| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. раахуловаад̣̇асуд̇д̇аван̣н̣анаа
5. Rāhulovādasuttavaṇṇanā
416. вимуд̇д̇им̣ барибаажзнд̇ийд̇и гилзсаанам̣ бадиббассад̣̇д̇хивимуд̇д̇ибхууд̇ам̣ арахад̇д̇ам̣ саб̣б̣асо баажзнд̇и саад̇хзнд̇и ниб̣б̣аабзнд̇ийд̇и вимуд̇д̇ибарибаажанийяаа. д̇хаммаад̇и гааран̣ад̇хаммаа. д̇знааха – ‘‘висуд̣̇д̇хигааран̣авасзнаа’’д̇и, арахад̇д̇асан̇каад̇ааяа висуд̣̇д̇хияаа самбаад̣̇анавасзнаад̇и ад̇т̇о. сад̣̇д̇хинд̣̇рияаад̣̇аяо висуж̇жхамаанаа маг̇г̇абадибаадияаава саб̣б̣асо ассад̣̇д̇хияаад̣̇ийхи жид̇д̇ам̣ виможзнд̇аа аг̇г̇апалавимуд̇д̇им̣ самбаад̣̇знд̇и. д̇зсам̣ бана висуд̣̇д̇хи б̣аалабариваж̇ж̇анзна бан̣д̣ид̇абаяирубаасанзна басаад̣̇аавахад̇хаммабажжавзгкан̣ааяа жа ход̇и. д̇ад̇о ид̇ха баннараса д̇хаммаа ад̇хиббзд̇аад̇и д̣̇ассзнд̇о, ‘‘вуд̇д̇ан̃хзд̇а’’нд̇иаад̣̇имааха.
416.Vimuttiṃparipācentīti kilesānaṃ paṭippassaddhivimuttibhūtaṃ arahattaṃ sabbaso pācenti sādhenti nibbāpentīti vimuttiparipācanīyā. Dhammāti kāraṇadhammā. Tenāha – ‘‘visuddhikāraṇavasenā’’ti, arahattasaṅkhātāya visuddhiyā sampādanavasenāti attho. Saddhindriyādayo visujjhamānā maggapaṭipāṭiyāva sabbaso assaddhiyādīhi cittaṃ vimocentā aggaphalavimuttiṃ sampādenti. Tesaṃ pana visuddhi bālaparivajjanena paṇḍitapayirupāsanena pasādāvahadhammapaccavekkhaṇāya ca hoti. Tato idha pannarasa dhammā adhippetāti dassento, ‘‘vuttañheta’’ntiādimāha.
д̇ад̇т̇а ассад̣̇д̇хз буг̇г̇алзд̇и сад̣̇д̇хаарахид̇з буг̇г̇алз. д̇з хи ниссааяа на гад̣̇аажи сад̣̇д̇хаа самбхавад̇и, д̇зсам̣ бана д̣̇идтаануг̇ад̇иаабаж̇ж̇анзна ан̃н̃ад̣̇ад̇т̇у асад̣̇д̇хияамзва вад̣дхад̇и, д̇асмаа д̇з бадибхаяамаг̇г̇о вияа д̣̇уурад̇о важ̇ж̇зд̇аб̣б̣аа. ассад̣̇д̇хияанд̇и жа сад̣̇д̇хааяа бадибагкабхууд̇аа асад̣̇д̇хзяяавад̇т̇усмим̣ ад̇химужжанаагаарзна бавад̇д̇аа сам̣гилзсад̇хаммаа взд̣̇ид̇аб̣б̣аа. сад̣̇д̇хз буг̇г̇алзд̇и сад̣̇д̇хаасамбаннз буг̇г̇алз. д̇з хи ниссааяа сад̣̇д̇хзяяавад̇т̇усмим̣ ануббаннаа уббаж̇ж̇ад̇и, уббаннаа бхияяобхаавам̣ взбуллам̣ аабаж̇ж̇ад̇и. сад̣̇д̇хзяяавад̇т̇ууд̇и жа б̣уд̣̇д̇хаад̣̇ийни рад̇анаани гаммагаммапалаани жа. сзвад̇од̇и лаб̣бхамаанам̣ сад̣̇д̇хаасамбад̣̇ам̣ уббаад̣̇зд̇ум̣ вад̣дхзд̇ун̃жа нисзвад̇о. сзсабад̣̇аани д̇ассзва взважанаани. ат̇а ваа сзвад̇о убасан̇гамад̇о. бхаж̇ад̇о д̇зсам̣ бадибад̇д̇ияам̣ бхад̇д̇им̣ губ̣б̣ад̇о. баяирубаасад̇од̇и д̇зсам̣ оваад̣̇аанусаасанигаран̣авасзна убадтахад̇о. басаад̣̇анийяасуд̇д̇анд̇аа наама б̣уд̣̇д̇хаад̣̇иг̇ун̣абадисам̣яуд̇д̇аа басаад̣̇аавахаа самбасаад̣̇анийяасуд̇д̇аад̣̇аяо. д̇з хи бажжавзгкад̇о б̣уд̣̇д̇хаад̣̇ийсу ануббаннаа басаннаа убаж̇ж̇ад̇и, уббаннаа бхияяобхаавам̣ взбуллам̣ аабаж̇ж̇ад̇и. имзхи д̇ийхаагаарзхийд̇и имзхи яат̇аавуд̇д̇зхи д̇ийхи гааран̣зхи. бадибагкад̣̇уурийбхаавад̇о бажжзгам̣ суубахаарад̇о жа аасзванам̣ бхааванам̣ лабханд̇и. сад̣̇д̇хинд̣̇рияам̣ висуж̇жхад̇и маг̇г̇апалаавахабхаавзна ажчад̇и висуд̣̇д̇хим̣ баабун̣аад̇и. иминаа наязна сзсабад̣̇зсуби ад̇т̇о взд̣̇ид̇аб̣б̣о.
Tattha assaddhe puggaleti saddhārahite puggale. Te hi nissāya na kadāci saddhā sambhavati, tesaṃ pana diṭṭhānugatiāpajjanena aññadatthu asaddhiyameva vaḍḍhati, tasmā te paṭibhayamaggo viya dūrato vajjetabbā. Assaddhiyanti ca saddhāya paṭipakkhabhūtā asaddheyyavatthusmiṃ adhimuccanākārena pavattā saṃkilesadhammā veditabbā. Saddhe puggaleti saddhāsampanne puggale. Te hi nissāya saddheyyavatthusmiṃ anuppannā uppajjati, uppannā bhiyyobhāvaṃ vepullaṃ āpajjati. Saddheyyavatthūti ca buddhādīni ratanāni kammakammaphalāni ca. Sevatoti labbhamānaṃ saddhāsampadaṃ uppādetuṃ vaḍḍhetuñca nisevato. Sesapadāni tasseva vevacanāni. Atha vā sevato upasaṅkamato. Bhajato tesaṃ paṭipattiyaṃ bhattiṃ kubbato. Payirupāsatoti tesaṃ ovādānusāsanikaraṇavasena upaṭṭhahato. Pasādanīyasuttantā nāma buddhādiguṇapaṭisaṃyuttā pasādāvahā sampasādanīyasuttādayo. Te hi paccavekkhato buddhādīsu anuppannā pasannā upajjati, uppannā bhiyyobhāvaṃ vepullaṃ āpajjati. Imehi tīhākārehīti imehi yathāvuttehi tīhi kāraṇehi. Paṭipakkhadūrībhāvato paccekaṃ sūpahārato ca āsevanaṃ bhāvanaṃ labhanti. Saddhindriyaṃ visujjhati maggaphalāvahabhāvena acchati visuddhiṃ pāpuṇāti. Iminā nayena sesapadesupi attho veditabbo.
аяам̣ бана висзсо – гусийд̇зд̇и аласз саммаабадибад̇д̇ияам̣ нигкид̇д̇ад̇хурз. аарад̣̇д̇хавийриязд̇и баг̇г̇ахид̇авийрияз саммаабадибаннз. саммаббад̇хаанзд̇и ануббаннаанам̣ агусалаанам̣ ануббаад̣̇анаад̣̇ивасзна бавад̇д̇з жад̇д̇ааро убааяаббад̇хаанз. бажжавзгкад̇о бадибад̇д̇им̣ авзгкад̇о. д̇з хи бажжавзгкад̇о лийнам̣ абхибхавид̇ваа саммад̣̇зва аарамбхад̇хаад̇уаад̣̇и ануббаннаанам̣ вид̇хинаа сад̇исамбад̣̇ааяа уббаад̣̇ааяа бхияяобхаавааяа сам̣вад̇д̇ад̇и. асамаахид̇з бханд̇амиг̇абханд̇аг̇он̣асаббадибхааг̇з виб̣бханд̇ажид̇д̇з. самаахид̇з убажаарасамаад̇хинаа аббанаасамаад̇хинаа жа саммад̣̇зва самаахид̇ажид̇д̇з. жхаанавимогкзд̇и савид̇аггасавижаараад̣̇ижхаанаани батамаад̣̇ивимогкз жа. д̇зсан̃хи бажжавзгкан̣аа убаруубари ажжанд̇амзва самаад̇хаанааяа сам̣вад̇д̇ад̇и. д̣̇уббан̃н̃зд̇и ниббан̃н̃з, арияад̇хаммасса уг̇г̇ахабарибужчаасаванасаммасанаабхаавзна саб̣б̣асо бан̃н̃аарахид̇з жа. бан̃н̃аванд̇зд̇и вибассанаабан̃н̃ааяа жзва маг̇г̇абан̃н̃ааяа жа саманнааг̇ад̇з. г̇амбхийран̃аан̣ажарияанд̇и г̇амбхийрам̣ канд̇хааяад̇анад̇хаад̇усажжабадижжасамуббаад̣̇аад̣̇ибхзд̣̇ам̣ н̃аан̣асса жарид̇аб̣б̣адтаанам̣, яад̇т̇а ваа г̇амбхийран̃аан̣асса жарияам̣ бавад̇д̇ад̇и. д̇ад̇т̇а хи бажжавзгкан̣аа саммохам̣ вид̇хамад̇и, ануббаннааяа бан̃н̃ааяа уббаад̣̇ааяа бхияяобхаавааяа сам̣вад̇д̇ад̇и. суд̇д̇анд̇агканд̇хзд̇и суд̇д̇асамуухз.
Ayaṃ pana viseso – kusīteti alase sammāpaṭipattiyaṃ nikkhittadhure. Āraddhavīriyeti paggahitavīriye sammāpaṭipanne. Sammappadhāneti anuppannānaṃ akusalānaṃ anuppādanādivasena pavatte cattāro upāyappadhāne. Paccavekkhato paṭipattiṃ avekkhato. Te hi paccavekkhato līnaṃ abhibhavitvā sammadeva ārambhadhātuādi anuppannānaṃ vidhinā satisampadāya uppādāya bhiyyobhāvāya saṃvattati. Asamāhite bhantamigabhantagoṇasappaṭibhāge vibbhantacitte. Samāhite upacārasamādhinā appanāsamādhinā ca sammadeva samāhitacitte. Jhānavimokkheti savitakkasavicārādijhānāni paṭhamādivimokkhe ca. Tesañhi paccavekkhaṇā uparūpari accantameva samādhānāya saṃvattati. Duppaññeti nippaññe, ariyadhammassa uggahaparipucchāsavanasammasanābhāvena sabbaso paññārahite ca. Paññavanteti vipassanāpaññāya ceva maggapaññāya ca samannāgate. Gambhīrañāṇacariyanti gambhīraṃ khandhāyatanadhātusaccapaṭiccasamuppādādibhedaṃ ñāṇassa caritabbaṭṭhānaṃ, yattha vā gambhīrañāṇassa cariyaṃ pavattati. Tattha hi paccavekkhaṇā sammohaṃ vidhamati, anuppannāya paññāya uppādāya bhiyyobhāvāya saṃvattati. Suttantakkhandheti suttasamūhe.
буб̣б̣з сад̣̇д̇хинд̣̇рияаад̣̇ийнам̣ висуд̣̇д̇хигааран̣аани, ‘‘вимуд̇д̇ибарибаажанийяаа д̇хаммаа’’д̇и вуд̇д̇аанийд̇и ид̇ха сад̣̇д̇хаад̣̇игз ан̃н̃з жа д̇хаммз д̣̇ассзнд̇о, ‘‘абарзбий’’д̇иаад̣̇имааха. д̇ад̇т̇а сад̣̇д̇хаад̣̇ийнам̣ вимуд̇д̇ибарибаажанийяад̇аа д̣̇ассид̇аа зва, анижжасан̃н̃аад̣̇ийнам̣ бана вимуд̇д̇ибарибаажанийяад̇ааяа вад̇д̇аб̣б̣амзва над̇т̇и вибассанаабхаавад̇о. д̇знааха – ‘‘имз бан̃жа ниб̣б̣зд̇хабхааг̇ияаа сан̃н̃аа’’д̇и. галяаан̣амид̇д̇ад̇аад̣̇аяод̇и галяаан̣амид̇д̇ад̇аа сийласам̣варо абхисаллзкагат̇аа вийрияаарамбхо ниб̣б̣зд̇хигаа бан̃н̃аа имз галяаан̣амид̇д̇ад̇аад̣̇аяо бан̃жа д̇хаммаа. аяамзд̇т̇а сан̇кзбо, вид̇т̇ааро бана ‘‘мзгхияасуд̇д̇асам̣ван̣н̣анааяам̣’’ (уд̣̇аа. адта. 31) вуд̇д̇анаязна взд̣̇ид̇аб̣б̣о. логам̣ вологзнд̇ассаад̇и б̣уд̣̇д̇хавзнзяяасад̇д̇алогам̣ б̣уд̣̇д̇хажагкунаа висзсад̇о ологзнд̇асса.
Pubbe saddhindriyādīnaṃ visuddhikāraṇāni, ‘‘vimuttiparipācanīyā dhammā’’ti vuttānīti idha saddhādike aññe ca dhamme dassento, ‘‘aparepī’’tiādimāha. Tattha saddhādīnaṃ vimuttiparipācanīyatā dassitā eva, aniccasaññādīnaṃ pana vimuttiparipācanīyatāya vattabbameva natthi vipassanābhāvato. Tenāha – ‘‘ime pañca nibbedhabhāgiyā saññā’’ti. Kalyāṇamittatādayoti kalyāṇamittatā sīlasaṃvaro abhisallekhakathā vīriyārambho nibbedhikā paññā ime kalyāṇamittatādayo pañca dhammā. Ayamettha saṅkhepo, vitthāro pana ‘‘meghiyasuttasaṃvaṇṇanāyaṃ’’ (udā. aṭṭha. 31) vuttanayena veditabbo. Lokaṃ volokentassāti buddhaveneyyasattalokaṃ buddhacakkhunā visesato olokentassa.
419. ааяасмад̇о раахуласса инд̣̇рияаанам̣ барибаггад̇д̇аа сад̣̇д̇хим̣ бадтабид̇абад̇т̇анаа д̣̇звад̇аа уд̣̇игкамаанаа д̇идтанд̇и, – ‘‘гад̣̇аа ну ко уд̇д̇ари аасаваанам̣ каяз винзссад̇ий’’д̇и. яад̣̇аа бана сад̇т̇аа звам̣ баривид̇аггзси, д̇аавад̣̇зва самаанаж̇жхаасаяад̇ааяа саб̣б̣агаалам̣ д̇ан̇кан̣ам̣ ааг̇амзнд̇ияо д̇аа д̣̇звад̇ааяо д̇ам̣ самавааяам̣ д̣̇исваа згасмим̣ анд̇хаванасмим̣язва саннибад̇ид̇аа. убаалисса г̇ахабад̇ино д̣̇ийгханакабариб̣б̣ааж̇агасса жад̇усажжад̇хаммзсу д̣̇ассанагижжзна бавад̇д̇о сод̇аабад̇д̇имаг̇г̇од̇и д̇зсу суд̇д̇зсу (бади. ма. адта. 2.2.30) батамамаг̇г̇о ‘‘д̇хаммажагку’’нд̇и вуд̇д̇о, д̇асса д̣̇ассанад̇т̇асса саад̇исаяад̇д̇аа, б̣рахмааяуно бана палан̃аан̣аани хздтимаани д̇ийн̣и саад̇исаяаанийд̇и б̣рахмааяусуд̇д̇з(ма. ни. 2.383 аад̣̇аяо) д̇ийн̣и палаани ‘‘д̇хаммажагку’’нд̇и вуд̇д̇аани. ид̣̇ам̣ банзд̇т̇а ааяасмад̇о раахуласса маг̇г̇ан̃аан̣ам̣ палан̃аан̣ан̃жа д̣̇ассанад̇т̇о саад̇исаяо, д̇аахи жа д̣̇звад̇аахи яам̣ н̃аан̣ам̣ ад̇хиг̇ад̇ам̣, д̇ам̣ саад̇исаяамзваад̇и вуд̇д̇ам̣ – ‘‘имасмим̣ суд̇д̇з жад̇д̇ааро маг̇г̇аа, жад̇д̇аари жа палаани д̇хаммажагкунд̇и взд̣̇ид̇аб̣б̣ааний’’д̇и. гим̣ бана саавагаанам̣ сажжаабхисамаяан̃аан̣з ад̇т̇и гожи висзсод̇и? аама ад̇т̇и. со жа ко буб̣б̣абхааг̇з вудтаанаг̇ааминивибассанааяа бавад̇д̇ияаагаарависзсзна лабхзяяа гаажи висзсамад̇д̇аа. свааяамад̇т̇о абхид̇хаммз ‘‘но жа ко яат̇аа д̣̇идтиббад̇д̇ассаа’’д̇и сад̣̇д̇хаавимуд̇д̇ад̇о д̣̇идтиббад̇д̇асса гилзсаббахаанам̣ бад̇и висзсагид̇д̇анзна д̣̇ийбзд̇аб̣б̣о. гим̣ бана ааяасмаа раахуло вияа д̇аа д̣̇звад̇аа саб̣б̣аа згажид̇д̇аа баг̇зва жад̇д̇аари палаани ад̇хиг̇ан̣хим̣сууд̇и? нод̇и д̣̇ассзнд̇о ‘‘д̇ад̇т̇а хий’’д̇иаад̣̇имааха. гид̇д̇агаа бана д̇аа д̣̇звад̇аад̇и ааха ‘‘д̇аасан̃жа банаа’’д̇иаад̣̇и.
419. Āyasmato rāhulassa indriyānaṃ paripakkattā saddhiṃ paṭṭhapitapatthanā devatā udikkhamānā tiṭṭhanti, – ‘‘kadā nu kho uttari āsavānaṃ khaye vinessatī’’ti. Yadā pana satthā evaṃ parivitakkesi, tāvadeva samānajjhāsayatāya sabbakālaṃ taṅkhaṇaṃ āgamentiyo tā devatāyo taṃ samavāyaṃ disvā ekasmiṃ andhavanasmiṃyeva sannipatitā. Upālissa gahapatino dīghanakhaparibbājakassa catusaccadhammesu dassanakiccena pavatto sotāpattimaggoti tesu suttesu (paṭi. ma. aṭṭha. 2.2.30) paṭhamamaggo ‘‘dhammacakkhu’’nti vutto, tassa dassanatthassa sātisayattā, brahmāyuno pana phalañāṇāni heṭṭhimāni tīṇi sātisayānīti brahmāyusutte(ma. ni. 2.383 ādayo) tīṇi phalāni ‘‘dhammacakkhu’’nti vuttāni. Idaṃ panettha āyasmato rāhulassa maggañāṇaṃ phalañāṇañca dassanattho sātisayo, tāhi ca devatāhi yaṃ ñāṇaṃ adhigataṃ, taṃ sātisayamevāti vuttaṃ – ‘‘imasmiṃ sutte cattāro maggā, cattāri ca phalāni dhammacakkhuntiveditabbānī’’ti. Kiṃ pana sāvakānaṃ saccābhisamayañāṇe atthi koci visesoti? Āma atthi. So ca kho pubbabhāge vuṭṭhānagāminivipassanāya pavattiyākāravisesena labheyya kāci visesamattā. Svāyamattho abhidhamme ‘‘no ca kho yathā diṭṭhippattassā’’ti saddhāvimuttato diṭṭhippattassa kilesappahānaṃ pati visesakittanena dīpetabbo. Kiṃ pana āyasmā rāhulo viya tā devatā sabbā ekacittā pageva cattāri phalāni adhigaṇhiṃsūti? Noti dassento ‘‘tattha hī’’tiādimāha. Kittakā pana tā devatāti āha ‘‘tāsañca panā’’tiādi.
раахуловаад̣̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Rāhulovādasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. жуул̣араахуловаад̣̇асуд̇д̇ам̣ • 5. Cūḷarāhulovādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. раахуловаад̣̇асуд̇д̇аван̣н̣анаа • 5. Rāhulovādasuttavaṇṇanā
