| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
ராஜப⁴டாதி³வத்து²கதா²வண்ணனா
Rājabhaṭādivatthukathāvaṇṇanā
90-96. ராஜப⁴டாதி³வத்தூ²ஸு ஆஹங்ஸூதி மனுஸ்ஸா வதி³ங்ஸு. தஸ்மா…பே॰… ஏவமாஹாதி யஸ்மா ஸயங் த⁴ம்மஸ்ஸாமீ, தஸ்மா பி⁴க்கூ²ஹி அபப்³பா³ஜிதப்³ப³ங் சோரங் அங்கு³லிமாலங் பப்³பா³ஜெத்வா ஆயதிங் அகரணத்தா²ய பி⁴க்கூ²னங் ஸிக்கா²பத³ங் பஞ்ஞபெந்தோ ‘‘ந, பி⁴க்க²வே, த⁴ஜப³ந்தோ⁴ சோரோ பப்³பா³ஜேதப்³போ³, யோ பப்³பா³ஜெய்ய, ஆபத்தி து³க்கடஸ்ஸா’’தி ஆஹ. உபரமந்தீதி விரமந்தி நிவத்தந்தி. பி⁴ந்தி³த்வாதி அந்து³ப³ந்த⁴னங் பி⁴ந்தி³த்வா. சி²ந்தி³த்வாதி ஸங்க²லிகப³ந்த⁴னங் சி²ந்தி³த்வா. முஞ்சித்வாதி ரஜ்ஜுப³ந்த⁴னங் முஞ்சித்வா. விவரித்வாதி கா³மப³ந்த⁴னாதீ³ஸு கா³மத்³வாராதீ³னி விவரித்வா. அபஸ்ஸமானானங் வா பலாயதீதி புரிஸகு³த்தியங் புரிஸானங் அபஸ்ஸமானானங் பலாயதி. உபட்³டு⁴பட்³ட⁴ந்தி தோ²கங் தோ²கங்.
90-96. Rājabhaṭādivatthūsu āhaṃsūti manussā vadiṃsu. Tasmā…pe… evamāhāti yasmā sayaṃ dhammassāmī, tasmā bhikkhūhi apabbājitabbaṃ coraṃ aṅgulimālaṃ pabbājetvā āyatiṃ akaraṇatthāya bhikkhūnaṃ sikkhāpadaṃ paññapento ‘‘na, bhikkhave, dhajabandho coro pabbājetabbo, yo pabbājeyya, āpatti dukkaṭassā’’ti āha. Uparamantīti viramanti nivattanti. Bhinditvāti andubandhanaṃ bhinditvā. Chinditvāti saṅkhalikabandhanaṃ chinditvā. Muñcitvāti rajjubandhanaṃ muñcitvā. Vivaritvāti gāmabandhanādīsu gāmadvārādīni vivaritvā. Apassamānānaṃ vā palāyatīti purisaguttiyaṃ purisānaṃ apassamānānaṃ palāyati. Upaḍḍhupaḍḍhanti thokaṃ thokaṃ.
97. அபி⁴ஸேகாதீ³ஸு ப³ந்த⁴னாகா³ராதீ³னி ஸோதெ⁴ந்தி, தங் ஸந்தா⁴யாஹ ‘‘ஸப்³ப³ஸாதா⁴ரணேன வா நயேனா’’தி. ஸசே ஸயமேவ பண்ணங் ஆரோபெந்தி, ந வட்டதீதி தா பு⁴ஜிஸ்ஸித்தி²யோ ‘‘மயம்பி தா³ஸியோ ஹோமா’’தி ஸயமேவ தா³ஸிபண்ணங் லிகா²பெந்தி, ந வட்டதி. தக்கங் ஸீஸே ஆஸித்தகஸதி³ஸாவ ஹொந்தீதி யதா² அதா³ஸே கரொந்தா தக்கேன ஸீஸங் தோ⁴வித்வா அதா³ஸங் கரொந்தி, ஏவங் ஆராமிகவசனேன தி³ன்னத்தா அதா³ஸாவ தேதி அதி⁴ப்பாயோ. தக்காஸிஞ்சனங் பன ஸீஹளதீ³பே சாரித்தந்தி வத³ந்தி. நேவ பப்³பா³ஜேதப்³போ³தி வுத்தந்தி கப்பியவசனேன தி³ன்னேபி ஸங்க⁴ஸ்ஸ ஆராமிகதா³ஸத்தா ஏவங் வுத்தங். நிஸ்ஸாமிகதா³ஸோ நாம யஸ்ஸ ஸாமிகா ஸபுத்ததா³ராத³யோ மதா ஹொந்தி, ந கோசி தஸ்ஸ பரிக்³கா³ஹகோ, ஸோபி பப்³பா³ஜேதுங் ந வட்டதி, தங் பன அத்தனாபி பு⁴ஜிஸ்ஸங் காதுங் வட்டதி. யே வா பன தஸ்மிங் ரட்டே² ஸாமினோ, தேஹிபி காராபேதுங் வட்டதி. ‘‘தே³வதா³ஸிபுத்தங் பப்³பா³ஜேதுங் வட்டதீ’’தி தீஸு க³ண்டி²பதே³ஸு வுத்தங். தா³ஸஸ்ஸ பப்³ப³ஜித்வா அத்தனோ ஸாமிகே தி³ஸ்வா பலாயந்தஸ்ஸ ஆபத்தி நத்தீ²தி வத³ந்தி. ஸேஸங் ஸப்³ப³த்த² உத்தானமேவ.
97. Abhisekādīsu bandhanāgārādīni sodhenti, taṃ sandhāyāha ‘‘sabbasādhāraṇena vā nayenā’’ti. Sace sayameva paṇṇaṃ āropenti, na vaṭṭatīti tā bhujissitthiyo ‘‘mayampi dāsiyo homā’’ti sayameva dāsipaṇṇaṃ likhāpenti, na vaṭṭati. Takkaṃ sīse āsittakasadisāva hontīti yathā adāse karontā takkena sīsaṃ dhovitvā adāsaṃ karonti, evaṃ ārāmikavacanena dinnattā adāsāva teti adhippāyo. Takkāsiñcanaṃ pana sīhaḷadīpe cārittanti vadanti. Neva pabbājetabboti vuttanti kappiyavacanena dinnepi saṅghassa ārāmikadāsattā evaṃ vuttaṃ. Nissāmikadāso nāma yassa sāmikā saputtadārādayo matā honti, na koci tassa pariggāhako, sopi pabbājetuṃ na vaṭṭati, taṃ pana attanāpi bhujissaṃ kātuṃ vaṭṭati. Ye vā pana tasmiṃ raṭṭhe sāmino, tehipi kārāpetuṃ vaṭṭati. ‘‘Devadāsiputtaṃ pabbājetuṃ vaṭṭatī’’ti tīsu gaṇṭhipadesu vuttaṃ. Dāsassa pabbajitvā attano sāmike disvā palāyantassa āpatti natthīti vadanti. Sesaṃ sabbattha uttānameva.
ராஜப⁴டாதி³வத்து²கதா²வண்ணனா நிட்டி²தா.
Rājabhaṭādivatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
27. ராஜப⁴டவத்து² • 27. Rājabhaṭavatthu
28. அங்கு³லிமாலசோரவத்து² • 28. Aṅgulimālacoravatthu
29. காரபே⁴த³கசோரவத்து² • 29. Kārabhedakacoravatthu
30. லிகி²தகசோரவத்து² • 30. Likhitakacoravatthu
31. கஸாஹதவத்து² • 31. Kasāhatavatthu
32. லக்க²ணாஹதவத்து² • 32. Lakkhaṇāhatavatthu
33. இணாயிகவத்து² • 33. Iṇāyikavatthu
34. தா³ஸவத்து² • 34. Dāsavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā
ராஜப⁴டவத்து²கதா² • Rājabhaṭavatthukathā
சோரவத்து²கதா² • Coravatthukathā
இணாயிகவத்து²கதா² • Iṇāyikavatthukathā
தா³ஸவத்து²கதா² • Dāsavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
சோரவத்து²கதா²வண்ணனா • Coravatthukathāvaṇṇanā
இணாயிகதா³ஸவத்து²கதா²வண்ணனா • Iṇāyikadāsavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā
ராஜப⁴டவத்து²கதா²வண்ணனா • Rājabhaṭavatthukathāvaṇṇanā
சோரவத்து²கதா²வண்ணனா • Coravatthukathāvaṇṇanā
இணாயிகவத்து²கதா²வண்ணனா • Iṇāyikavatthukathāvaṇṇanā
தா³ஸவத்து²கதா²வண்ணனா • Dāsavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
27. ராஜப⁴டவத்து²கதா² • 27. Rājabhaṭavatthukathā
28. சோரவத்து²கதா² • 28. Coravatthukathā
33. இணாயிகவத்து²கதா² • 33. Iṇāyikavatthukathā
34. தா³ஸவத்து²கதா² • 34. Dāsavatthukathā
