужчид̇ваа зхий’’д̇и. сажз ‘‘анун̃н̃аад̇омхий’’д̇и вад̣̇ад̇и, сад̣̇д̣̇аханд̇зна баб̣б̣ааж̇зд̇аб̣б̣о. бид̇аа саяам̣ баб̣б̣аж̇ид̇о буд̇д̇амби баб̣б̣ааж̇зд̇угаамо ход̇и, маад̇арам̣ аабужчид̇ваава баб̣б̣ааж̇зд̇у. маад̇аа ваа д̇хийд̇арам̣ баб̣б̣ааж̇зд̇угаамаа, бид̇арам̣ аабужчид̇ваава баб̣б̣ааж̇зд̇у. бид̇аа буд̇д̇ад̣̇аарзна анад̇т̇иго балааяи, маад̇аа ‘‘имам̣ баб̣б̣ааж̇зт̇аа’’д̇и буд̇д̇ам̣ бхигкуунам̣ д̣̇зд̇и, ‘‘бид̇аасса гухи’’нд̇и вуд̇д̇з ‘‘жид̇д̇агзл̣ияам̣ гийл̣ид̇ум̣ балаад̇о’’д̇и вад̣̇ад̇и, д̇ам̣ баб̣б̣ааж̇зд̇ум̣ ваддад̇и. маад̇аа гзнажи бурисзна сад̣̇д̇хим̣ балаад̇аа ход̇и, бид̇аа бана ‘‘баб̣б̣ааж̇зт̇аа’’д̇и д̣̇зд̇и, зд̇т̇ааби зсзва наяо. бид̇аа виббавуд̇т̇о ход̇и, маад̇аа буд̇д̇ам̣ ‘‘баб̣б̣ааж̇зт̇аа’’д̇и ануж̇аанаад̇и, ‘‘бид̇аа д̇асса гухи’’нд̇и вуд̇д̇з ‘‘гим̣ д̇умхаагам̣ бид̇араа, ахам̣ ж̇ааниссаамий’’д̇и вад̣̇ад̇и, баб̣б̣ааж̇зд̇ум̣ ваддад̇ийд̇и гурунд̣̇ияам̣ вуд̇д̇ам̣.
Tattha mātāpitūhīti jananijanake sandhāya vuttaṃ. Sace dve atthi, dvepi āpucchitabbā. Sace pitā mato mātā vā, yo jīvati so āpucchitabbo. Pabbajitāpi āpucchitabbāva. Āpucchantena sayaṃ vā gantvā āpucchitabbaṃ, añño vā pesetabbo, so eva vā pesetabbo ‘‘gaccha mātāpitaro āpucchitvā ehī’’ti. Sace ‘‘anuññātomhī’’ti vadati, saddahantena pabbājetabbo. Pitā sayaṃ pabbajito puttampi pabbājetukāmo hoti, mātaraṃ āpucchitvāva pabbājetu. Mātā vā dhītaraṃ pabbājetukāmā, pitaraṃ āpucchitvāva pabbājetu. Pitā puttadārena anatthiko palāyi, mātā ‘‘imaṃ pabbājethā’’ti puttaṃ bhikkhūnaṃ deti, ‘‘pitāssa kuhi’’nti vutte ‘‘cittakeḷiyaṃ kīḷituṃ palāto’’ti vadati, taṃ pabbājetuṃ vaṭṭati. Mātā kenaci purisena saddhiṃ palātā hoti, pitā pana ‘‘pabbājethā’’ti deti, etthāpi eseva nayo. Pitā vippavuttho hoti, mātā puttaṃ ‘‘pabbājethā’’ti anujānāti, ‘‘pitā tassa kuhi’’nti vutte ‘‘kiṃ tumhākaṃ pitarā, ahaṃ jānissāmī’’ti vadati, pabbājetuṃ vaṭṭatīti kurundiyaṃ vuttaṃ.
маад̇аабид̇аро мад̇аа, д̣̇аараго жуул̣амаад̇аад̣̇ийнам̣ санд̇игз сам̣вад̣̇д̇хо, д̇асмим̣ баб̣б̣ааж̇ияамаанз н̃аад̇агаа галахам̣ ваа гаронд̇и, кияяанд̇и ваа, д̇асмаа виваад̣̇убажчзд̣̇анад̇т̇ам̣ аабужчид̇ваава баб̣б̣ааж̇зд̇аб̣б̣о. анаабужчаа баб̣б̣ааж̇знд̇асса бана аабад̇д̇и над̇т̇и. д̣̇ахарагаалз г̇ахзд̇ваа босанагаа маад̇аабид̇аро наама хонд̇и, д̇зсуби зсзва наяо. буд̇д̇о ад̇д̇аанам̣ ниссааяа ж̇ийвад̇и, на маад̇аабид̇аро. сажзби рааж̇аа ход̇и, аабужчид̇ваава баб̣б̣ааж̇зд̇аб̣б̣о. маад̇аабид̇уухи анун̃н̃аад̇о баб̣б̣аж̇ид̇ваа буна виб̣бхамад̇и, сажзби сад̇агкад̇д̇ум̣ баб̣б̣аж̇ид̇ваа виб̣бхамад̇и, ааг̇ад̇ааг̇ад̇агаалз бунаббунам̣ аабужчид̇ваава баб̣б̣ааж̇зд̇аб̣б̣о. сажз звам̣ вад̣̇анд̇и – ‘‘аяам̣ виб̣бхамид̇ваа г̇зхам̣ ааг̇ад̇о амхаагам̣ гаммам̣ на гарод̇и, баб̣б̣аж̇ид̇ваа д̇умхаагам̣ вад̇д̇ам̣ на буурзд̇и, над̇т̇и имассаабужчанагижжам̣, ааг̇ад̇ааг̇ад̇ам̣ баб̣б̣ааж̇зяяаат̇аа’’д̇и звам̣ ниссадтам̣ буна анаабужчааби баб̣б̣ааж̇зд̇ум̣ ваддад̇и.
Mātāpitaro matā, dārako cūḷamātādīnaṃ santike saṃvaddho, tasmiṃ pabbājiyamāne ñātakā kalahaṃ vā karonti, khiyyanti vā, tasmā vivādupacchedanatthaṃ āpucchitvāva pabbājetabbo. Anāpucchā pabbājentassa pana āpatti natthi. Daharakāle gahetvā posanakā mātāpitaro nāma honti, tesupi eseva nayo. Putto attānaṃ nissāya jīvati, na mātāpitaro. Sacepi rājā hoti, āpucchitvāva pabbājetabbo. Mātāpitūhi anuññāto pabbajitvā puna vibbhamati, sacepi satakkhattuṃ pabbajitvā vibbhamati, āgatāgatakāle punappunaṃ āpucchitvāva pabbājetabbo. Sace evaṃ vadanti – ‘‘ayaṃ vibbhamitvā gehaṃ āgato amhākaṃ kammaṃ na karoti, pabbajitvā tumhākaṃ vattaṃ na pūreti, natthi imassāpucchanakiccaṃ, āgatāgataṃ pabbājeyyāthā’’ti evaṃ nissaṭṭhaṃ puna anāpucchāpi pabbājetuṃ vaṭṭati.
яоби д̣̇ахарагаалзязва ‘‘аяам̣ д̇умхаагам̣ д̣̇инно, яад̣̇аа ижчат̇а, д̇ад̣̇аа баб̣б̣ааж̇зяяаат̇аа’’д̇и звам̣ д̣̇инно ход̇и, соби ааг̇ад̇ааг̇ад̇о буна анаабужчаава баб̣б̣ааж̇зд̇аб̣б̣о. яам̣ бана д̣̇ахарагаалзязва ‘‘имам̣ бханд̇з баб̣б̣ааж̇зяяаат̇аа’’д̇и ануж̇аанид̇ваа бажчаа вуд̣дхиббад̇д̇агаалз наануж̇аананд̇и, аяам̣ на анаабужчаа баб̣б̣ааж̇зд̇аб̣б̣о. зго маад̇аабид̇уухи сад̣̇д̇хим̣ бхан̣д̣ид̇ваа ‘‘баб̣б̣ааж̇зт̇а ма’’нд̇и ааг̇ажчад̇и, ‘‘аабужчид̇ваа зхий’’д̇и жа вуд̇д̇о ‘‘наахам̣ г̇ажчаами, сажз мам̣ на баб̣б̣ааж̇зт̇а, вихаарам̣ ваа жхаабзми, сад̇т̇зна ваа д̇умхз бахараами, д̇умхаагам̣ н̃аад̇агаубадтаагаанам̣ ваа аараамажчзд̣̇анаад̣̇ийхи анад̇т̇ам̣ уббаад̣̇зми, ругкаа ваа бад̇ид̇ваа мараами, жорамаж̇жхам̣ ваа бависаами, д̣̇зсанд̇арам̣ ваа г̇ажчаамий’’д̇и вад̣̇ад̇и, д̇ам̣ ж̇ийвассзва рагкан̣ад̇т̇ааяа баб̣б̣ааж̇зд̇ум̣ ваддад̇и. сажз банасса маад̇аабид̇аро ааг̇анд̇ваа ‘‘гасмаа амхаагам̣ буд̇д̇ам̣ баб̣б̣ааж̇аяид̇т̇аа’’д̇и вад̣̇анд̇и, д̇зсам̣ д̇амад̇т̇ам̣ аарожзд̇ваа ‘‘рагкан̣ад̇т̇ааяа нам̣ баб̣б̣ааж̇аяимха, бан̃н̃ааяат̇а д̇умхз буд̇д̇знаа’’д̇и вад̇д̇аб̣б̣аа. ‘‘ругкаа бад̇иссаамий’’д̇и аарухид̇ваа бана хад̇т̇абаад̣̇з мун̃жанд̇ам̣ баб̣б̣ааж̇зд̇ум̣ ваддад̇иязва.
Yopi daharakāleyeva ‘‘ayaṃ tumhākaṃ dinno, yadā icchatha, tadā pabbājeyyāthā’’ti evaṃ dinno hoti, sopi āgatāgato puna anāpucchāva pabbājetabbo. Yaṃ pana daharakāleyeva ‘‘imaṃ bhante pabbājeyyāthā’’ti anujānitvā pacchā vuḍḍhippattakāle nānujānanti, ayaṃ na anāpucchā pabbājetabbo. Eko mātāpitūhi saddhiṃ bhaṇḍitvā ‘‘pabbājetha ma’’nti āgacchati, ‘‘āpucchitvā ehī’’ti ca vutto ‘‘nāhaṃ gacchāmi, sace maṃ na pabbājetha, vihāraṃ vā jhāpemi, satthena vā tumhe paharāmi, tumhākaṃ ñātakaupaṭṭhākānaṃ vā ārāmacchedanādīhi anatthaṃ uppādemi, rukkhā vā patitvā marāmi, coramajjhaṃ vā pavisāmi, desantaraṃ vā gacchāmī’’ti vadati, taṃ jīvasseva rakkhaṇatthāya pabbājetuṃ vaṭṭati. Sace panassa mātāpitaro āgantvā ‘‘kasmā amhākaṃ puttaṃ pabbājayitthā’’ti vadanti, tesaṃ tamatthaṃ ārocetvā ‘‘rakkhaṇatthāya naṃ pabbājayimha, paññāyatha tumhe puttenā’’ti vattabbā. ‘‘Rukkhā patissāmī’’ti āruhitvā pana hatthapāde muñcantaṃ pabbājetuṃ vaṭṭatiyeva.
згоби вид̣̇зсам̣ г̇анд̇ваа баб̣б̣аж̇ж̇ам̣ яаажад̇и, аабужчид̇ваа жз г̇ад̇о, баб̣б̣ааж̇зд̇аб̣б̣о. но жз д̣̇ахарабхигкум̣ бзсзд̇ваа аабужчаабзд̇ваа баб̣б̣ааж̇зд̇аб̣б̣о, ад̇ид̣̇ууран̃жз ход̇и; баб̣б̣ааж̇зд̇вааби бхигкуухи сад̣̇д̇хим̣ бзсзд̇ваа д̣̇ассзд̇ум̣ ваддад̇и. гурунд̣̇ияам̣ бана вуд̇д̇ам̣ – ‘‘сажз д̣̇уурам̣ ход̇и маг̇г̇о жа махааганд̇ааро, ‘г̇анд̇ваа аабужчиссаамаа’д̇и баб̣б̣ааж̇зд̇ум̣ ваддад̇ий’’д̇и. сажз бана маад̇аабид̇уунам̣ б̣ахуу буд̇д̇аа хонд̇и, зван̃жа вад̣̇анд̇и – ‘‘бханд̇з зд̇зсам̣ д̣̇аарагаанам̣ яам̣ ижчат̇а, д̇ам̣ баб̣б̣ааж̇зяяаат̇аа’’д̇и. д̣̇аарагз виймам̣сид̇ваа яам̣ ижчад̇и, со баб̣б̣ааж̇зд̇аб̣б̣о. сажзби сагалзна гулзна ваа г̇аамзна ваа анун̃н̃аад̇ам̣ ход̇и ‘‘бханд̇з имасмим̣ гулз ваа г̇аамз ваа яам̣ ижчат̇а, д̇ам̣ баб̣б̣ааж̇зяяаат̇аа’’д̇и. яам̣ ижчад̇и, со баб̣б̣ааж̇зд̇аб̣б̣од̇и.
Ekopi videsaṃ gantvā pabbajjaṃ yācati, āpucchitvā ce gato, pabbājetabbo. No ce daharabhikkhuṃ pesetvā āpucchāpetvā pabbājetabbo, atidūrañce hoti; pabbājetvāpi bhikkhūhi saddhiṃ pesetvā dassetuṃ vaṭṭati. Kurundiyaṃ pana vuttaṃ – ‘‘sace dūraṃ hoti maggo ca mahākantāro, ‘gantvā āpucchissāmā’ti pabbājetuṃ vaṭṭatī’’ti. Sace pana mātāpitūnaṃ bahū puttā honti, evañca vadanti – ‘‘bhante etesaṃ dārakānaṃ yaṃ icchatha, taṃ pabbājeyyāthā’’ti. Dārake vīmaṃsitvā yaṃ icchati, so pabbājetabbo. Sacepi sakalena kulena vā gāmena vā anuññātaṃ hoti ‘‘bhante imasmiṃ kule vā gāme vā yaṃ icchatha, taṃ pabbājeyyāthā’’ti. Yaṃ icchati, so pabbājetabboti.
яаавад̇агз ваа бана уссахад̇ийд̇и яад̇д̇агз саггод̇и.
Yāvatakevā pana ussahatīti yattake sakkoti.
раахулавад̇т̇угат̇аа нидтид̇аа.
Rāhulavatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 41. раахулавад̇т̇у • 41. Rāhulavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / раахулавад̇т̇угат̇ааван̣н̣анаа • Rāhulavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / раахулавад̇т̇угат̇ааван̣н̣анаа • Rāhulavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / раахулавад̇т̇угат̇ааван̣н̣анаа • Rāhulavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 41. раахулавад̇т̇угат̇аа • 41. Rāhulavatthukathā
