| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
рааж̇абхадаад̣̇ивад̇т̇угат̇ааван̣н̣анаа
Rājabhaṭādivatthukathāvaṇṇanā
90-96. рааж̇абхадаад̣̇ивад̇т̇уусу аахам̣сууд̇и мануссаа вад̣̇им̣су. д̇асмаа…бз… звамаахаад̇и яасмаа саяам̣ д̇хаммассаамий, д̇асмаа бхигкуухи абаб̣б̣ааж̇ид̇аб̣б̣ам̣ жорам̣ ан̇г̇улимаалам̣ баб̣б̣ааж̇зд̇ваа ааяад̇им̣ агаран̣ад̇т̇ааяа бхигкуунам̣ сигкаабад̣̇ам̣ бан̃н̃абзнд̇о ‘‘на, бхигкавз, д̇хаж̇аб̣анд̇хо жоро баб̣б̣ааж̇зд̇аб̣б̣о, яо баб̣б̣ааж̇зяяа, аабад̇д̇и д̣̇уггадассаа’’д̇и ааха. убараманд̇ийд̇и вираманд̇и нивад̇д̇анд̇и. бхинд̣̇ид̇ваад̇и анд̣̇уб̣анд̇ханам̣ бхинд̣̇ид̇ваа. чинд̣̇ид̇ваад̇и сан̇калигаб̣анд̇ханам̣ чинд̣̇ид̇ваа. мун̃жид̇ваад̇и раж̇ж̇уб̣анд̇ханам̣ мун̃жид̇ваа. виварид̇ваад̇и г̇аамаб̣анд̇ханаад̣̇ийсу г̇аамад̣̇ваараад̣̇ийни виварид̇ваа. абассамаанаанам̣ ваа балааяад̇ийд̇и бурисаг̇уд̇д̇ияам̣ бурисаанам̣ абассамаанаанам̣ балааяад̇и. убад̣дхубад̣дханд̇и т̇огам̣ т̇огам̣.
90-96. Rājabhaṭādivatthūsu āhaṃsūti manussā vadiṃsu. Tasmā…pe… evamāhāti yasmā sayaṃ dhammassāmī, tasmā bhikkhūhi apabbājitabbaṃ coraṃ aṅgulimālaṃ pabbājetvā āyatiṃ akaraṇatthāya bhikkhūnaṃ sikkhāpadaṃ paññapento ‘‘na, bhikkhave, dhajabandho coro pabbājetabbo, yo pabbājeyya, āpatti dukkaṭassā’’ti āha. Uparamantīti viramanti nivattanti. Bhinditvāti andubandhanaṃ bhinditvā. Chinditvāti saṅkhalikabandhanaṃ chinditvā. Muñcitvāti rajjubandhanaṃ muñcitvā. Vivaritvāti gāmabandhanādīsu gāmadvārādīni vivaritvā. Apassamānānaṃ vā palāyatīti purisaguttiyaṃ purisānaṃ apassamānānaṃ palāyati. Upaḍḍhupaḍḍhanti thokaṃ thokaṃ.
97. абхисзгаад̣̇ийсу б̣анд̇ханааг̇аараад̣̇ийни сод̇хзнд̇и, д̇ам̣ санд̇хааяааха ‘‘саб̣б̣асаад̇хааран̣зна ваа наязнаа’’д̇и. сажз саяамзва бан̣н̣ам̣ ааробзнд̇и, на ваддад̇ийд̇и д̇аа бхуж̇иссид̇т̇ияо ‘‘маяамби д̣̇аасияо хомаа’’д̇и саяамзва д̣̇аасибан̣н̣ам̣ ликаабзнд̇и, на ваддад̇и. д̇аггам̣ сийсз аасид̇д̇агасад̣̇исаава хонд̇ийд̇и яат̇аа ад̣̇аасз гаронд̇аа д̇аггзна сийсам̣ д̇ховид̇ваа ад̣̇аасам̣ гаронд̇и, звам̣ аараамигаважанзна д̣̇иннад̇д̇аа ад̣̇аасаава д̇зд̇и ад̇хиббааяо. д̇аггаасин̃жанам̣ бана сийхал̣ад̣̇ийбз жаарид̇д̇анд̇и вад̣̇анд̇и. нзва баб̣б̣ааж̇зд̇аб̣б̣од̇и вуд̇д̇анд̇и габбияаважанзна д̣̇иннзби сан̇гхасса аараамигад̣̇аасад̇д̇аа звам̣ вуд̇д̇ам̣. ниссаамигад̣̇аасо наама яасса саамигаа сабуд̇д̇ад̣̇аараад̣̇аяо мад̇аа хонд̇и, на гожи д̇асса бариг̇г̇аахаго, соби баб̣б̣ааж̇зд̇ум̣ на ваддад̇и, д̇ам̣ бана ад̇д̇анааби бхуж̇иссам̣ гаад̇ум̣ ваддад̇и. яз ваа бана д̇асмим̣ радтз саамино, д̇зхиби гаараабзд̇ум̣ ваддад̇и. ‘‘д̣̇звад̣̇аасибуд̇д̇ам̣ баб̣б̣ааж̇зд̇ум̣ ваддад̇ий’’д̇и д̇ийсу г̇ан̣тибад̣̇зсу вуд̇д̇ам̣. д̣̇аасасса баб̣б̣аж̇ид̇ваа ад̇д̇ано саамигз д̣̇исваа балааяанд̇асса аабад̇д̇и над̇т̇ийд̇и вад̣̇анд̇и. сзсам̣ саб̣б̣ад̇т̇а уд̇д̇аанамзва.
97. Abhisekādīsu bandhanāgārādīni sodhenti, taṃ sandhāyāha ‘‘sabbasādhāraṇena vā nayenā’’ti. Sace sayameva paṇṇaṃ āropenti, na vaṭṭatīti tā bhujissitthiyo ‘‘mayampi dāsiyo homā’’ti sayameva dāsipaṇṇaṃ likhāpenti, na vaṭṭati. Takkaṃ sīse āsittakasadisāva hontīti yathā adāse karontā takkena sīsaṃ dhovitvā adāsaṃ karonti, evaṃ ārāmikavacanena dinnattā adāsāva teti adhippāyo. Takkāsiñcanaṃ pana sīhaḷadīpe cārittanti vadanti. Neva pabbājetabboti vuttanti kappiyavacanena dinnepi saṅghassa ārāmikadāsattā evaṃ vuttaṃ. Nissāmikadāso nāma yassa sāmikā saputtadārādayo matā honti, na koci tassa pariggāhako, sopi pabbājetuṃ na vaṭṭati, taṃ pana attanāpi bhujissaṃ kātuṃ vaṭṭati. Ye vā pana tasmiṃ raṭṭhe sāmino, tehipi kārāpetuṃ vaṭṭati. ‘‘Devadāsiputtaṃ pabbājetuṃ vaṭṭatī’’ti tīsu gaṇṭhipadesu vuttaṃ. Dāsassa pabbajitvā attano sāmike disvā palāyantassa āpatti natthīti vadanti. Sesaṃ sabbattha uttānameva.
рааж̇абхадаад̣̇ивад̇т̇угат̇ааван̣н̣анаа нидтид̇аа.
Rājabhaṭādivatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
27. рааж̇абхадавад̇т̇у • 27. Rājabhaṭavatthu
28. ан̇г̇улимаалажоравад̇т̇у • 28. Aṅgulimālacoravatthu
29. гаарабхзд̣̇агажоравад̇т̇у • 29. Kārabhedakacoravatthu
30. ликид̇агажоравад̇т̇у • 30. Likhitakacoravatthu
31. гасаахад̇авад̇т̇у • 31. Kasāhatavatthu
32. лагкан̣аахад̇авад̇т̇у • 32. Lakkhaṇāhatavatthu
33. ин̣ааяигавад̇т̇у • 33. Iṇāyikavatthu
34. д̣̇аасавад̇т̇у • 34. Dāsavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā
рааж̇абхадавад̇т̇угат̇аа • Rājabhaṭavatthukathā
жоравад̇т̇угат̇аа • Coravatthukathā
ин̣ааяигавад̇т̇угат̇аа • Iṇāyikavatthukathā
д̣̇аасавад̇т̇угат̇аа • Dāsavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
жоравад̇т̇угат̇ааван̣н̣анаа • Coravatthukathāvaṇṇanā
ин̣ааяигад̣̇аасавад̇т̇угат̇ааван̣н̣анаа • Iṇāyikadāsavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
рааж̇абхадавад̇т̇угат̇ааван̣н̣анаа • Rājabhaṭavatthukathāvaṇṇanā
жоравад̇т̇угат̇ааван̣н̣анаа • Coravatthukathāvaṇṇanā
ин̣ааяигавад̇т̇угат̇ааван̣н̣анаа • Iṇāyikavatthukathāvaṇṇanā
д̣̇аасавад̇т̇угат̇ааван̣н̣анаа • Dāsavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
27. рааж̇абхадавад̇т̇угат̇аа • 27. Rājabhaṭavatthukathā
28. жоравад̇т̇угат̇аа • 28. Coravatthukathā
33. ин̣ааяигавад̇т̇угат̇аа • 33. Iṇāyikavatthukathā
34. д̣̇аасавад̇т̇угат̇аа • 34. Dāsavatthukathā
