| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
раахулавад̇т̇угат̇ааван̣н̣анаа
Rāhulavatthukathāvaṇṇanā
105. богкаравассанд̇и богкарз бад̣̇умаг̇ажчз вияа ад̇змид̇угаамаанам̣ сарийрад̇о бавадданагавассам̣. д̇асмим̣ гира вассанд̇з д̇змид̇угаамаава д̇змзнд̇и, на ид̇арз. ‘‘бхигкам̣ г̇ан̣хат̇аа’’д̇и вад̇ваа г̇ад̇о наама над̇т̇ийд̇и ад̇д̇ано санд̇агз раж̇ж̇з саб̣б̣амби саабад̇зяяам̣ саяамзва барибхун̃ж̇иссад̇ийд̇и г̇ааравзна суд̣̇д̇ход̣̇анамахаарааж̇ааби на ниманд̇зси, г̇анд̇ваа бана г̇зхз сагаларад̇д̇им̣ махаад̣̇аанан̃жзва б̣уд̣̇д̇хаббамукасса сан̇гхасса аасанабан̃н̃ад̇д̇идтаанаалан̇гааран̃жа сам̣вид̣̇аханд̇ова вийд̇инаамзси.
105.Pokkharavassanti pokkhare padumagacche viya atemitukāmānaṃ sarīrato pavaṭṭanakavassaṃ. Tasmiṃ kira vassante temitukāmāva tementi, na itare. ‘‘Bhikkhaṃ gaṇhathā’’ti vatvā gato nāma natthīti attano santake rajje sabbampi sāpateyyaṃ sayameva paribhuñjissatīti gāravena suddhodanamahārājāpi na nimantesi, gantvā pana gehe sakalarattiṃ mahādānañceva buddhappamukhassa saṅghassa āsanapaññattiṭṭhānālaṅkārañca saṃvidahantova vītināmesi.
на гожи…бз… бад̇д̇ам̣ ваа аг̇г̇ахзсийд̇и бхаг̇аваа ад̇д̇ано бид̇у нивзсанамзва г̇амиссад̇ийд̇исан̃н̃ааяа наг̇г̇ахзси. гуланаг̇арзд̇и н̃аад̇игуланд̇агз наг̇арз. бин̣д̣ажаарияавад̇д̇анд̇и ад̇д̇ано н̃аад̇иг̇аамзсуби сабад̣̇аанажааригавад̇д̇ам̣. бхигкааяа жааро жаран̣ам̣ зд̇ассаад̇и бхигкаажааро, кад̇д̇ияо.
Nakoci…pe… pattaṃ vā aggahesīti bhagavā attano pitu nivesanameva gamissatītisaññāya naggahesi. Kulanagareti ñātikulantake nagare. Piṇḍacāriyavattanti attano ñātigāmesupi sapadānacārikavattaṃ. Bhikkhāya cāro caraṇaṃ etassāti bhikkhācāro, khattiyo.
уд̇д̇идтзд̇и уд̇д̇идтид̇ваа барзсам̣ гхарад̣̇ваарз уд̣̇д̣̇исса тад̇ваа г̇ахзд̇аб̣б̣абин̣д̣з. наббамаж̇ж̇зяяаад̇и ниманд̇анаад̣̇ивасзна лаб̣бхамаанабан̣ийд̇абхож̇анам̣ бадигкибид̇ваа бин̣д̣ааяа жаран̣авасзна д̇ад̇т̇а наббамаж̇ж̇зяяа. д̇хамманд̇и анзсанам̣ бахааяа сабад̣̇аанам̣ жаранд̇о д̇амзва бхигкаажарияад̇хаммам̣ сужарид̇ам̣ жарзяяа. сукам̣ сзд̇ийд̇и жад̇уухи ирияаабат̇зхи сукам̣ вихарад̇ийд̇и ад̇т̇о.
Uttiṭṭheti uttiṭṭhitvā paresaṃ gharadvāre uddissa ṭhatvā gahetabbapiṇḍe. Nappamajjeyyāti nimantanādivasena labbhamānapaṇītabhojanaṃ paṭikkhipitvā piṇḍāya caraṇavasena tattha nappamajjeyya. Dhammanti anesanaṃ pahāya sapadānaṃ caranto tameva bhikkhācariyadhammaṃ sucaritaṃ careyya. Sukhaṃ setīti catūhi iriyāpathehi sukhaṃ viharatīti attho.
д̣̇уд̇ияаг̇аат̇ааяам̣ на нам̣ д̣̇ужжарид̇анд̇и взсияаад̣̇ибхзд̣̇з аг̇ожарз жаран̣авасзна д̇ам̣ яат̇аавуд̇д̇ам̣ д̇хаммам̣ д̣̇ужжарид̇ам̣ на жа жарз. сзсам̣ вуд̇д̇анаяамзва. имам̣ бана г̇аат̇ам̣ суд̇ваад̇и нивзсанз нисиннзна бхаг̇авад̇аа н̃аад̇исамааг̇амз ад̇д̇ано бин̣д̣ааяа жаран̣ам̣ ниссааяа бавад̇д̇ааяа г̇аат̇ааяа вуд̇д̇ам̣ имам̣ д̣̇уд̇ияаг̇аат̇ам̣ суд̇ваа.
Dutiyagāthāyaṃ na naṃ duccaritanti vesiyādibhede agocare caraṇavasena taṃ yathāvuttaṃ dhammaṃ duccaritaṃ na ca care. Sesaṃ vuttanayameva. Imaṃ pana gāthaṃ sutvāti nivesane nisinnena bhagavatā ñātisamāgame attano piṇḍāya caraṇaṃ nissāya pavattāya gāthāya vuttaṃ imaṃ dutiyagāthaṃ sutvā.
д̇хаммабаалаж̇аад̇аганд̇иаад̣̇ийсу бана д̇ад̇о барагаалзсуби ран̃н̃о бавад̇д̇и бариниб̣б̣аанам̣ баабзд̇ваа яат̇аабасан̇г̇авасзна д̣̇ассзд̇ум̣ вуд̇д̇аа. д̇знааха ‘‘сод̇аабад̇д̇ипалам̣ сажчигад̇ваа’’д̇иаад̣̇и. сириг̇аб̣бхам̣ г̇анд̇ваад̇и зд̇т̇а яад̣̇и хи бхаг̇аваа д̇ад̣̇ахзва г̇анд̇ваа на бассзяяа, саа хад̣̇аязна палид̇зна марзяяаад̇и аг̇амаасийд̇и д̣̇адтаб̣б̣ам̣.
Dhammapālajātakantiādīsu pana tato parakālesupi rañño pavatti parinibbānaṃ pāpetvā yathāpasaṅgavasena dassetuṃ vuttā. Tenāha ‘‘sotāpattiphalaṃ sacchikatvā’’tiādi. Sirigabbhaṃ gantvāti ettha yadi hi bhagavā tadaheva gantvā na passeyya, sā hadayena phalitena mareyyāti agamāsīti daṭṭhabbaṃ.
д̇ам̣ д̣̇ивасамзваад̇и д̇асмим̣ раахуламаад̇уд̣̇ассанад̣̇ивасзязва. д̇хаммабад̣̇адтагат̇ааяам̣ бана ‘‘сад̇т̇аа габилабурам̣ г̇анд̇ваа д̇ад̇ияад̣̇ивасз нанд̣̇ам̣ баб̣б̣ааж̇зсий’’д̇и (д̇ха. ба. адта. 1.12 нанд̣̇ад̇т̇зравад̇т̇у) вуд̇д̇ам̣. гзсависсаж̇ж̇ананд̇и рааж̇амол̣иб̣анд̇ханад̇т̇ам̣ гумаарагаалз б̣анд̇хид̇асикаавзн̣иможанам̣, д̇ам̣ гира гаронд̇аа ман̇г̇алам̣ гаронд̇и. саарад̇т̇ад̣̇ийбанияам̣ бана ‘‘гзсависсаж̇ж̇ананд̇и гуламарияаад̣̇авасзна гзсоробана’’нд̇и (саарад̇т̇а. дий. махааваг̇г̇а 3.105) вуд̇д̇ам̣. баддаб̣анд̇ход̇и ‘‘асугарааж̇аа’’д̇и нал̣аадз суван̣н̣абаддаб̣анд̇ханам̣. абхинавабаасаад̣̇аббавзсаман̇г̇алам̣ гхараман̇г̇алам̣. чад̇д̇уссаабанз ман̇г̇алам̣ чад̇д̇аман̇г̇алам̣. ж̇анабад̣̇агаляаан̣ийд̇и ж̇анабад̣̇амхи галяаан̣ий барзхи асаад̇хааран̣зхи бан̃жагаляаан̣аад̣̇ийхи сахид̇ад̇д̇аа саа звам̣ вуд̇д̇аа. д̇уваданд̇и сийгхам̣. анижчамаананд̇и манасаа арожзнд̇ам̣, ваажааяа бана бхаг̇авад̇аа ‘‘баб̣б̣аж̇иссаси нанд̣̇аа’’д̇и вуд̇д̇з г̇ааравзна бадигкибид̇ум̣ ависаханд̇о ‘‘аамаа’’д̇и авожа. бхаг̇аваа жа зд̇зна лзсзна баб̣б̣ааж̇зси.
Taṃ divasamevāti tasmiṃ rāhulamātudassanadivaseyeva. Dhammapadaṭṭhakathāyaṃ pana ‘‘satthā kapilapuraṃ gantvā tatiyadivase nandaṃ pabbājesī’’ti (dha. pa. aṭṭha. 1.12 nandattheravatthu) vuttaṃ. Kesavissajjananti rājamoḷibandhanatthaṃ kumārakāle bandhitasikhāveṇimocanaṃ, taṃ kira karontā maṅgalaṃ karonti. Sāratthadīpaniyaṃ pana ‘‘kesavissajjananti kulamariyādavasena kesoropana’’nti (sārattha. ṭī. mahāvagga 3.105) vuttaṃ. Paṭṭabandhoti ‘‘asukarājā’’ti naḷāṭe suvaṇṇapaṭṭabandhanaṃ. Abhinavapāsādappavesamaṅgalaṃ gharamaṅgalaṃ. Chattussāpane maṅgalaṃ chattamaṅgalaṃ. Janapadakalyāṇīti janapadamhi kalyāṇī parehi asādhāraṇehi pañcakalyāṇādīhi sahitattā sā evaṃ vuttā. Tuvaṭanti sīghaṃ. Anicchamānanti manasā arocentaṃ, vācāya pana bhagavatā ‘‘pabbajissasi nandā’’ti vutte gāravena paṭikkhipituṃ avisahanto ‘‘āmā’’ti avoca. Bhagavā ca etena lesena pabbājesi.
б̣рахмаруубаван̣н̣анд̇и б̣рахмаруубасамаанаруубам̣. д̇яассаад̇и д̇з асса. нивад̇д̇зд̇ум̣ на висахийд̇и ‘‘маа нам̣ нивад̇д̇аяид̇т̇аа’’д̇и бхаг̇авад̇аа вуд̇д̇ад̇д̇аа наасагки. сад̇д̇авид̇хам̣ арияад̇хананд̇и –
Brahmarūpavaṇṇanti brahmarūpasamānarūpaṃ. Tyassāti te assa. Nivattetuṃ na visahīti ‘‘mā naṃ nivattayitthā’’ti bhagavatā vuttattā nāsakkhi. Sattavidhaṃ ariyadhananti –
‘‘сад̣̇д̇хаад̇ханам̣ сийлад̇ханам̣, хириод̇д̇аббияам̣ д̇ханам̣;
‘‘Saddhādhanaṃ sīladhanaṃ, hiriottappiyaṃ dhanaṃ;
суд̇ад̇ханан̃жа жааг̇о жа, бан̃н̃аа вз сад̇д̇амам̣ д̇хана’’нд̇и. (а. ни. 7.5, 6) –
Sutadhanañca cāgo ca, paññā ve sattamaṃ dhana’’nti. (a. ni. 7.5, 6) –
звам̣ вуд̇д̇ам̣ сад̇д̇авид̇хам̣ арияад̇ханам̣. ад̇химад̇д̇ам̣ раахулзд̇и раахулз баб̣б̣аж̇ид̇з нанд̣̇абаб̣б̣аж̇ж̇ааяа уббаннад̣̇угкад̇оби ад̇хигад̇арам̣ д̣̇угкам̣ ахосийд̇и ад̇т̇о. ид̇о бажчаад̇и ид̇о вуд̇д̇асогуббад̇д̇ид̇о абарад̣̇ивасзсу анааг̇аамийнам̣ н̃аад̇исинзхабадигхажид̇д̇уббаад̣̇аабхааваа. баал̣ияам̣ буд̇д̇абзманд̇иаад̣̇и ран̃н̃аа буд̇д̇асинзхасса д̇иб̣б̣абхаавам̣ д̣̇ассзд̇ум̣ вуд̇д̇ам̣. буд̇д̇асинзхо хи ад̇д̇анаа сахаж̇аад̇абийд̇ивзг̇асамудтид̇аанам̣ руубад̇хаммаанам̣ сагаласарийрам̣ кобхзд̇ваа бавад̇д̇анавасзна ‘‘чавим̣…бз… адтимин̃ж̇ам̣ аахажжа д̇идтад̇ий’’д̇и вуд̇д̇о. ад̇д̇ано бияад̇араад̇и бхаг̇аванд̇ам̣ санд̇хааяа вад̣̇ад̇и. буд̇д̇зд̇и раахулам̣. сад̣̇д̣̇аханд̇знаад̇и д̇асса важанзна авзмад̇игзнаад̇и ад̇т̇о. вимад̇ияаа сад̇и аабад̇д̇и зва.
Evaṃ vuttaṃ sattavidhaṃ ariyadhanaṃ. Adhimattaṃ rāhuleti rāhule pabbajite nandapabbajjāya uppannadukkhatopi adhikataraṃ dukkhaṃ ahosīti attho. Ito pacchāti ito vuttasokuppattito aparadivasesu anāgāmīnaṃ ñātisinehapaṭighacittuppādābhāvā. Pāḷiyaṃ puttapemantiādi raññā puttasinehassa tibbabhāvaṃ dassetuṃ vuttaṃ. Puttasineho hi attanā sahajātapītivegasamuṭṭhitānaṃ rūpadhammānaṃ sakalasarīraṃ khobhetvā pavattanavasena ‘‘chaviṃ…pe… aṭṭhimiñjaṃ āhacca tiṭṭhatī’’ti vutto. Attano piyatarāti bhagavantaṃ sandhāya vadati. Putteti rāhulaṃ. Saddahantenāti tassa vacanena avematikenāti attho. Vimatiyā sati āpatti eva.
раахулавад̇т̇угат̇ааван̣н̣анаа нидтид̇аа.
Rāhulavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 41. раахулавад̇т̇у • 41. Rāhulavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / раахулавад̇т̇угат̇аа • Rāhulavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / раахулавад̇т̇угат̇ааван̣н̣анаа • Rāhulavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / раахулавад̇т̇угат̇ааван̣н̣анаа • Rāhulavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 41. раахулавад̇т̇угат̇аа • 41. Rāhulavatthukathā
