| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. раахуловаад̣̇асуд̇д̇аван̣н̣анаа
8. Rāhulovādasuttavaṇṇanā
121. адтамз вимуд̇д̇ибарибаажанияаад̇и вимуд̇д̇им̣ барибаажзнд̇ийд̇и вимуд̇д̇ибарибаажанияаа. д̇хаммаад̇и баннараса д̇хаммаа, д̇з сад̣̇д̇хинд̣̇рияаад̣̇ийнам̣ висуд̣̇д̇хигаран̣авасзна взд̣̇ид̇аб̣б̣аа. вуд̇д̇ан̃хзд̇ам̣ –
121. Aṭṭhame vimuttiparipācaniyāti vimuttiṃ paripācentīti vimuttiparipācaniyā. Dhammāti pannarasa dhammā, te saddhindriyādīnaṃ visuddhikaraṇavasena veditabbā. Vuttañhetaṃ –
‘‘ассад̣̇д̇хз буг̇г̇алз бариваж̇ж̇аяад̇о, сад̣̇д̇хз буг̇г̇алз сзвад̇о бхаж̇ад̇о баяирубаасад̇о, басаад̣̇анийяз суд̇д̇анд̇з бажжавзгкад̇о, имзхи д̇ийхаагаарзхи сад̣̇д̇хинд̣̇рияам̣ висуж̇жхад̇и. гусийд̇з буг̇г̇алз бариваж̇ж̇аяад̇о, аарад̣̇д̇хавийрияз буг̇г̇алз сзвад̇о бхаж̇ад̇о баяирубаасад̇о, саммаббад̇хаанз бажжавзгкад̇о, имзхи д̇ийхаагаарзхи вийрияинд̣̇рияам̣ висуж̇жхад̇и. мудтассад̇ий буг̇г̇алз бариваж̇ж̇аяад̇о, убадтид̇ассад̇ий буг̇г̇алз сзвад̇о бхаж̇ад̇о баяирубаасад̇о , сад̇ибадтаанз бажжавзгкад̇о, имзхи д̇ийхаагаарзхи сад̇инд̣̇рияам̣ висуж̇жхад̇и. асамаахид̇з буг̇г̇алз бариваж̇ж̇аяад̇о, самаахид̇з буг̇г̇алз сзвад̇о бхаж̇ад̇о баяирубаасад̇о, жхаанавимогкз бажжавзгкад̇о, имзхи д̇ийхаагаарзхи самаад̇хинд̣̇рияам̣ висуж̇жхад̇и. д̣̇уббан̃н̃з буг̇г̇алз бариваж̇ж̇аяад̇о, бан̃н̃аванд̇з буг̇г̇алз сзвад̇о бхаж̇ад̇о баяирубаасад̇о, г̇амбхийран̃аан̣ажарияам̣ бажжавзгкад̇о, имзхи д̇ийхаагаарзхи бан̃н̃инд̣̇рияам̣ висуж̇жхад̇и. ид̇и имз бан̃жа буг̇г̇алз бариваж̇ж̇аяад̇о, бан̃жа буг̇г̇алз сзвад̇о бхаж̇ад̇о баяирубаасад̇о , бан̃жа суд̇д̇анд̇з бажжавзгкад̇о, имзхи баннарасахи аагаарзхи имаани бан̃жинд̣̇рияаани висуж̇жханд̇ий’’д̇и (бади. ма. 1.184).
‘‘Assaddhe puggale parivajjayato, saddhe puggale sevato bhajato payirupāsato, pasādanīye suttante paccavekkhato, imehi tīhākārehi saddhindriyaṃ visujjhati. Kusīte puggale parivajjayato, āraddhavīriye puggale sevato bhajato payirupāsato, sammappadhāne paccavekkhato, imehi tīhākārehi vīriyindriyaṃ visujjhati. Muṭṭhassatī puggale parivajjayato, upaṭṭhitassatī puggale sevato bhajato payirupāsato , satipaṭṭhāne paccavekkhato, imehi tīhākārehi satindriyaṃ visujjhati. Asamāhite puggale parivajjayato, samāhite puggale sevato bhajato payirupāsato, jhānavimokkhe paccavekkhato, imehi tīhākārehi samādhindriyaṃ visujjhati. Duppaññe puggale parivajjayato, paññavante puggale sevato bhajato payirupāsato, gambhīrañāṇacariyaṃ paccavekkhato, imehi tīhākārehi paññindriyaṃ visujjhati. Iti ime pañca puggale parivajjayato, pañca puggale sevato bhajato payirupāsato , pañca suttante paccavekkhato, imehi pannarasahi ākārehi imāni pañcindriyāni visujjhantī’’ti (paṭi. ma. 1.184).
абарзби баннараса д̇хаммаа вимуд̇д̇ибарибаажанияаа – сад̣̇д̇хаабан̃жамаани инд̣̇рияаани, анижжасан̃н̃аа, анижжз д̣̇угкасан̃н̃аа, д̣̇угкз анад̇д̇асан̃н̃аа, бахаанасан̃н̃аа, вирааг̇асан̃н̃аад̇и имаа бан̃жа ниб̣б̣зд̇хабхааг̇ияаа сан̃н̃аа, мзгхияад̇т̇зрасса гат̇ид̇аа галяаан̣амид̇д̇ад̇аад̣̇аяо бан̃жа д̇хаммаад̇и (уд̣̇аа. 31). гааяа бана взлааяа бхаг̇авад̇о зд̇ад̣̇ахосийд̇и? бажжуусасамаяз логам̣ вологзнд̇асса.
Aparepi pannarasa dhammā vimuttiparipācaniyā – saddhāpañcamāni indriyāni, aniccasaññā, anicce dukkhasaññā, dukkhe anattasaññā, pahānasaññā, virāgasaññāti imā pañca nibbedhabhāgiyā saññā, meghiyattherassa kathitā kalyāṇamittatādayo pañca dhammāti (udā. 31). Kāya pana velāya bhagavato etadahosīti? Paccūsasamaye lokaṃ volokentassa.
анзгаани д̣̇звад̇аасахассаанийд̇и ааяасмад̇аа раахулзна бад̣̇умуд̇д̇арасса бхаг̇авад̇о баад̣̇амуулз баалид̇анааг̇арааж̇агаалз бад̇т̇анам̣ бадтабзнд̇зна сад̣̇д̇хим̣ бад̇т̇анам̣ бадтабид̇ад̣̇звад̇аасу бана гаажи бхуумадтагаа д̣̇звад̇аа, гаажи анд̇алигкадтагаа, гаажи жаад̇умахаарааж̇игаа, гаажи д̣̇звалогз, гаажи б̣рахмалогз ниб̣б̣ад̇д̇аа. имасмим̣ бана д̣̇ивасз саб̣б̣ааби д̇аа згадтаанз анд̇хаванасмим̣язва саннибад̇ид̇аа, д̇аа санд̇хааяааха – ‘‘анзгаани д̣̇звад̇аасахассааний’’д̇и. д̇хаммажагкунд̇и имасмим̣ суд̇д̇з жад̇д̇ааро жа маг̇г̇аа жад̇д̇аари жа палаани д̇хаммажагкунд̇и взд̣̇ид̇аб̣б̣аани. д̇ад̇т̇а хи гаажи д̣̇звад̇аа сод̇аабаннаа ахзсум̣, гаажи сагад̣̇ааг̇аамий, анааг̇аамий, кийн̣аасаваа. д̇аасан̃жа бана д̣̇звад̇аанам̣ зд̇д̇агаад̇и г̇ан̣анавасзна барижчзд̣̇о над̇т̇и. сзсам̣ саб̣б̣ад̇т̇а уд̇д̇аанамзва.
Anekāni devatāsahassānīti āyasmatā rāhulena padumuttarassa bhagavato pādamūle pālitanāgarājakāle patthanaṃ paṭṭhapentena saddhiṃ patthanaṃ paṭṭhapitadevatāsu pana kāci bhūmaṭṭhakā devatā, kāci antalikkhaṭṭhakā, kāci cātumahārājikā, kāci devaloke, kāci brahmaloke nibbattā. Imasmiṃ pana divase sabbāpi tā ekaṭṭhāne andhavanasmiṃyeva sannipatitā, tā sandhāyāha – ‘‘anekāni devatāsahassānī’’ti. Dhammacakkhunti imasmiṃ sutte cattāro ca maggā cattāri ca phalāni dhammacakkhunti veditabbāni. Tattha hi kāci devatā sotāpannā ahesuṃ, kāci sakadāgāmī, anāgāmī, khīṇāsavā. Tāsañca pana devatānaṃ ettakāti gaṇanavasena paricchedo natthi. Sesaṃ sabbattha uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. раахуловаад̣̇асуд̇д̇ам̣ • 8. Rāhulovādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. раахуловаад̣̇асуд̇д̇аван̣н̣анаа • 8. Rāhulovādasuttavaṇṇanā
